Ri qʼatöy taq tzij ri xa yeleqʼan | ¿Achkë xtuʼän ri Rqʼatbʼäl Tzij Dios?

Ri winäq nkajoʼ chë ri yekʼwayon bʼëy chkiwäch kan pa rbʼeyal yekiʼän; ryeʼ ma yekajoʼ ta chik qʼatöy taq tzij ri xa yeleqʼan. Jun encuesta ri xbʼan chkipan kʼïy tinamït chpan ri jnaʼ 2023 xkʼüt chë ri winäq kan ma nkikʼuqbʼaʼ ta chik kikʼuʼx chkij ri yeqʼatö tzij pa kiwiʼ.a

Le Biblia nutzjoj rij jun qʼatbʼäl tzij ri kʼo jun Rqʼatöy Tzij ri kan ütz nakʼuqbʼaʼ akʼuʼx chrij, ri kan pa rbʼeyal nuʼän che rä jontir chqä ri majun bʼëy xtleqʼan ta. Re qʼatbʼäl tzij reʼ ya riʼ ri Rqʼatbʼäl Tzij Dios, y yë Jesucristo ri Qʼatöy Tzij chpan (Isaías 9:7).

Jesús rkʼutun chik chë kan yerajoʼ ri winäq (Mateo 9:35, 36). Ryä xtuʼän chë kan pa rbʼeyal xtbʼan kikʼë jontir ri xtkajoʼ chë ryä xtqʼät tzij pa kiwiʼ chqä xtuʼän chë ma xtjeʼ ta chik chʼaʼoj (Salmo 72:12-14).