21 kʼa 27 de julio
Wuj rchë ri qamoloj (2025) | julio

21 KʼA 27 DE JULIO

PROVERBIOS 23

Bʼix 97 chqä oración | Naʼäy taq tzij (1 min.)

RI BʼEYOMÄL YEQÏL CHPAN LE BIBLIA

1. Naʼoj ri xkojkitoʼ rkʼë rtjik yaʼ

(10 mins.)

We nqajoʼ nqatäj yaʼ, ma tqʼax ta rwiʼ rtjik tqabʼanaʼ (Pr 23:20, 21; w04-S 1/12 19 peraj 5, 6).

Ma tqamestaj ta achkë kʼayewal xtqïl we xtqqʼabʼär (Pr 23:29, 30, 33-35; it-1-S 367, 368).

Ma tqaquʼ ta chë ma xtqïl ta kʼayewal we nqʼax rwiʼ yaʼ nqatäj (Pr 23:31, 32).

Jun qachʼalal ixöq tzʼyül pa sofá chqä najin nutzuʼ jun botella ri kʼo whisky chpan ri kʼo pa rwiʼ mesa.

2. Keqakanuj bʼeyomäl chpan le Biblia

(10 mins.)

  • Pr 23:20. ¿Achkë naʼoj nuyaʼ le Biblia chkë ri nkajoʼ nkitäj yaʼ? (lff tjonïk 43 peraj 2).

  • ¿Achkë naʼoj xatamaj qa chpan rskʼixik le Biblia rchë re semana reʼ?

3. Rskʼixik rwäch wuj

(4 mins.) w18.04 23 peraj 9-12 (th naʼoj 5).

KAN PA RBʼEYAL KEQATJOJ RI WINÄQ

4. Tachapaʼ tzij

(2 mins.) AKUCHÏ YE KʼO YE KʼÏY WINÄQ. (lmd naʼoj 3 peraj 5).

5. Katzolin

(5 mins.) CHUCHIʼ TAQ JAY. Takʼutuʼ achkë rbʼanik yeqatjoj ri winäq chrij le Biblia (lmd naʼoj 9 peraj 5).

6. Keʼatjoj chrij le Biblia

(5 mins.) Tatoʼ jun awestudiante ri najin nutäj rqʼij rchë nuyaʼ qa jun bʼanobʼäl ri kan itzel nutzʼët Jehová (lmd naʼoj 12 peraj 4).

RI QAKʼASLEMAL RÖJ RI CRISTIANOS

Bʼix 35

7. ¿Ütz komä nyaʼ yaʼ chkë ri xkeʼapon?

(8 mins.) Re peraj reʼ xtbʼan kikʼë kʼutunïk.

Taq röj nqajoʼ nqaʼän jun nmaqʼij, achiʼel jun kʼlanen, ¿ütz komä nqayaʼ yaʼ chkë ri xkeʼapon qkʼë? Tapeʼ chqajujnal röj nkʼatzin nqchʼobʼö rchë, nkʼatzin nqatzʼët na achkë nuʼij le Biblia chrij riʼ. Chqä, kʼo nkʼaj chik ri nkʼatzin ma nqamestaj ta.

Kaʼiʼ qachʼalal ri ya xkiyaʼ chkiwäch yekʼleʼ najin nkitzʼët we xtkiyaʼ yaʼ chkë ri xkeʼapon chpan kikʼlanen. Pa rwiʼ mesa kʼo jun Biblia y jun tablet ri yeqʼalajin jalajöj botellas rchë vino chpan.

Takʼutuʼ ri VIDEO ¿Ütz komä nyaʼ yaʼ chkë ri winäq chpan jun nmaqʼij nbʼän? Chrij riʼ takʼutuj ya reʼ:

  • ¿Achkë rbʼanik yojkitoʼ re textos reʼ rchë nqatzʼët na we xtqayaʼ yaʼ chkë ri yeqaskʼij chpan jun nmaqʼij nqaʼän?

    • Jn 2:9. Chpan jun kʼlanen, Jesús xuʼän chë ri yaʼ xok vino.

    • 1Co 6:10. «Ri qʼabʼarelaʼ [...] ma xkeʼok ta chpan Rqʼatbʼäl Tzij Dios».

    • 1Co 10:31, 32. «We rïx najin yixwaʼ, najin nitäj iyaʼ o najin niʼän xa bʼa achkë chik na jun, tibʼanaʼ chë nyaʼöx rqʼij Dios rkʼë jontir riʼ. Tichajij iwiʼ rchë ma yeʼitzäq ta».

  • ¿Achkë nkʼatzin ma nqamestaj ta?

  • ¿Achkë rma nkʼatzin nqaquʼ achkë rbʼanik yeqasmajij ri naʼoj ye kʼo chpan le Biblia? (Ro 12:1; Ec 7:16-18).

8. Ri nkʼatzin pa qacongregación

(7 mins.)

9. Tjonïk chrij le Biblia pa congregación

(30 mins.) lfb naʼoj 2, ri naʼäy taq tzij rchë ri peraj 2 y naʼoj 3.

Tzij rchë nkʼis qamoloj (3 mins.) | Bʼix 40 chqä oración

Ri kʼo chpan ri revista
Ri Chajinel (2025) | mayo

Tjonïk 20 (rchë 21 kʼa 27 de julio, 2025)

8 Jehová kan nukʼuqbʼaʼ qakʼuʼx