Adibuha humá lun haritaguni le furendei humaalibei

Anihein dan hénrenguti lun waritaguni le aturiaha wamaalibei. Lau sun lira, ménrengunti lun waritaguni liibe-agei lídangiñe le larufudahabei Hesusu woun. Ka uagu? Lugundun yúsuti hénpulu le gayaraabei wadiraaruni wachügüwagun. Ítarati, ánhawa adiraarei wachügüwagun le waturiahabei, ménrenguntimabei woun lun waritaguni. Ida luba wadügüni? Lau wadibuhan lidan awanha lan aturiaha.

Gürigia ha adibuhabalin iseri katei le hafurendeirubei, ariha hamaali luagu liibe-agei lan dan buídutima lan gunfuranda hamani dandu dimurei kei puntu méiniti lídangiñe le furendei hamaalibei. Dibuhu le hadibuhabei mama aban katei hanarimeguti, arufuda laali fiu aturiahani le adügǘbei luagu katei le, íbini lan gürigia ha derebuguhaña gayaraabei hasagarun buiti lídangiñe katei le.

Danme le haturiahan, houcha humá hadibuhani le hafurendeirubei. Másiñati taweiriduba lan hanigi luagu sun le haritagubei.