Ezequiel

2 Ya riʼ taq ryä xuʼij chwä: «Rït, ri rkʼajol ri achï, kapaʼeʼ rchë yitzjon awkʼë». 2 Taq ryä xtzjon wkʼë, xinnaʼ rchqʼaʼ Dios y xuʼän chë xipaʼeʼ qʼanäj rchë nyaʼ nxkïn che rä ri najin wä ntzjon wkʼë. 3 Ryä xuʼij chwä: «Rït, ri rkʼajol ri achï, najin yatintäq äl pa tinamït Israel, chpan tinamït ri kiyaʼon qa kij chi nwäch. Ryeʼ chqä ri katiʼt kimamaʼ kiqʼajon pä ri npixaʼ kʼa komä. 4 Najin yatintäq äl kikʼë tïx taq winäq chqä ri kan nkipabʼaʼ kiʼ chawäch. Rït, taʼij reʼ chkë: ‹Ya reʼ nuʼij Jehová, ri Nimaläj Qʼatöy Tzij›. 5 Xtkiyaʼ kixkïn chawä o manä —rma re winäq reʼ kan ye tïx—, xtkitzʼët chë xjeʼ jun profeta chkikojöl. 6 Ye kʼa rït, ri rkʼajol ri achï, ma taxiʼij ta awiʼ chkiwäch nixta chwäch ri xtkiʼij chawä, tapeʼ kan achiʼel ta yït kʼo chukojöl kʼix, chaqiʼj taq qʼayis chqä alacranes. Ma taxiʼij ta awiʼ chwäch ri xtkiʼij chawä nixta chkiwäch ryeʼ, rma kan ye tïx taq winäq. 9 Chrij riʼ, xintzʼët chë kʼo jun najin nyaʼö pä rqʼaʼ chwä, y pa rqʼaʼ kʼo jun rollo ri kʼo tzʼibʼatäl chwäch. 10 Ryä xjäq ri rollo riʼ chi nwäch, y ri rollo kʼo tzʼibʼatäl chwäch chqä chrij; tzʼibʼatäl bʼix rchë bʼis, oqʼej chqä tijöj poqonal chwäch.