Kukhatala ngu vamwani

Ati Jesu a nga ti maha

VHIDHIYO: Jesu a txi womba-womba ni wamsikati txisimani

1. Wona VHIDHIYO, mwendo kulera Johani 4:6-9. U gwita u alakanyisisa ngu siwotiso siya:

1. Ngu tihi ti Jesu a nga ti wona ka m’thu wule asi se khata dibhulo?

2. Jesu ati khene: “Hi nga niha mati o sela.” Ngu kutxani eyo i nga va nzila ya yinene yo khata dibhulo?

Hi gonda txani ka txikombiso txa Jesu?

2. Hi nga va ni dibhulo da dinene ngako hi txi khata ngu mhaka yi yi tsakisako wu hi bhulako nayo.

Etetela Jesu

3. Ti pfananise ni txiemo. Kha ti sungi kuthumisa txiwuletiso txa tximwetxo dwe. Khata ngu timhaka ti vamwani va pimisako ngu tona ka mbimo yoneyo. Ti wotise tiya:

1. ‘Ngu tihi ta tiphya?’

2. ‘Ngu tihi ti vaakelani, vathumi kulothi mwendo vakolega va bhulako ngu tona?’

4. Wonisisa kwati. Ti wotise tiya:

1. ‘M’thu wuwa a thuma txani konkuwa? A nga va a txi pimisa txani?’

2. ‘Siambalo, mazumbelo ni mti wakwe si ni gela txani mayelano ni wukhongeli mwendo m’dhawuko wakwe?’

3. ‘Ina ayiya ngu yona mbimo ya kwati yo ni womba-womba nayo?’

5. Engisela.

1. U nga tatele mapswi.

2. Mkuzete ku e tiphofula. Ngako ti txi fanela, maha siwotiso.