Ri ütz naʼän taq natjoj awiʼ chrij le Biblia

Taq röj nqatjoj qiʼ chrij le Biblia, nqajoʼ chë ri nqatamaj chrij Jehová napon pa qan y nqrtoʼ rchë yë ri ütz nqaquʼ, nqanaʼ chqä nqarayij. Rchë nqaʼän riʼ, ütz nqakʼän qanaʼoj chrij Esdras, rma ryä «kan xyaʼ chwäch ran nunukʼuj rwäch ri Rpixaʼ Jehová» (Esd. 7:10). ¿Achkë ütz naʼän rït rchë naʼän riʼ?

Kachʼö rkʼë Dios. Taq rït ya nachäp natjoj awiʼ chrij le Biblia, taʼij che rä Jehová chë katurtoʼ pä rchë nqʼax chawäch ri xtaskʼij chqä rchë xtasmajij pan akʼaslemal (Sal. 119:18, 34).

Ma tanaʼ ta awiʼ. Dios nrewaj ri kantzij taq naʼoj chkiwäch ri winäq ri xa nkinaʼ kiʼ chqä nkikʼuqbʼaʼ kikʼuʼx chrij ri kitaman (Luc. 10:21). Ma tatjoj ta awiʼ xa xuʼ rchë ri nkʼaj chik nkitzʼët chë rït kan kʼïy ataman. We rït najin natjoj awiʼ y natzʼët chë kʼo jun nkʼatzin najäl, ma tanaʼ ta awiʼ y tajalaʼ ri nkʼatzin.

Takʼoxaj jun chkë ri qabʼix. Ri bʼix kan yeʼapon pa qan, y ya riʼ nuʼän chqë chë nqajoʼ nqayaʼ más rqʼij Dios. Rma riʼ, taq nqakʼoxaj jun chkë qabʼix taq ya nqachäp nqatjoj qiʼ chrij le Biblia, ya riʼ xtqrtoʼ rchë xtqayaʼ qan chrij ri xtuʼij pä Jehová chqë chqä rchë xtqajoʼ xtqasmajij ri xtqatamaj.