Inlööten Hī Yěi Haköphöti Im Līpöre Mihôiṅ Man Örheūheu Ṙamlōn!

Ṙamlōn öm më-eṅ yěm hameuktö minë vitiō in ngam Mihôiṅ Man Örheūheu Ṙamlōn! līpöre? Ngaich öm ṙung hatön nup intöönö tö kētu, hòṅ meh öm akahakūö tö elkuilōn ngam töhaköptu? Yūs nup sëksön öm inrē ṙung tö ngö kui “ṙô yip tahëng” “chö-öny” hēk “ngëichken në inrē”? Pōyen nup inrē tahëng inlööten hī imat ngam līpöre nö mahayööken hī öi vītö tarik nö mahaköp?—Mët 28:19, 20.

Vitiō tö minë ātiköl: Yēḵ meh öm yūs öp līpöre tö katānö (printed) öm kē istötī, ngaich isuh min më-eṅ öm teūngen tö nup vitiō hēk ātiköl nöng hěngkang chūök? Imat öp Elekrònik kòpi ngam līpöre man min öm teūngen tö u. Elkatòh ngam seksön “Vitiō tö minë ātiköl” anū-ö nö kētu. (Ngëichkö ngam nyat 1.)

“Tökatānö Etisön” (Printed Edition): Yēḵ meh öm kē istötī imat ngam elektrònik kòpi ngaich mihôiṅ inrē më-eṅ öm yūs ngam tö “printed edition” öm höng imat e. Mihôiṅ öm tip minë tö lūöi tòt lātulöng ngaich select ngam printed edition. Yöölen ayī-ö tö tī ngam tö “Printed Edition,” pöi lööṙen mat öi meuk minë töhakööpö nö sitih inlahen nö sāta ṙô nö in minë kui ngam töhakööpö. Ngaich yěm hòṅ havanten e nö digital edition ngaich havantö tī re hēk öm tip minë tö lūöi tòt ngaich select ngam “Digital Edition.”

“Ngaich Öich Lēn?”: Im manā-aṅ alaha ngih līpöre ön ngih seksön, nët minë pòks tö kētu. In e nö vënyu minë la-en ngam mahaköp yěn hòṅ kētöre anga-aṅ nö holṙen më aṅ ngam māṅ nö ahānga hēk kē ngam vinôkö inrē. (Ngëichkö ngam nyat 2.)

Minë nōt: Rūöhtö mikah elnang hī nun minë nōt tö minë töhakööpö. In ngam elekrònik kòpi nö kētu minë ling (link) yē meh min öm tip minë link ngaich havantöre min më-eṅ öm chuh in öp lesön öp haköp meh. (Ngëichkö ngam nyat 2.)