Ídaba gayara lan neseriwidun kei prekursoru ídehati?

Arufuda tumuti ténpulu to larihiboun Esekiéli lidan aban arufudúni hadagaragüdüba lan lumutuniña Heowá lun lau sun hagundan. Ida luba wíchugun eteingiruni le ítarabei kei aban adagaragüdüni lun Heowá? (Ebü 13:15, 16).

Weseriwidun kei prekursoru ídehati ábanbei lídangiñe igaburi le buídutimabei. Séingüñein samudi luma dimaasu lidan saragu lídangiñe hati le lídanbei irumu lánina eseriwiduni 2018. Líderagubaña íbirigu ha awadigimaridubaña sun weyu, ani liibe-agei dan, samudirügüñein o dimaasu gayara lan háfuridun apurichiha. Gayaraabei giñe hanúadirun íbirigu hapurichihan darandi o dimí-san oura lidan ǘrüwa-hati luma gádürü-hati, luma lidan hati le lunbei labisidahani óunigiruti sirkuitu damuriguaü.

Ánheinti siñá lubéi weseriwidun kei prekursoru ídehati? Gayaraabei wáfaagun lúntima buidu lan ligaburi wapurichihan luma lun gíbetima lan dan wásügürün lidan. Meberesenga gádantiwa, gayaraati línchahaniwa ínsiñeni le wasandirubei luagu Heowá lun wíchuguni le buídutimabei lun lidan irumu lánina eseriwiduni 2018 (Ose 14:2).

ARIHA HUMÉI BIDÉU ANHEIN GAYARA LUBÉI TADÜGÜNI SABINA, GAYARAABEI GIÑE NADÜGÜNI, LÁRIGIÑE ÓUNABA HUMÉI ÁLÜGÜDAHANI BURÍ LE:

• Ka ínchahabarun Sabina aganwoundagüdei teseriwidun lun Heowá?

• Ida liña líderagunün tani Sabina hénpulu?

• Ka burí hati gayara lan heseriwidun kei prekursoru ídehati lidan irumu lánina eseriwiduni 2018?