VATNEIJATSJANJAYASH 9

¿Ta t’elhesh jayu ca nicaaj pa paraíso yi’e na cotsjaat?

Nava tavi’jatai ti caaj navôque nalhus, nôĉlit pa Dios Lhanvaĉleyash ti yujeeic’oya jum (Lucas 21:10, 11; 2 Timoteo 3:1-5)

Pava tavi’jatai ti vaĉlan navôque yôj’eshane casnalhus, yiei pa lhjunash, pa vatvôtĉlonjayash, pava vatayashac, ampa vatôc, nichinanc’ashamem papi vatanavot chi’ ti nitôyaa papi t’ajôôjamsha’ne

Pa Biblia nifaĉjoom lhapesh pava tavi’jatai ti shtavanch’e navôque nalhus. Yiei pa lhjunash, papi vataĉles ninanc’ashamem papi lhnavot, caaj papi yen jum pa peso, caaj shta papi niysisasha’ne chi’ papi yen pava ninen pa Dios.

Yit’esh shta ti ujesh jayu ca nayuuynayuya’ch’e na cotsjaat, pa vatvatĉlonjayash, pa yipcu’ chi’ pava aĉloj vatai’yashac. Avaatsha, ¿lhavanch’e navôque nalhus ti lhech lhjunashch’e?

Pa ve’lha ti lhech papi nifaqu’in pa Jeova ti vanqu’eijatesh pa nivaĉle pava isis tô’lha pa Dios Lhanvaĉleyash

Pa yit’esha pa Jesús pava isis lhĉlishay pa Lhanvaĉleyash pa Dios ca chinanfaĉleem lhacôm’a yiei nan tuc’a’e na cotsjaat (Mateo 24:14).

Pa Dios Lhanvaĉleyash yivômjatshi jayu lhacôm’a papi niysisasha’ne (2 Pedro 3:13)

Papi niysisasha’ne chivômjatshi jayu pa Armagedón, pa lhechesh chivômjatshi jayu shta pa Satanás chi’ papi ángeles niysisasha’ne

Pa Jeova yivômjatshi jayu tatsha papi nivaĉle niysisasha’ne.

Chiyvômjat jayu shta pa Satanás chi’ papi ángeles niysisasha’ne.

Pa Jesús yiei pa vôôs, chi’ ti c’useemvatsham’in lhacôm’a papi tc’ac’eshamsha’ne lhtachifas venalhjunashvatc’oya

Papi nivaĉle ti tach’ana pa Dios mônlhasha’ne jayu yiei pa nich’a nalhu. Lhech’e jayu ampapu ca nanjovay’in, papi nivaĉle vanensha’ne chi’ tan ca t’ôyishe’ei ca nanjovayvatam, caĉlec’vane jayu jaô.