Tatzjoj chkë nkʼaj chik ri achkë natamaj qa

Ri nqatjoj qiʼ chrij le Biblia kan nukʼuqbʼaʼ qakʼuʼx, ye kʼa kan más na chik jaʼäl nqanaʼ taq nqatzjoj chkë nkʼaj chik ri naʼoj nqatamaj qa. Proverbios 11:25 nuʼij: «Ri winäq ri nukʼuqbʼaʼ kikʼuʼx ri nkʼaj chik, xtkʼuqbʼäx rkʼuʼx ryä chqä».

Si röj nqatzjoj chkë nkʼaj chik ri nqatamaj qa chpan le Biblia, xtqʼax más ri naʼoj riʼ chqawäch chqä ma kwest ta xtuʼän chqawäch xtnatäj pä chqë. Chqä, kan kiʼ qakʼuʼx xtqaʼän rma qataman chë ri naʼoj riʼ kan xkertoʼ nkʼaj chik rchë xtkikʼuqbʼaʼ más kikʼuʼx chrij Jehová (Hech. 20:35).

Ütz naʼän ya reʼ: Ri jun chik semana tatzjoj che rä jun chik achkë naʼoj xatamaj qa. Rkʼë jbʼaʼ ütz natzjoj che rä jun awachʼalal pan awachoch, jun qachʼalal pa congregación, jun awachiʼil pan asamaj o pan escuela, jun avecino o jun winäq ri nawïl pa territorio. Tatjaʼ aqʼij rchë ma kwest ta rbʼanik natzjoj che rä, rchë ke riʼ ma kwest ta xtqʼax chwäch.

Ma tamestaj ta ya reʼ: Röj nqatzjoj chkë nkʼaj chik ri nqatamaj qa chpan le Biblia, ma rma ta nqajoʼ chë ryeʼ nkitzʼët chë kan kʼïy qataman, röj nqaʼän riʼ rma nqajoʼ nqakʼuqbʼaʼ kikʼuʼx (1 Cor. 8:1).