JEREMIAS

1 Kini ang mga pulong ni Jeremias* nga anak ni Hilkias, usa sa mga saserdote sa Anatot+ sa yuta sa Benjamin. 2 Ang mensahe ni Jehova iyang nadawat sa mga adlaw ni Josias+ nga anak ni Amon,+ nga hari sa Juda, sa ika-13 nga tuig sa iyang pagmando. 3 Nadawat usab niya kini sa mga adlaw ni Jehoiakim+ nga anak ni Josias, nga hari sa Juda, hangtod sa pagkatapos sa ika-11 nga tuig sa pagmando ni Zedekias+ nga anak ni Josias, nga hari sa Juda, hangtod nga ang Jerusalem nadestiyero sa ikalimang bulan.+

4 Ang pulong ni Jehova nadawat nako, nga nag-ingon:

Gihimo ka nakong propeta* sa kanasoran.”

 6 Apan miingon ko: “Intawon, Oh Soberanong Ginoong Jehova!

Dili ko mahibalong mosulti,+ kay bata* pa ko.”+

 7 Unya si Jehova miingon kanako:

“Ayaw pag-ingon, ‘Bata pa ko.’

9 Unya gituy-od ni Jehova ang iyang kamot ug gihikap ang akong baba.+ Ug si Jehova miingon kanako: “Gibutang nako ang akong mga pulong diha sa imong baba.+ 10 Ania, gitudlo ka nako niining adlawa nga magdumala sa kanasoran ug sa mga gingharian, sa pagluka ug sa paggun-ob, sa paglaglag ug sa paglumpag, sa pagtukod ug sa pagtanom.”+

11 Nakadawat na usab kog mensahe gikan kang Jehova, nga nag-ingon: “Unsay imong nakita, Jeremias?” Busa mitubag ko: “Nakakita kog sanga sa kahoyng almendras.”*

12 Si Jehova miingon kanako: “Husto ang imong nakita, kay pabilin kong nagmata sa pagtuman sa akong pulong.”

13 Nakadawat na usab kog mensahe gikan kang Jehova sa ikaduhang higayon, nga nag-ingon: “Unsay imong nakita?” Busa mitubag ko: “Nakakita kog nagbukal* nga kulon,* ug ang baba niini nagtakilid gikan sa amihanan.” 14 Unya si Jehova miingon kanako:

2 Ang pulong ni Jehova nadawat nako, nga nag-ingon: 2 “Lakaw ug pagmantala sa mga igdulungog sa Jerusalem, ‘Kini ang giingon ni Jehova:

Sa yuta nga wala pugsi ug binhi.+

 3 Ang Israel balaan kang Jehova,+ ang unang bunga sa iyang ani.”’

‘Bisan kinsang motukob kaniya mahimong sad-an.

Moabot kanila ang katalagman,’ miingon si Jehova.”+

 5 Kini ang giingon ni Jehova:

 8 Ang mga saserdote wala mangutana, ‘Hain si Jehova?’+

10 ‘Apan tabok ngadto sa kabaybayonan* sa mga taga-Kitim+ ug tan-awa.

11 Duna bay nasod nga nag-ilis sa mga diyos niini sa mga dili diyos?

Apan giilisan sa akong katawhan ang akong himaya sa kon unsay walay pulos.+

14 ‘Ang Israel ba sulugoon o ulipon nga natawo sa panimalay?

Kon dili, nan nganong gidala man siya sa katawhan ingong binihag?

Gihimo nilang kalisangan ang iyang yuta.

Ang iyang mga siyudad gisunog, mao nga walay molupyo.

16 Ang katawhan sa Nop*+ ug Tapanes+ nagkaon diha sa imong alimpulo.

23 Nganong moingon man ka, ‘Wala nako hugawi ang akong kaugalingon.

Wala ko mosunod sa mga Baal’?

Tan-awa ang imong dalan diha sa walog.

Hunahunaa kon unsay imong nabuhat.

Kinsay makapugong kaniya dihang siya gusto nang magpahabal?

Kadtong nangita kaniya dili na mahago sa pagpangita.

Sa iyang panahon* sila makakaplag kaniya.

Apan miingon ka, ‘Wala nay paglaom!+

Apan sila mitalikod kanako imbes moatubang.+

28 Karon hain ang imong mga diyos nga gibuhat nimo alang sa imong kaugalingon?+

29 ‘Nganong padayon mong nakigtigi kanako?

