‘Yāvē An Amahten Chu’

1. Yāvē öm Tēv amahten chu;

Öt marôvat chin tö meh.

Mihôiṅ öm meuk ṙô ngih ellōn chu;

Meuk në töng hanāten chu.

Hachōten chu öich nya-avkūö,

Pöm hōten chu ṙamölōn.

Höng umuh min öm höng öt ṙāngen chu

Laklen chu öm höng in chu.

Umuh min öm höng öt ṙāngen chu

Laklen chu öm höng in chu.

2. Tölöök nun në talöökö meh,

Ṙamlōn chin öich lök in u.

Hachīpöre chin min höng in meh

Angū-ö havëkö chu.

Öt hō chin min hòṅ ṙāngen meh,

Pòrô nup kanihngen chu,

Höng hayönglenre min öich höng in meh,

Kū ṙôken miṙēlōn meh.

Hayönglenre min öich höng in meh,

Kū ṙôken miṙēlōn meh.

3. Yāvē öm Tēv amahten chu;

Öt marôvat chin tö meh.

Yěn yīhen chu nup öt kumlē-en;

In meh teūngen töm kumlē.

Höng më-eṅ man tökô-en Tēv,

Chūk ṙinatö-ellōn chu.

Höng örheūheu man yē öm aṅhten chu

I rò-òtö nômö chu.

Örheūheu man yē öm aṅhten chu

I rò-òtö nômö chu.