Top left: Marek M. Berezowski/Anadolu Agency via Getty Images; bottom left: Halfpoint Images/Moment via Getty Images; center: Zhai Yujia/China News Service/VCG via Getty Images; top right: Ismail Sen/Anadolu Agency via Getty Images; bottom right: E+/taseffski/via Getty Images
¡KIXKʼASEʼ APÜ!
2023: Jun jnaʼ ri kan kʼïy kʼayewal xbʼanatäj | ¿Achkë nuʼij le Biblia chrij riʼ?
Jontir ri xbʼanatäj chwäch le Rwachʼlew chpan ri jnaʼ 2023 nukʼüt chë yoj kʼo chpan ri tiempo ri nbʼix «rkʼisbʼäl taq qʼij» che rä chpan le Biblia (2 Timoteo 3:1). Ri najin yebʼanatäj komä kan ya riʼ rbʼin pä le Biblia chë xkebʼanatäj na. Tatzʼetaʼ jojun chkë riʼ:
Le Biblia chqä ri najin yebʼanatäj chwäch le Rwachʼlew
«Xtikʼoxaj chë kʼo chʼaʼoj najin yebʼanatäj näj chqä naqaj» (Mateo 24:6).
«Ri chʼaʼoj más najin yenmatäj chwäch le Rwachʼlew».a
Tatzʼetaʼ ri artículos «¿Quién protegerá a los civiles?» chqä «Xeksäx más 2 billones de dólares rchë xebʼan armas».
«Xa bʼa akuchï xkebʼanatäj mamaʼ taq slonel» (Marcos 13:8).
«Kan xa xuʼ xchapatäj ri 2023 kʼa komä, ye bʼanatajnäq chwäch le Rwachʼlew 13 mamaʼ taq slonel ri kan yekitzäq jay. Ma kan ta kʼïy mul ye bʼanatajnäq kʼïy slonel chpan jun jnaʼ».b
Tatzʼetaʼ ri artículo «Mamaʼ taq slonel ri xebʼanatäj Turquía chqä Siria».
«Xketzʼetetäj jojun ri kan naxiʼij awiʼ natzʼët» (Lucas 21:11).
«Xqapon chpan ri tiempo ri kan nqʼax ruwiʼ ri kʼatän nuʼän»(António Guterres, secretario general de las Naciones Unidas).c
Tatzʼetaʼ ri artículo «Kan najin nqʼax ruwiʼ ri kʼatän chpan ri junaʼ 2023».
«Xtjeʼ wayjal» (Mateo 24:7).
«2023: Jun chik jnaʼ ri kan kʼayewal xuʼän chkiwäch ri winäq ri nkitäj kiqʼij rchë yekitzüq kifamilias».d
Tatzʼetaʼ ri artículo «Ri chʼaʼoj chqä ri kowan kʼatän o tiw nuʼän najin nkiʼän chë kʼo más wayjal».
Jun tiempo ri kan «janina kʼayewal xkejeʼ y kan kʼayewal xtuʼän kikʼwaxik» (2 Timoteo 3:1).
«Chwäch le Rwachʼlew, jun chkë ocho winäq nunaʼ jun nimaläj bʼis pa ran».e
Tatzʼetaʼ ri artículo «Más ye kʼïy qʼopojiʼ kʼojolaʼ najin nkinaʼ jun nimaläj bʼis pa kan».
¿Achkë xtbʼanatäj chpan ri jnaʼ 2024?
Majun ta jun tamayon achkë xtbʼanatäj chpan ri jun chik jnaʼ. Ye kʼa, jontir ri najin nbʼanatäj chwäch le Rwachʼlew nukʼüt chë xa jbʼaʼ chik apü, ri Rqʼatbʼäl Tzij Dios ri kʼo chkaj xtkanaj pa kikʼexel ri qʼatbʼäl taq tzij chwäch le Rwachʼlew y xtresaj jontir ri nbʼanö chqë chë nqatäj poqän chqä ri nbʼanö chqë chë nchʼpü qakʼuʼx (Daniel 2:44; Apocalipsis 21:4).
Loman nbʼeqä ri qʼij riʼ, we röj kowan nchʼpü qakʼuʼx, ütz nqakʼutuj qatoʼik che rä Dios. Le Biblia nuʼij:
«Taq rïn nxiʼij wiʼ, nkʼuqbʼaʼ nkʼuʼx chawij rït» (Salmo 56:3).
¿Achkë rbʼanik nqakʼüt chë qakʼuqbʼan qakʼuʼx chrij Dios? Nqajoʼ chë natamaj achkë nutzüj le Biblia chrij jun kʼaslemal ri akuchï ma xtqatäj ta chik poqän. Tatjoj awiʼ chrij le Biblia qkʼë rchë natzʼët achkë rbʼanik ri nutzüj le Biblia yaturtoʼ rït chqä afamilia.
a Foreign Affairs, «A World at War: What Is Behind the Global Explosion of Violent Conflict?» (Ri chʼaʼoj chwäch le Rwachʼlew : ¿Achkë rma más najin yebʼanatäj?), Emma Beals y Peter Salisbury; 30 de octubre, 2023.
b Noticias de terremotos, «2023: Xa jbʼaʼ nrajoʼ rchë re jnaʼ reʼ nbʼeʼok ri jnaʼ ri más nmaʼq taq slonel ye bʼanatajnäq»; mayo, 2023.
c Naciones Unidas, «Secretary-General’s Opening Remarks at Press Conference on Climate» (ri xuʼij ri secretario general chkiwäch ri yeqʼaxan noticias chrij ri kowan kʼatän najin nuʼän); 27 de julio, 2023.
d Programa Mundial de Alimentos, “Una crisis alimentaria mundial”.
e Organización Mundial de la Salud, “Día Mundial de la Salud Mental”; 10 de octubre, 2023.