Ngam Tölöök Inhānga

Tö vī-i nak nā Atöm nā Ēva töm Tēv Yāvē nö tö-örheūheu nö aṅ nö el ök peretāis. Sūichlö falen ngam Tēv ngam sī-ö nö tötlēnö tī nö hayöng. Hamūlöre chā-a ngach nö lā-al ngam Tēv töp lökten ngam tökööl töm kinpaha nö fukkui cha tö më kūön cha inrē

Yāvē an kamëtö sācha cha. Kilēḵngôre anga-aṅ tö öp kūön ngam kikānö öp ṙamā-any min nö yih, öp tumlichnyö kui ngam sī-ö, anga-aṅ min mahaṙënngen minë ṙòng ngam tökööl tö minë tö sitih kanihngen hī inrē

Kilēḵngôre ngam Tēv Yāvē nö in Aparahām Tāvit inrē tö öp kūön ngam kikānö ngam Mesayā nö löknyö in ngam mikūönö cha min nö yih nö tö örheūheu nö hayöng min nö rācha

Löktö in yik Pròfĕt re ṙô ngam Tēv Yāvē nö vënyö yanihih Mesayā ngam ṙamānyö taṙòkhöre tarik min nö ṙā-ang im tökööl töm kinpaha inrē. Hōlu min anga-aṅ tö yip hol re mahayöng nö ahetngö në kinyūngö, invah töm kinpaha inrē nöng örheūheu

Tīntö ngam kūön re ngam Tēv Yāvē ang Yēsū nö ing panam ngach vënyö nup inkahkö ò nö Mesayā. Ahangkö ngam tölöök inhangkö ngam pūlngö ngam Tēv ang Yēsū ngach kēngö nômö re inrē töpòkūö hī. Hachohlöngö ngach anga-aṅ töm Tēv Yāvē nö ha-aṅha nö im ma-alaha

Ik hē Yāvē nö ha-ūichlö ngam kūön re nö rācha löktö kūö in e ngach ngam manāngen në taṙòkhöre lā-en ngam tötlöök. Lökten yip tamömrit ò ing panam töngamuh nö ahangkö ngam tölöök inhanga nö keuheūtngöre chūök nö i inchōten re tö Yēsū

Öt ṙòktörevöṙen an ngam Tēv Yāvē nö tölṙô ngam kūön re min nö rĕhlörit ngam inyööngö nö ing panam. Ngach ngam pūlngö ngam Tēv min nö panyënyö tī tö në pūlngö nö ṙòkhöre. Ngach möl min ngih panam nö hēk nö vī-i nö Peretāis. Hē e min yip taṙòkhöre tölöök tarik nö sölta nö im hanëtö, möl min inrē ngam minënyö ngam Tēv Yāvē nö ahetlöng nö örheūheu, tö ò nöng anga-aṅ töng hĕng tak tökô nö hayöng