¿Nkʼatzin komä nkʼïs qa ntzij rkʼë ri winäq?

We jun winäq nuʼän jun kʼutunïk chqë rma nrajoʼ nutamaj más o nrajoʼ chë nqaqʼalajsaj más jun naʼoj chwäch rma ma nunmaj ta jun ri xqaʼij che rä, majun rma nqayaʼ qa. Röj nqajoʼ nqtzjon kikʼë ri winäq ri «nkajoʼ nkïl ri kʼaslemal ri majun bʼëy xtkʼis ta» (Hech. 13:48).

Ye kʼa, ¿achkë ütz nqaʼän we ri winäq katajnäq ruyowal, xa chʼaʼoj nrajoʼ nuʼän o ma nrajoʼ ta ntzjon qkʼë? We ke riʼ, kan pa rubʼeyal tqakʼsaʼ qa qatzij (Prov. 17:14). Kan ütz rubʼanik tqachʼaʼej qa ri winäq. Ya riʼ rkʼë jbʼaʼ xtuʼän chë xtrajoʼ xtyaʼ ruxkïn chqë chqawäch apü (1 Ped. 2:12).