¿She t’e pa Jesús?

Pa Jeova nicheney lhapesh pa Jesús na cotsjaat (1 Juan 4:9)

Pa Jeova ti yivĉlanjat’e lhapesh yiey pa vôôs pa lhaôs Jesús lhjunashjulh pa ángel t’un’in ti jôjiĉlai ninavĉlanjat pa Adán. Pa Jeova yen ca shtach’ana pa Lhaôs.

Pa Dios yisnatesh pa Lhaôs ca nanvat’aj’e yi’e na cotsjaat lhjunashjulh pa taôvĉlaj. Yeneyshi lhpa lhutsja lhei María ca nancavat’ajesh pa lhech yi’e pa Belén. Lhqueyesh Jesús (Juan 6:38).

Ti yi’e na cotsjaat, pa Jesús nôĉlit ti issha’ne chi’ ti nitsopa lhjunashjulh pa Jeova. Lhe’naa papi nivaĉle ti yen ca shalhe’ema pa lhech. Vanqu’eijatsjanesh shta pa yijô’ tô’lha pa Dios pa ampa ca nanjovayey.

Pa Jesús yisnatesh pava isis taj ti aĉloj papi nivaĉle yicônitshi (1 Pedro 2:21-24)

Pa Jesús yivatsjanchat papi taiyashaysha’ne pa na yi’e shta papi vafsha’ne ti yinenjatchishamch’e.

Papi vanôyinesh cava chiyishi’sha’ne lhapesh ti vanqu’eijatsjaneshtaj pava Dios lhasinôc, ninancôtsitayesh pa Jesús lhayaash pa lhech nôĉlit papi lhech ti yit’esh pa niyijô’a chi’ ti niysa’ pa lhfanishlhavach.

Papi lhech yifaycuta shta papi Roma lhavos ti yic’ôn’in chi’ ti yiĉlôn pa Jesús.