Hòṅ Ṙuötö Mikahkūö Re Ömeh?

Höng rahëichyen ṙô ön ngih kun līpöre nö vë-eny minë tö hòṅ yamih min kumṙen ngam tölöök inhanga aṅmat ngam Töhet līpöre. Hö-ö nun minë tösitih inköphöti aṅmat ngam Töhet līpöre nö keuheūtnyöre inngālnyi vinënyi.

Tö sā inlahen në, pi-a lohten öm tö hòṅ mikahtökūö re tö ṙô ngam Töhet līpöre nö sapṙô në intöönö: ‘Kô-en ang ngam Tēv nö chumkūöṙen tö hī? Sitih inlahen öi yĕi kapah? Sitih kanôtökūö öich min tö tökô-en ṙanamlōn?

I mat ngam kun līpöre Asuh Nup Lōn Ngam Tēv Nö In Hī? nup sanap ṙô minë intöönö, ngam tö katānö tö më Vamënyen Yāvē. Vī-i ön ngih kun līpöre nö inlööten yip tö hòṅ haköp öp töhĕng Topic aṅmat ngam Töhet līpöre ip töhĕng ṙētak. Yöölen man min yē meh ngatī inlahen haköp mat ngam Töhet līpöre pò meh min ṙūöhlöre mikahkūö tö nup aṅmat ngam Töhet līpöre. Mihôiṅ man havëtö ngih kun līpöre öm kūich mat ngam kūpön lātaṙeū.

Mihôiṅ öm haköp minë līpörë hēk taònlot tö u hēk kò-òren öm öt ṙāiyu ṙô öm haköp mat ngam Paipöl. www.jw.org.