GONDO 54
Ngu wuhi mthumo wa ‘txithumi txo thembeka na txi di ni wutxhari’?
Jesu ngene Msungo wa dibanza. (Vaefesu 5:23) Konkuwa ene a nzumani, hambiketo wa kongomisa valondeteli vakwe ngu kuthumisa ‘txithumi txo thembeka na txi di ni wutxhari.’ (Lera Matewu 24:45.) Hambiku i ku Jesu apune a nga va sawula ti to ve va “txithumi” ni ku va ninga wuthangeli wo kari, vona va simama ve va hahatshi ka Kristu ni kuthumela vanawe va Kristu. I mani txithumi txonetxo? Txona txi hi khatalelisa kutxani?
1. I mani awu i ku “txithumi txo thembeka na a di ni wutxhari”?
Mbimo yotshe Jehovha a thumisile wamwamna mwendo mtxawa wa vavamna kasi kuningela mkongomiso ka vathu vakwe. (Malakiya 2:7; Vahebheru 1:1) Msana kova Jesu a di fite, vapostoli ni madhota a Jerusalema va simamile ve maha toneto. (Mithumo 15:2) Ngu ha ku fanako, nyamsi Jehovha a thumisa mtxawa wa wudotho wa madhota a moya kasi kuningela sakudya sa moya ni kukhatalela mthumo wo txhumayela. Mtxawa wonewo, Mmidi awu wu Fumako wa Tifakazi ta Jehovha. Wona wu wumba ‘txithumi txo thembeka na txi di ni wutxhari, atxi txi nga vekwa ngu’ Jesu. (Matewu 24:45a) Sotshe siro sa Mmidi wu wu Fumako, Makristu aya ma nga sawulwa ngu moya wo sawuleka. Ona ma emela ku ya fuma ni Jesu nzumani mbimo yi ma no gumelwa ngu wutomi wa ona wa hamafuni.
2. Txithumi txo thembeka txi ningelisa kutxani sakudya sa moya ka vathu va Jehovha?
Jesu a wombile ti to txithumi txo thembeka txi ndi na “phamela sakudya [valondeteli va Kristu] ngu txikhati txi txi fanelako.” (Matewu 24:45b) Kufana ni sakudya asi si hi vhunako ti to hi va ni mtamo ni dihanyo da dinene, sakudya sa moya i ku gondo ya Dipswi da Txizimu, sa hi ninga mtamo awu wu lavekako ti to hi simama hi thembeka ka Jehovha ni kumaha mthumo awu Jesu a nga hi ruma. (1 Timoti 4:6) Ha mana sakudya sa moya ngu kuthumisa mitshangano ya dibanza, mitshangano ya txigava ni ya m’ganga, mabhuku ni mavhidhiyo aya ma nga seketelwa ka Bhiblia. Sotshe sakudya siya sa hi vhuna ti to hi pfisisa kudhunda ka Txizimu ni kutsanisa wuxaka wathu natxo.
ENGETELA WUZIVI WAKO
Wona ti to ngu kutxani hi txi lava ‘txithumi txo thembeka na txi di ni wutxhari’ i ku Mmidi wu wu Fumako.
Mmidi wu wu Fumako wu ningela sakudya sa moya, mkongomiso ni kuvhuna Tifakazi ta Jehovha hamafuni kotshe
3. Vathu va Jehovha va fanete ve va organizadhu
Ngu kulondisela mkongomiso wa Jesu, Mmidi wu wu Fumako wa lulamisela mthumo wa Tifakazi ta Jehovha. Atiya ti mahilwe ngu Makristu a mbimo yi yi nga pinda. Xalela VHIDHIYO.
Lera 1 Vakorinto 14:33, 40, mi gwita mi bhula ngu txiwotiso txiya:
Tindimana tiya ti kombisa ngu nzila yihi ti to Jehovha a lava to vathu vakwe ve va organizadhu?
4. Txithumi txo thembeka txi lulamisela mthumo wathu wo txhumayela
Makristu o khata ma mahile mthumo wa lisima ngutu i ku kutxhumayela. Lera Mithumo 8:14, 25, mi gwita mi bhula ngu siwotiso siya:
I mani a nga ti thangela mthumo wo txhumayela awu wu nga ti mahwa ngu Makristu o khata?
