Génesis

41 Kan xa xuʼ xkʼoxaj riʼ, Esaú kan itzel xnaʼ che rä Jacob, rma ri xuʼij rtataʼ che rä. Y Esaú nuʼij wä reʼ pa ran: «Xa jbʼaʼ chik apü, xtkäm ntataʼ. Taq xtqʼax jbʼaʼ ri bʼis xtqanaʼ, rïn xtinkamsaj Jacob, ri nchaqʼ». 42 Taq xtzjöx che rä Rebeca ri rchʼobʼon wä nuʼän Esaú, ri naʼäy ral, ryä kan chanin xskʼij Jacob, ri ral más koʼöl, chqä xuʼij che rä: «Ri anmal Esaú nrajoʼ yaturkamsaj rchë nutzolij rkʼexel ri xaʼän che rä. 43 Rma riʼ wal, tabʼanaʼ ri xtinbʼij chawä. Katanmäj äl Harán, akuchï kʼo wä Labán, ri nxbʼal. 44 Kajeʼ jbʼaʼ chlaʼ jun tiempo kʼa taq xtqʼax ryowal anmal, 45 kʼa taq xtqʼax ryowal y xtmestaj ri xaʼän che rä. Taq xtbʼanatäj riʼ, rïn xtintäq rtzjol chawä rchë xkatzolin pä. ¡Ma nwajoʼ ta chë kan chixkaʼiʼ ma xkixintzʼët ta chik!». 46 Chrij riʼ, Rebeca xuʼij che rä Isaac: «Ri rmiʼal Het kibʼanon chwä chë ntzelaj ri nkʼaslemal. We Jacob nkʼleʼ rkʼë jun chkë ri rmiʼal Het, o rkʼë jun chkë ri qʼopojiʼ ri ye kʼo chpan re tinamït reʼ, ¿achkë chik xtkʼatzin chwä xkikʼaseʼ na qa?».