Isaías

3 «Kinikʼoxaj rïx ri rjatzul qa Jacob, jontir rïx ri rjatzul Israel ri kʼa yïx kʼo na, rïx ri yixintoʼon pä kan pa ilaxik chqä taq kʼa majanä kixaläx rïn ya yixinchajin pä chik. 4 Tapeʼ xkixrjïx, rïn ma xtinjäl ta nnaʼoj; tapeʼ xtuʼän säq ri rsmal iwiʼ, rïn kan xkixintoʼ na. Kan achiʼel wä nbʼanon pä, rïn kan xkixinkʼwaj na, kan xkixintoʼ na chqä kan xkixinköl na. 10 Rïn yibʼin achkë rbʼanik nbʼekʼis jun ri kʼa riʼ nchapatäj äl. Y kan ojer chik riʼ nbʼin pä ri kʼa majanä kebʼanatäj. Rïn riʼ ri yibʼin: ‹Ri nraybʼal kan xtbʼanatäj, y kan xtinbʼän xa bʼa achkë nwajoʼ nbʼän›. 11 Rïn nskʼij jun ajxikʼ chköp ri nutäj tiʼäj ri kʼo kʼa akuchï ntel pä ri qʼij, y pa jun tinamït ri kʼa näj kʼo wä, nskʼij ri achï ri xtuʼän ri nchʼobʼon. Y ri nbʼin, kan xtinbʼän. Y ri nchʼobʼon chë nbʼän, kan xtinbʼän.