Hechos
2 Chaq kʼateʼ kʼo jun xqʼajan pä chlaʼ chkaj, ri rchʼaʼäl kan achiʼel taq njmin ri kaqʼiqʼ, y xnujsaj ri jay ri akuchï ye tzʼyül wä. 3 Y xkitzʼët chë xbʼeqʼalajin pä achiʼel ta rxaq qʼaqʼ ri xkijäch äl kiʼ y xebʼejeʼ pa kiwiʼ chkijujnal ryeʼ. 4 Jontir xyaʼöx ri loqʼoläj rchqʼaʼ Dios pa kiwiʼ y xkichäp xetzjon pa jalajöj chʼaʼäl, rma ri loqʼoläj rchqʼaʼ Dios xbʼanö chkë chë xetzjon chkipan ri chʼaʼäl riʼ. 6 Rma riʼ, taq xqʼajan ya riʼ, xkimöl kiʼ ye kʼïy winäq ri kan xel kikʼuʼx rma chkijujnal ryeʼ najin wä yekikʼoxaj ri rtzeqelbʼëy Jesús yetzjon pa kichʼaʼäl. 11 cretenses chqä árabes, jontir röj xqakʼoxaj chë najin nkitzjoj pa qachʼaʼäl ronojel ri nimaläj taq bʼanobʼäl rbʼanon Dios». 16 Ye kʼa xa najin nbʼanatäj ri xuʼij qa ri profeta Joel: 17 ‹Chpan kʼa ri rkʼisbʼäl taq qʼij —nuʼij Dios— rïn xtinyaʼ pä jbʼaʼ wchqʼaʼ pa kiwiʼ xa bʼa achkë kiwäch winäq. Ri iwalkʼwal xtkiʼän rsamaj jun profeta, ri qʼopojiʼ kʼojolaʼ xkekitzʼët visiones y ri kʼo chik kijnaʼ xkekiʼän achïkʼ, 22 Jontir rïx israelitas, tikʼoxaj reʼ: Jesús ri aj Nazaret xok jun achï ri kan chkiwäch jontir xkʼüt Dios chë kan kiʼ rkʼuʼx rkʼë, rma Dios xksaj ryä rchë xeruʼän nimaläj taq bʼanobʼäl chqä milagros chikojöl rïx; y rïx kan itaman riʼ. 26 Rma riʼ kan xel nkʼuʼx. Rïn kan xtinkʼuqbʼaʼ nkʼuʼx chawij, 27 rma rït ma xkinayaʼ ta qa pa Jül nixta xtayaʼ qʼij chë ri asamajel xtchaʼ chiʼ rchʼakul. 28 Rït akʼutun chi nwäch achkë bʼey kʼo chë nkʼwaj; xtaʼän chë kan kiʼ nkʼuʼx xtinbʼän taq xkijeʼ chawäch›. 36 Rma riʼ, jontir ri tinamït Israel ttamaj chë Dios kan xuʼän Ajaw chqä Cristo che rä Jesús ri xikamsaj rïx chwäch ri cheʼ. 37 Taq xkikʼoxaj reʼ, kan xkinaʼ chë xtiʼon kan y rma riʼ xkikʼutuj che rä Pedro chqä chkë ri nkʼaj chik ri apóstoles: «Qachʼalal, ¿achkë kʼo chë nqaʼän?». 38 Pedro xuʼij chkë: «Titzolij iwiʼ chqä kixqasäx pa yaʼ pa rbʼiʼ Jesucristo, rchë ke riʼ xtkuy imak y xtikʼül ri loqʼoläj rchqʼaʼ Dios, ri spanïk ri xtyaʼ pä ryä chiwä. 44 Jontir ri yeʼok wä rtzeqelbʼëy Cristo jnan wä yejeʼ chqä nkijäch wä chkiwäch jontir ri kʼo kikʼë 45 y nkikʼayij wä ri kʼo kikʼë chqä ri kijyuʼ y, ri nkimöl, nkiyaʼ wä chkë ri nkʼatzin chkë.