28 ka Julho kala 3 ka Agosto
Txibhukwana txa mitshangano—2025 | Julho

28 KA JULHO KALA 3 KA AGOSTO

MAVINGU 24

Ndando 38 ni mkombelo | Mapswi o khata (1 men.)

TITHOMBA TA MU KA DIPSWI DA TXIZIMU

1. U nga maha txani kasiku u wonisana ni sikarato u di tsani?

(10 men.)

Engetela wutxhari ni wuzivi wako (Mav 24:5; it-2 610 ¶8)

Simama ni txiemiso txako txa timhaka ta moya hambi u di godhote (Mav 24:10; w09 15/12 18 ¶12-13)

Ngako hi di tsani ngu didhawa da moya ti na hi vhuna kuwuseta mtamo hambi hi txi wonisana ni sikarato (Mav 24:16; w20.12 15)

Mwanathu wu a lwalako ngu malwati a hombe a txi txhumayela ngu mti ni mti ni mgana wakwe. Ene a mkomba wa msikati wu a mtxhumayelako to maha ka thablete yakwe.

2. Tithomba ta moya

(10 men.)

  • Mav 24:27—Ngu tihi ti divingu diya di hi gondisako tona? (w09 15/10 12)

  • Ngu tihi ti u nga ti gonda ka kulera ka Bhiblia ka divhiki diya u tsakelako ku hi bhulela?

3. Kulera ka Bhiblia

(4 men.) Mav 24:1-20 (th gondo 11)

TI TOLOVETE KA MTHUMO WO TXHUMAYELA

4. Kukhata Mabhulo

(2 men.) KUTXHUMAYELA NGU TXITSHUKETI. Dibhulo di guma u si se mana mkhanjo wo txhumayela. (lmd gondo 2 pontu 4)

5. Kukhata Mabhulo

(3 men.) NGU MTI NI MTI. (lmd gondo 3 pontu 4)

6. Kukhata Mabhulo

(3 men.) KUTXHUMAYELA HAKUBASANI. Bhula ni m’thu mayelano ni gondo ya Bhiblia, u tshumela u mninga dikartawu do kombela gondo ya Bhiblia. (lmd gondo 4 pontu 3)

7. Dhixkursu

(3 men.) lmd apendisi A pontu 11—Msungo mhaka: Txizimu txa womba-womba ni nathu. (th gondo 6)

MAHANYELO A WUKRISTU

Ndando 99

8. Vhunanani ngu mbimo ya sikarato

(15 men.) Mabhulo.

Mbimo yimwani ku nga thuka kuhumelela mtungu wa malwati, tiphango ta mtumbuluko, sitereka so wukela wukoma, tiyimbi ni kuxaniswa. Se mbimo yi ku humelelako toneto, vanathu va patana kasiku ve vhunana ni kuvhuna vamwani. Hambi i di ti to eto kha ta humelela ditikoni kwathu, ha pandiseka ngu ti ti nga humelela vanathu, se ha maha totshe ti hi nga tikotako kasi ku va vhuna.—1Vak 12:25, 26.

Mifota: Vanathu va txi vhuna vanathu vamwani ka siemo so hambana-hambana. 1. Vanathu va txi wuseta Nyumba ya Mfumo yi yi nga hoxotwa ngu phango ya mtumbuluko. 2. Vanathu va txi amukela mame ni mwanana vakwe wa txihoranana a va tako ngu ka makhalo ya ku ku ni tiyimbi. 3. Mwanathu wa txisikati a txi beta mningelo ka dikaxa da mningelo ka Nyumba ya Mfumo. 4. Vanathu va txi ningela sakudya ka vanathu vamwani va di Nyumbani ya Mfumo. 5. Vanathu vo tiningetela va txi txhikisela makaxa ya mati. 6. Mwanathu wa txiwamna a txi maha mkombelo.

Lera 1 Vafumeli 13:6 ni Jakobe 5:16b. U gwita u wotisa tiya:

  • Ngu kutxani mikombelo ayi malanda a Jehovha ma yi mahelako vamwani yi di ni mtamo?

Lera Marku 12:42-44 ni 2 Vakorinto 8:1-4. U gwita u wotisa tiya:

  • Ngu kutxani hi sa fanela kugodhola kumaha minigelo hambi i di ti to hi nga ni sa singi so maha ngu sona miningelo?

Txhaya VHIDHIYO Tsanisa vanathu ava va ku ka makhalo aya mthumo wathu wu tsimbiswako. U gwita u wotisa tiya:

  • Ngu mhaka ya lirando li vanathu va nga ti nalo, ngu yihi mizamu yi va nga yi maha kasiku ve vhuna vanathu va Europa Oriental aha mthumo wathu wu nga ti tsimbisilwe?

  • Hambi mthumo wathu wu txi tsimbiswa, vanathu va wu engisisa kutxani mkongomiso wo ve tshangana ni kutsanisana?—Vaheb 10:24, 25

9. Gondo ya Bhiblia ya dibanza

(30 men.) lfb gondo 4-5

Mapswi o gwita (3 men.) | Ndando 112 ni mkombelo

Ati ti ku mndani
Muwoneleli (Gondo))—2025 | Maio

Gondo 21: 28 ka Julho, 2025–3 ka Agosto, 2025

14 Lavetela didhoropa adi di no mbi fuviswa