Nganong mirebelde mong tanan kanako?’+ miingon si Jehova.

30 Walay pulos ang akong paghampak sa inyong mga anak.+

31 Oh kaliwatan, palandonga ninyo ang pulong ni Jehova.

Nganong sila, nga akong katawhan, nag-ingon, ‘Gawasnon ming nagsuroysuroy.

Dili na mi moanha kanimo’?+

Apan ang akong kaugalingong katawhan nakalimot kanako sulod sa dugayng panahon.+

33 Hanas kaayo ka, Oh babaye, sa pagplano sa imong dalan aron makakaplag ug hinigugma!

Gibansay nimo ang imong kaugalingon diha sa mga dalan sa pagkadaotan.+

35 Apan miingon ka, ‘Inosente ko.

Seguradong wala na siya masuko nako.’

36 Nganong gibalewala ra nimo ang imong nag-usab-usab nga dalan?

3 Ang mga tawo mangutana: “Kon hinginlan sa usa ka lalaki ang iyang asawa ug siya mobiya kaniya ug maiya sa laing lalaki, balikan pa ba niya ang iyang asawa?”

Dili ba kanang yutaa nahugawan na pag-ayo?+

 2 “Iyahat ang imong mga mata sa upaw nga kabungtoran ug tan-awa.

Diin man nga ikaw wala malugos?

6 Sa mga adlaw ni Haring Josias,+ si Jehova miingon kanako: “‘Nakita ba nimo kon unsay gibuhat sa dili matinumanong Israel? Siya miadto sa matag habog nga bukid ug sa ilalom sa matag labong nga kahoy aron mamampam.+ 7 Bisan human niya mabuhat kining tanan, padayon nako siyang giingnan nga mobalik kanako,+ apan wala siya mobalik; ug ang Juda padayong nagtan-aw sa iyang maluibong igsoong babaye.+ 8 Dihang nakita nako kana, akong gihinginlan ang dili matinumanong Israel uban ang kasulatan sa diborsiyo+ tungod sa iyang pagpanapaw.+ Apan ang Juda nga iyang igsoong babaye nga maluibon wala mahadlok; siya usab namampam.+ 9 Iyang gibalewala ang iyang pagpamampam, ug padayon siyang naghugaw sa yuta ug nanapaw uban sa mga bato ug kahoy.+ 10 Bisan pa niining tanan, ang Juda nga iyang igsoong babaye nga maluibon wala mobalik kanako sa bug-os niyang kasingkasing, apan nagpakaaron-ingnon lang,’ miingon si Jehova.”

11 Unya si Jehova miingon kanako: “Gipakita sa dili matinumanong Israel nga siya mas matarong kay sa maluibong Juda.+ 12 Lakaw ug imantala kining mga pulonga ngadto sa amihanan:+

“‘“Balik, Oh masukihong Israel,” miingon si Jehova.’+ ‘“Dili ko motan-aw kaninyo nga may kasuko,+ kay ako maunongon,” miingon si Jehova.’ ‘“Dili ko magpabiling nasuko hangtod sa hangtod. 13 Ilha lang nga kamo sad-an, kay mirebelde mo kang Jehova nga inyong Diyos. Padayon mong nakigrelasyon sa mga estranyo* ilalom sa matag labong nga kahoy, apan wala mo mamati sa akong tingog,” miingon si Jehova.’”

14 “Balik, kamong mga anak nga masukihon,” miingon si Jehova. “Kay ako ang inyong tinuod nga agalon;* ug kuhaon mo nako, usa gikan sa usa ka siyudad ug duha gikan sa usa ka banay, ug dad-on mo nako sa Zion.+ 15 Ug hatagan mo nakog mga magbalantay nga molihok sumala sa akong kabubut-on,*+ ug sila magtagana kaninyog kahibalo ug lawom nga pagsabot. 16 Kamo modaghan ug mamunga diha sa yuta nianang mga adlawa,” miingon si Jehova.+ “Dili na sila moingon, ‘Ang kaban sa pakigsaad ni Jehova!’ Dili na kini motungha sa kasingkasing, sila dili na mahinumdom o maghandom niini, ug dili na kini himoon pag-usab. 17 Nianang panahona, ilang tawgon ang Jerusalem nga trono ni Jehova;+ ug ang tanang nasod pagadad-on sa Jerusalem alang sa ngalan ni Jehova,+ ug dili na sila magginahig ulo pinaagi sa pagsunod sa ilang daotang kasingkasing.”

