¿Achkë ütz nqaspaj che rä Jehová?

KʼO JUN qʼij, Jesús xuʼij: «Nuyaʼ más kiʼkʼuxlal ri yaspan chwäch ri nakʼül jun spanïk» (Hechos 20:35). Kantzij na wä chë re naʼoj reʼ ütz nqaksaj rkʼë Jehová. ¿Achkë rma nqaʼij riʼ? Ryä ruyaʼon jontir chqë rchë nqanaʼ kiʼkʼuxlal, ye kʼa xtqanaʼ más kiʼkʼuxlal we röj xtqayaʼ jun spanïk che rä ryä. ¿Achkë ütz nqayaʼ che rä? Proverbios 3:9 nuʼij: «Kan tayaʼ ruqʼij Jehová rkʼë abʼeyomal». Chpan re texto reʼ, ri bʼeyomäl ntel chqä chë tzij ri qa-tiempo, ri achkë nqkowin nqaʼän, ri qachqʼaʼ chqä ri achkë kʼo qkʼë. Taq nqaksaj ri kʼo qkʼë rchë nqayaʼ ruqʼij Jehová, achiʼel ta najin nqayaʼ jun spanïk che rä. Y riʼ janina kiʼkʼuxlal nyaʼ pa qan.

¿Achkë xtqtoʼö rchë ma xtqamestaj ta chë kʼo chë nqspan che rä Jehová? Ri apóstol Pablo xuʼij chkë ri cristianos aj Corinto chë tkikʼoloʼ qa jubʼaʼ kirajil rchë ke riʼ xkekowin xtkiyaʼ kikchaj (1 Corintios 16:2). We nawajoʼ natamaj más chrij ri achkë rubʼanik nayaʼ jun akchaj pa rutinamit Jehová, tatzʼetaʼ ri recuadro kʼo qa chuxeʼ.

Ye kʼo jojun tinamït ma nkiyaʼ ta qʼij rchë natäq äl akchaj pa Internet. Rma riʼ, chpan ri página rchë Internet donate.jw.org nuyaʼ pä jalajöj rubʼanik rchë naʼän riʼ. Chkipan jojun tinamït, ri página riʼ nuqʼalajsaj kʼïy kʼutunïk chrij ri rubʼanik nayaʼ äl ri akchaj.