RI QAKʼASLEMAL RÖJ RI CRISTIANOS
Jehová yeruköl ri ye kʼo pa jun nüm bʼis
Majun ta rubʼanon we kʼo mul nqbʼison. Taq röj nqbʼison, reʼ ma ntel ta chë tzij chë ma junan ta rubʼanon qawäch rkʼë Dios. Jehová chqä kʼo mul nbʼison (Gé 6:5, 6). Ye kʼa ¿achkë ütz nqaʼän we kan jun nüm bʼis kʼo pa qan o ronojel mul nqbʼison?
Takʼutuj atoʼik che rä Jehová. Ryä nrajoʼ chë röj kiʼ qakʼuʼx nqaʼän pa qakʼaslemal. Rma riʼ retaman we röj najin nqbʼison o kiʼ qakʼuʼx. Y ma xa xuʼ ta riʼ, ryä retaman achkë rma ke riʼ qanaʼon (Sl 7:9b). Y, ri kʼo más ruqʼij, ya riʼ chë Jehová nkowin nqrtoʼ pä taq najin nqbʼison o taq kʼo jun nüm bʼis pa qan, rma ryä kan nchpü pä chqij (Sl 34:18).
Tqachajij qiʼ chwäch ri yeqaquʼ. Taq röj ruyon ma ütz ta yeqaquʼ, ya riʼ xa xtuʼän chë ma kiʼ ta chik qakʼuʼx xtqaʼän chqä rkʼë jbʼaʼ xa xtqatzʼlaʼ ri qachbʼilanïk rkʼë Jehová. Rma riʼ kan nkʼatzin nqachajij qan, ntel chë tzij, nqachajij ri yeqaquʼ chqä ri yeqanaʼ (Pr 4:23).
TAQ XATZʼËT YÄN RI VIDEO RI QACHʼALAL NKINAʼ UXLANEN PA KAN TAPEʼ KAN KOWAN NAJIN YEBʼISON, KEʼAQʼALAJSAJ RE KʼUTUNÏK REʼ:
¿Achkë xuʼän ya Nikki rchë xpabʼaʼ riʼ chwäch ri bʼis?
¿Achkë xtoʼö rchë ya Nikki rchë xqʼalajin chwäch chë nkʼatzin nbʼä rkʼë jun doctor? (Mt 9:12).
¿Achkë xuʼän ya Nikki rchë xkʼuqbʼaʼ rukʼuʼx chrij Jehová?