Ina Pedro ni Johani va tumete mkongomiso awu wu nga ningelwa ngu vapostoli vamwani?
Mthumo wa lisima awu wu mahwako ngu Mmidi wu wu Fumako, ngu khatalela mthumo wo txhumayela. Xalela VHIDHIYO.
Jesu a wombile ti to nda lisima ngutu kutxhumayela. Lera Marku 13:10, mi gwita mi bhula ngu siwotiso siya:
Ngu kutxani mthumo wo txhumayela i di wa lisima ngutu ka Mmidi wu wu Fumako?
Ngu kutxani i di ta lisima ti to ‘txithumi txo thembeka na txi di ni wutxhari’ txi lulamisela mthumo wuwa hamafuni kotshe?
5. Txithumi txo thembeka txa hi ninga mkongomiso
Mmidi wu wu Fumako wa ningela mkongomiso ka Makristu hamafuni kotshe. Va ti zivisa kutxani ti to ngu wuhi mkongomiso awu va nga wu ningelako? Wona ati Mmidi wu wu Fumako wa mbimo ayi yi nga pinda wu nga ti mahisa tona. Lera Mithumo 15:1, 2, mi gwita mi bhula ngu siwotiso siya:
Ngu tihi ati ti nga vanga txikarato ka Makristu ka mbimo ayi yi nga pinda?
Mba mani ava va nga lawa ngu Paulo ni Bharnabhasi ti to ve lulamisa txikarato?
Lera Mithumo 15:12-18, 23-29, mi gwita mi bhula ngu txiwotiso txiya
Wu si se maha txisungo, Mmidi wu wu Fumako wa mbimo ya vapostoli wu ti lava mkongomiso wa Txizimu mayelano ni mhaka yo kari. Wu txi ti mahisa kutxani toneto?—Wona vhersikulo 12, 15 ni 28.
Lera Mithumo 15:30, 31 ni 16:4, 5, mi gwita mi bhula ngu siwotiso siya:
Ina Makristu a mbimo yi yi nga pinda, ma ti amukela mkongomiso awu wu nga ti ningelwa ngu Mmidi wu wu Fumako wa mbimo yoneyo?
Jehovha a va katekisile ngu nzila yihi ngu kuengisa kwawe?
Lera 2 Timoti 3:16 ni Jakobe 1:5, mi gwita mi bhula ngu txiwotiso txiya:
Mmidi wu wu Fumako wu si mahisa kutxani sisungo nyamsi?
NGAKO VATHU VA TXI KHONA: “Phela u txi engisa Mmidi wu wu Fumako, wo londetela vathu dwe.”
Nji txani txi ku kholwisako ti to Jesu ngene a thangelako Mmidi wu wu Fumako?
ATI HI NGA TI WONA
Mmidi wu wu Fumako i ku ‘txithumi txo thembeka na txi di ni wutxhari’ wu sawutwe ngu Jesu Kristu. Vanathu vonevo va ningela mkongomiso ni sakudya sa moya ka Makristu hamafuni kotshe.
Ngu tihi ti u nga ti gonda
I mani awu a nga sawula ‘txithumi txo thembeka na txi di ni wutxhari’?
Mmidi wu wu Fumako wu hi vhunisa kutxani nyamsi?
Ina wa kholwa ti to Mmidi wu wu Fumako, i ‘txithumi txo thembeka na txi di ni wutxhari’?
XOTA TIMWANI
Wona ati Mmidi wu wu Fumako wu wu mahisako tona mthumo wa wona nyamsi.
“I txani Mmidi wu wu Fumako wa Tifakazi ta Jehovha?” (Msungo mhaka wu ku ka site)
Wona nzila yi Mmidi wu wu Fumako wu ningelako ngu yona sakudya sa moya ka vathu va Jehovha.
Siro sa Mmidi wu wu Fumako si ti pfisa kutxani ngu mthumo awu si nga ningwa ngu Jesu?
Mitshangano ya dibanza ni ya m’ganga yi ti kombisisa kutxani ti to Jehovha ngene a thangelako Mmidi wu wu Fumako?