GONDO 12

Kombisa lirando ni kualakanyela

1 Vatesalonika 2:7, 8

ATI HI NO BHULA NGU TONA: Womba-womba ngu kuhiseka, u kombisa kukhatala ngu vaengiseli vako.

Alakanya ngu vaengiseli vako. Lungisela kwati mbilu yako ngu kukhumbula sikarato asi va mananako naso. Duketa kupfisisa matipfelo awe.
Sawula kwati mapswi ako. Hisekela kutangalisa, kuthavelela ni kuninga mtamo vaengiseli vako. U nga thumise mapswi aya ma nga thukako me va swira, u nga womba-wombe kubiha ngu va va si kholwiko mwendo ngu ti va ti kholwako.
Kombisa kukhatala. Dipswi ni sihango sako si na kombise wunene ti to vaengiseli vako ve ti wona taku wa khatala ngu vona. U nga thuvikisi khohe; sekanyana.

U nga hiseke ngu ku ti sinzisa mwendo kumaha mijalapunga. Lera ngu nzila ya mtumbuluko, u nga leki vaengiseli ve veka mapimo kwako i si nga ka ti u ti gondisako. Kombisa txixonipho ni lirando.