GONDO 18

Siya gondo ka vaengiseli vako

1 Vakorinto 9:19-23

ATI HI NO BHULA NGU TONA: Wusa kutsakela ka vaengiseli vako, maha ti to ve tipfa va di gondile txo kari.

Alakanya ngu ti vaengiseli vako se va ti zivako. Hahanze ko wuyeletela ati se va ti zivako, va vhune kuwona ti to va nga gonda timhaka ta tiphya.

Txhamusela ati va ti zivako ngu txikuluveta, kambe u nga tutume u txi txhamusela ta tiphya.
Maha wuxolisisi ni kualakanyisisa. Ngako ti txi koteka, u nga gwesa to kari ta tiphya mwendo to kari ti ti ku ngadi kumaheka ti to u txhamusela timhaka ta hombe. Alakanyisisa kwati ngu txienge txako ni ti to txi yelanisa kutxani ni timhaka ti u nga ti gwesa.

Mbimo yi u wusetako txienge txako, khata ngu ku ti maha siwotiso so fana ni ku ‘nji txani, ngu kutxani, i ditshiku, ahayi, mani, ni ku ngu nzila yihi.’ Gondisa ngu kuhiseka, wotisa ni kuxamula siwotiso so nga toneto mbimo yi u vekako txienge txako.
Txhamusela txivhuno txa gondo yako. Kombisa nzila yi Mibhalo yo kari yi nga vhunako ngu yona vaengiseli vako ka wutomi wawe. Bhula ngu siemo, mahanyelo, ni simaho asi va nga vhunekako ka sona.