Tsanisela ngako u txi mahelwa wubihi

Lera Genesisi 37:23-28; 39:17-23 kasi ku u gonda ngu txiperiyensia txa Josefa awu a nga tsanisela wubihi kudinga mbimo yo lapha.

Gonda to engetela ka didungula donedo. Nji txani txi nga maha ti to Josefa e ñolwa ngu nzila yo biha? (Gen. 37:3-11; 39:1, 6-10) Josefa ti lavile e wonisana ni wubihi kudingana mbimo muni? (Gen. 37:2; 41:46) Kudingana mbimo yoneyo, ngu tihi ti Jehovha a nga mahela Josefa, ni ku ngu tihi ti a nga mbi ti maha?—Gen. 39:2, 21; w23.01 17 ¶13.

Maha wuxolisisi ngu totshe ati ti patekako. Hambiku ati msikati wa Potifari a nga womba mayelano ni Josefa i nga si nga ditshuri, Bhiblia kha yi wombi ti to Josefa a zamile ku ti lwela. Mibhalo ayi yi londiselako yi nga hi vhunisa kutxani kualakanyisisa ngu ti to ngu kutxani Josefa a di sawute kusimama a di malate mwendo ku ngu kutxani hi sa fanela kuziva totshe? (Mav. 20:2; Joh. 21:25; Mith 21:37) Ngu tihi tifanelo ati ti nga vako ti di vhuni Josefa ti to e tsanisela wubihi?—Mika 7:7; Luka 14:11; Jak. 1:2, 3.

Alakanyisisa ngu ti u nga tigonda. Tiwotise tiya:

• ‘Ngu wuhi wubihi wu ni nga ti emiselako kuwonisana nawo kota mgondiswa wa Jesu?’ (Luka 21:12, 16, 17; Vaheb. 10:33, 34)

• ‘Ni nga ti lulamisela ngu nzila muni kasi kuwonisana ni wubihi ngu nzila ya yinene?’ (Mas. 62:7, 8; 105:17-19; w19.07 2-7)