Ka súdinitimabei nun?

Ageindaguati Hakobu luma aban ánheli lun libihin aban katei le wéiriti lisudinin: abiniruni lúmagiñeti Heowá (Agu 32:24-31; Ose 12:3, 4). Agia wagía? Aranseñu waña san lun wáfaagun lun gaganbadi wamá lun Heowá lun weresibiruni labinihan? Kei hénpulu, kaba hamuga san wadüga anhein lunti lubéi wanúadirun werederun awadigimarida lárigiñe lóurate wadagimanu o woudin adamuridagua? Ánhawa íchigei le buítimabei lídangiñe wadaani, were luma wámati lun Heowá, líchuguba saragu abiniruni woun darime lun memegeirúnbadiwa lan ni kata (Mal 3:10). Ladundehabadiwa, lóunigirubadiwa ani líchugubei sun le wemegeirubei woun (Mt 6:33; Ebü 13:5).

LÁRIGIÑE HARIHINI BIDÉU MADIREIRABÉI BISAMINAN LUÉI LE BABUSENRUBEI BADÜGÜN LIDAN BESERIWIDUN LUN BUNGIU, ÓUNABA HUMÉI ÁLÜGÜDAHANI BURÍ LE:

• 

  Ka lénrengunga úmabei tagagibudagua aban íbiri?

• 

  Ka uagu gayara lubéi líchugun wawadigimari turobuli woun?

• 

  Ka uagu lunti lubéi meha lasigirun Timotéu asaminara kaba lan ladüga lidan leseriwidun lun Heowá íbini ábanhali lan meha kristiánu le derebuguti lafiñen? (1 Ti 4:16).

• 

  Ida liña warufuduni ka lan “wawadigimari súdinitimabei”?