2 Timoteo

2 Chqä jontir ri xakʼoxaj wkʼë rïn [...], tayaʼ qa pa kiqʼaʼ utziläj taq achiʼaʼ, ke riʼ ryeʼ xkekowin xtkikʼüt chkiwäch ri nkʼaj chik. 4 Majun ta jun soldado nuyüj riʼ kikʼë ri kʼayij nkiʼän ri winäq, rma nrajoʼ chë ri xskʼin rchë ntok soldado, kiʼ rkʼuʼx nuʼän rkʼë. 10 Rma riʼ rïn najin nköchʼ jontir ri najin nbʼan chwä kimä ri yechaʼon, [...] 13 we röj xtqayaʼ qa ryä, ryä ma xtqryaʼ ta qa röj, rma ryä ma nujäl ta rtzij. 15 Tabʼanaʼ jontir ri kʼo pan aqʼaʼ rchë ütz yatzʼet rma Dios, kan achiʼel jun samajel ri majun rma nkʼïx, ri kan ütz rksaxik nuʼän che rä Rchʼaʼäl Dios. 16 Keʼatzelaj ri itzel taq tzij ri xa nkitzʼilbʼisaj ri chʼajchʼöj; rma ryeʼ xa najin nkinimirsaj más ri itzelal, 19 [...] «Jehová rtaman kiwäch ri ye rchë ryä», [...] 22 Rma riʼ, katanmäj chwäch ri nkirayij ri qʼopojiʼ kʼojolaʼ, y achiʼel nkiʼän ri nkiyaʼ rqʼij ri Ajaw rkʼë jun chʼajchʼöj kan, tabʼanaʼ ri ütz, takʼuqbʼaʼ akʼuʼx chrij Dios, kajowan chqä ma taʼän ta chʼaʼoj. 24 Ri rsamajel ri Ajaw ma nkʼatzin ta nuʼän chʼaʼoj, xa kan ütz rnaʼoj kʼo chë nuʼän kikʼë jontir, kʼo chë nkowin nukʼüt ri rchʼaʼäl Dios, kʼo chë nuqʼät ryowal taq kʼo ma ütz ta nbʼan che rä 25 y kʼo chë ma nikʼo ta rkʼuʼx yertjoj ri ma yenman ta tzij. Rkʼë jbʼaʼ ke riʼ Dios xkertoʼ rchë xtkijäl kinaʼoj ri xtuʼän chë xtkitamaj jontir ri kʼo chpan rchʼaʼäl, 26 ke riʼ xtqʼax chkiwäch chë ma ütz ta ri xkiʼän chqä xkeʼanmäj pa rqʼaʼ ri Diablo, rma ryä xerchäp yän rchë nkiʼän rraybʼal.