¿Achkë ütz naʼän rchë kan jaʼäl xtanaʼ xtatjoj awiʼ chrij le Biblia?

¿Nawajoʼ rït natamaj más naʼoj taq natjoj awiʼ chrij le Biblia pan ayonïl? Ri naʼoj ye kʼo chpan re peraj reʼ rkʼë jbʼaʼ xkatkitoʼ rchë xkakowin xtaʼän riʼ.

• Tatzʼetaʼ akuchï kan jaʼäl xtanaʼ xkajeʼ. We ütz nuʼän, takanuj jun lugar chʼajchʼöj o akuchï ma qʼequʼn ta rbʼanon rchë xkakowin xtatzʼët ri xtaskʼij. Rkʼë jbʼaʼ ütz natjoj awiʼ pa rwiʼ jun mesa, o yatel äl chawachoch rchë nakanuj jun lugar akuchï ütz nanaʼ yajeʼ.

• Kajeʼ akuchï majun ta jun xkanaqö. Kʼo jmul, Jesús kan nmaqʼaʼ yän xbʼä «akuchï ma ye jun ta winäq rchë xchʼö rkʼë Dios» (Mar. 1:35). We rït nawajoʼ natjoj awiʼ chrij le Biblia pan ayonïl ye kʼa ma ayonïl ta yït kʼo pa jun jay, taʼij chkë ryeʼ ajän (jampeʼ) nawajoʼ natjoj awiʼ chrij le Biblia, y taʼij chkë chë ma katkinäq ta we ma nkʼatzin ta.

• Tayaʼ awan chrij ri xtaskʼij. We xtaksaj ateléfono o atablet rchë xtatjoj awiʼ chrij le Biblia, taqasaj rchqʼaʼ rchë ma nqʼajan ta taq yeʼok pä ri mensajes o tayaʼ en modo avión. We rït najin natjoj awiʼ y nnatäj chawä chë kʼo jun nkʼatzin naʼän, tatzʼibʼaj qa rchë xtaʼän taq xtakʼïs atjonik. Y si nanaʼ chë ma nkʼaseʼ ta qa pan ajolon ri najin naskʼij, kapaʼeʼ jbʼaʼ, kabʼiyïn o tayuquʼ jbʼaʼ awiʼ.