Köp Söl Manā-aṅ

1. Mihôiṅ takô öi teūngen min

Töm nômö aṅ im Tēv.

Kanô-en në töng ṙô ngam Tēv

In hī öi taṙòkhöre.

Yāvē an Tēv inyönglen hī,

Kū ò nö vamīlen hī.

Yěi köp öi hangenlōn tö ò;

In hī nup ṙanamölōn.

2. Yāvē an Tēv nup neūkölōn,

Ngam Tēv tö hangenlōn.

Pòrô min nup inyëngen hī,

Meūkö nöng i kū hī.

Nup töng sitih inyëngen hī,

Ui halöngngenre öt kô.

Yāvē an min hamòlṙen hī,

Öthō in min öi öt kô.

3. Yē hī min öi öt heūlngöre

Teūngen tö nômöre.

Minënyuvö ip līpöre,

Kinṙötngö yip tölöök.

Yěi hökngen ngam manööyö min;

Nö hateung ngam la-enre.

Ngaich hō-en hī ngam Tēv Yāvē;

Teūngen min tö nômöre.