Romanos

12 Rma riʼ, wachʼalal, rma Dios kan nupoqonaj qawäch, ntäj nqʼij chiwij chë titzjuʼ apü ichʼakul chwäch ryä kan achiʼel ta jun sacrificio ri kʼo rkʼaslemal, ri loqʼoläj chqä ri kan ütz nutzʼët Dios; ke riʼ xtikʼüt chë kan xiquʼ rij ri samaj xtiʼän rma Dios. 2 Y ma tikʼän ta chik inaʼoj chkij ri winäq ri ma nkiyaʼ ta rqʼij Dios, pa rkʼexel riʼ, tijalaʼ rbʼanik yixchʼobʼon rchë njalatäj inaʼoj, rchë ke riʼ kan yïx rïx yixtzʼetö chë ri nrajoʼ Dios kan ütz, kan jaʼäl chqä kan tzʼaqät. 3 Rma ri utzil ri kʼutun chi nwäch ri ma taqäl ta chwij nkʼül, nbʼij kʼa chiwä rïx chijujnal chë ma tqʼax ta rwiʼ ri rbʼanik nitzʼët qa iwiʼ, xa kan tikʼutuʼ chë kan pa rbʼeyal yixchʼobʼon, ri rkʼwan riʼ rkʼë ri kʼuqbʼäl kʼuʼx ri ryaʼon Dios chiwä. 4 Rma, achiʼel chpan jun chʼakulaj kan kʼïy peraj kʼo, ma jontir ta ri peraj riʼ jnan samaj nkiʼän, 5 ke riʼ chqä röj, tapeʼ yoj kʼïy, nq·ok xa jun chʼakulaj ri rkʼwan riʼ rkʼë ri Cristo, ye kʼa chqajujnal röj yoj peraj rchë ri chʼakulaj riʼ ri jnan nqakʼwaj qiʼ. 6 Y rma ri utzil kʼutun chqawäch, ri ma taqäl ta chqij nqakʼül, yaʼon pä jalajöj spanïk chqë. We ri spanïk riʼ ya riʼ yeqaʼij apü profecías, kan keqaʼij ri profecías riʼ rkʼë ri kʼuqbʼäl kʼuʼx ri yaʼon chqë; 7 we ya riʼ yeqatoʼ ri nkʼaj chik, kan tqatjaʼ qaqʼij chpan ri samaj riʼ; we kʼo jun yertjoj ri nkʼaj chik rma ya riʼ rspanik xyaʼöx, kan kertjoj kʼa ri nkʼaj chik; 8 we rchë nukʼuqbʼaʼ kikʼuʼx ri nkʼaj chik, kan tkʼuqbʼaʼ kʼa kikʼuʼx ri nkʼaj chik; we rchë nuyaʼ ri kʼo rkʼë, kan pa rkʼiyal tyaʼ ri kʼo rkʼë; we rchë ri nukʼwaj bʼey, kan rkʼë ronojel ran tbʼanaʼ wä riʼ; we rchë nujyowaj kiwäch ri nkʼaj chik, kan tbʼanaʼ riʼ rkʼë kiʼkʼuxlal. 9 Ma tuʼän ta kaʼiʼ ipaläj taq yixajowan. Titzelaj ri itzelal chqä tiwajoʼ ri ütz. 10 Tiwajowalaʼ iwiʼ chiwäch kan achiʼel nkajoʼ kiʼ kaʼiʼ ri kan kichʼalal kiʼ. Titjaʼ iqʼij rchë rïx naʼäy yixyaʼö kiqʼij nkʼaj chik. 11 Kixsamäj y ma kixqʼoran ta. Tiyaʼ qʼij chë ri loqʼoläj rchqʼaʼ Dios nuʼän chë kan rkʼë ronojel iwan nirayij niʼän rsamaj. Ma tiyaʼ qa rbʼanik rsamaj Jehová. 12 Kiʼ ikʼuʼx tibʼanaʼ rma ri utzil iyoʼen apü. Kixkochʼon taq kʼo kʼayewal chiwij. Titjaʼ iqʼij chubʼanik ri chʼonïk. 13 Tispaj ri kʼo iwkʼë chkë ri loqʼoläj qachʼalal, tiyaʼ ri achkë nkʼatzin chkë. Ronojel mul kixspan. 15 Kiʼ ikʼuʼx tibʼanaʼ kikʼë ri kiʼ kikʼuʼx kibʼanon; kixoqʼ kikʼë ri yeʼoqʼ. 17 Ma titzolij ta rkʼexel taq nbʼan jun itzelal chiwä. Tjeʼ pan ijolon ri nkiquʼ ri winäq chë ma xajan ta. 18 Tibʼanaʼ jontir ri kʼo pan iqʼaʼ rchë ma njeʼ ta chʼaʼoj chiwäch kikʼë ri winäq. 19 Wachʼalal, ma titzolij ta rkʼexel ri itzelal nbʼan chiwä, xa tiyaʼ q’ij chë yë Dios nkatäj ryowal, rma tzʼibʼatäl qa: «Ya reʼ nuʼij Jehová: ‹Rïn xkitzolin rkʼexel chkë; rïn xkibʼanö chë xtkitöj kimak›». 20 Pa rkʼexel riʼ, «we ri winäq ri itzel nunaʼ chawä kʼo rnmik, tayaʼ rway; we nchaqiʼj rchiʼ, tayaʼ jbʼaʼ ryaʼ. Rma, we rït xtaʼän riʼ, xtakʼüt chë achiʼel ta najin nayaʼ rachäq qʼaqʼ pa rjolon». 21 Ma tayaʼ ta q’ij chë ri itzelal nchʼakon chawij, xa tabʼanaʼ ri ütz rchë yachʼakon chrij ri itzelal.