Máyeiha huméi ubóu lidan aransehani le hadügübei lubá hefeduhani hamarieidun

Gíbeti katei lunti hanúadiruni feru adarigu ha aransehabaña lubá hamarieidun. Másiñati sandí hamá lunti lan háyeihani ligaburi lefeduhóun maríei hanarimeguti le burí kamanibei lidan fulasu le ñein lubéi hawinwanda. Másiñati giñe hariñaguni haduheñu hama hamadagu lau sun taruman hanigi houn ka lan hasaminanbei libügürü katei burí le lunbei ñein lan lidan fedu ligía. Kaba adundehani tídangiñeti Bíbülia íderaguaña lun hadügün aransehani buiti lubá weyu espechaliti le, ua láamuga ni kata le uáguti hasaküriha lárigiñe, darangilu ligíame hasaminan?

LÁRIGIÑE HARIHINI BIDÉU FEDU LÁNINA MARÍEI LE RUTI UÉIRIGUNI LUN HEOWÁ, ÓUNABA HUMÉI ÁLÜGÜDAHANI BURÍ LE:

• Ida liña lahuudun adundehani burí tídangiñeti Bíbülia le lun Nick tuma Juliana?

  • 1 Ko 10:31

  • 1 Hn 2:15, 16

  • Gal 5:19-21

  • 1 Ti 2:9

• Ka uagu lunti lubéi hanúadirun adarigu aban íbiri le derebuguhali lidan lafiñen lun ligía lan ariha lau fedu? (Huan 2:9, 10).

• Ka ínchahabalin Nick tuma Juliana lun hefeduhani hamarieidun kei aubei hadügei?

• Ka lunbei lariñaguni kábatima lan anüga fulasu lidan maríei luma ida luba lan lefeduhóun? (w06-S 15/10 páh. 25 pár. 10).