Harūnöre Ang Yēsū Nö ‘Hang Chööngö’

Örheūheu ang Yēsū nö hang chööngö Yāvē. (Yôh. 8:29) Kūö yòh pöri ngam Paipöl nö ngö ṙô ‘tö ò nö holtö kanihngenre nö hang chööngö’?—Hep. 5:8.

Öt töhěngö kanihngen misī Yēsū nö el halīöngö, ik sā ò pöri nö yih nö ing panam, ngaich la-al nuk töpōyen anga-aṅ kanihngenre. Tö sā ò nö haruklöng tö nak töthet yöngre nak tö hangenlōn tö Yāvē. (Lūk. 2:51) La-al nuk ötlinëkenre anga-aṅ nuk tī yik yōm kūö tinlööken hēk tī yik mā tö chöönguvö. (Mët. 26:59; Māk. 15:15) Unôichngöre ngaich anga-aṅ nö chökö kinpaha nö fëli. Ngö kinūichngö ön nö imat ngam Paipöl “hayāichngöre anga-aṅ hēk uroh inrē anga-aṅ nöng hökngenre nö kapah.”—Filip. 2:8.

Löktö in minë heuneūnre ang Yēsū nö la-al minë kanihngenre nö harūnöre nö hang chööngö, minë töt haköp ò nö el halīöngö. Lökten anga-aṅ nö teungten nö Rācha hēk Mākūö kūönṙô pön tö akahakūö anga-aṅ tö nup kanihngen hī. (Hep. 4:15; 5:9) Pōi ṙāi mat hēk ang Yāvē tö Yēsū pò ò nö harūnöre nö hang chööngö ò hēk teungten inrē anga-aṅ nö im la-en kinë-ekūöre tö ò. Mihôiṅ in inrē min ayī-ö pōiṙāi imat Yāvē, yěi harūnöre öi hang chööngö hē el nup töng sitih kanihngenre hēk teungten inrē min ayī-ö inup töng kinë-ekūöre la-en.—Yāk. 1:4.