18 “Nianang mga adlawa, sila mag-uban ug lakaw, ang panimalay ni Juda ug ang panimalay ni Israel,+ ug sila mag-uban gikan sa yuta sa amihanan paingon sa yuta nga akong gihatag sa inyong mga katigulangan ingong panulondon.+ 19 Ug naghunahuna ko, ‘Gipahimutang mo nako taliwala sa akong mga anak ug gihatag nako kaninyo ang yuta nga tilinguhaon, ang labing matahom nga panulondon taliwala sa kanasoran!’*+ Naghunahuna usab ko nga tawgon ko ninyo nga, ‘Amahan ko!’ ug nga dili mo motipas gikan sa pagsunod kanako. 20 ‘Sa pagkatinuod, sama nga ang usa ka maluibong asawa mibiya sa iyang bana,* kamo usab nagluib kanako, Oh panimalay ni Israel,’+ miingon si Jehova.”

22 “Balik, kamong mga anak nga masukihon.

Akong ayohon ang inyong pagkamasukihon.”+

23 Sa pagkatinuod ang kabungtoran ug ang kaguliyang sa kabukiran imahinasyon lang.+

Sa pagkatinuod anaa kang Jehova nga among Diyos ang kaluwasan sa Israel.+

3 Kay kini ang giingon ni Jehova sa mga tawo sa Juda ug Jerusalem:

 5 Ipahayag kini sa Juda, ug imantala kini sa Jerusalem.

Singgit ug paghuyop ug budyong sa tibuok yuta.+

 6 Ipataas ang usa ka ilhanan* paingon sa Zion.

Siya migula gikan sa iyang dapit aron himoong makahahadlok ang imong yuta.

Ang imong mga siyudad mahimong kagun-oban, nga wala nay mamuyo.+

10 Ug miingon ko: “Oh Soberanong Ginoong Jehova! Sa pagkatinuod, gilimbongan gayod nimo kini nga katawhan+ ug ang Jerusalem pinaagi sa pag-ingon, ‘Mabatonan ninyo ang kalinaw,’+ samtang ang espada anaa sa among tutonlan.”*

11 Nianang panahona kini nga katawhan ug ang Jerusalem sultihan:

12 Ang kusog nga hangin akong gitawag gikan niining mga dapita.

Karon magpakanaog kog mga hukom batok kanila.

Ang iyang mga kabayo mas tulin kay sa mga agila.+

Alaot kita, kay kita nangalaglag!

14 Hugasi ang imong kasingkasing gikan sa pagkadaotan, Oh Jerusalem, aron ikaw maluwas.+

Hangtod kanus-a nga maghunahuna kag daotan?

18 “Manubag ka sa imong mga dalan ug sa imong mga lihok.+

19 Pagkamakapaguol!* Pagkamakapaguol!

Nasakitan pag-ayo ang ako mismong kasingkasing.*

Ang akong kasingkasing nagbutobuto.

Sila mga anak nga hungog, nga dili makasabot.

23 Mitan-aw ko sa yuta, ug nakita nako nga kini walay sulod ug awaaw.+

Mitan-aw ko sa kalangitan, ug kini wala nay kahayag.+

30 Karon nga nagun-ob na ka, unsay imong buhaton?

Siya miingon samtang gibukhad ang iyang mga palad:+

“Alaot ko, kay gikapoy ko pag-ayo tungod sa mga tigpatay!”

5 Suroya ang kadalanan sa Jerusalem.

Tan-awa ang palibot ug paniid.

 2 Bisan pag moingon sila: “Ingon nga si Jehova buhi!”

Sila manumpa gihapon ug bakak.+

 3 Oh Jehova, dili ba gipangita sa imong mga mata ang pagkamatinumanon?+

Gihampak nimo sila, apan kini walay epekto kanila.*

Gipuo nimo sila, apan sila midumili sa pagdawat ug disiplina.+

 4 Apan miingon ko sa akong kaugalingon: “Seguradong sila ang ubos nga mga tawo.

Ang tanang mogula gikan niini kuniskunison.

 7 Unsaon nako pagpasaylo kanimo tungod niini?

 9 “Dili ba angay nako silang papanubagon tungod niining mga butanga?” miingon si Jehova.

“Dili ba angay kong manimalos sa maong nasod?”+

Mahanaw usab unta sila!”*

14 Busa kini ang giingon ni Jehova, ang Diyos sa mga panon:

15 “Ania, ako magdala kaninyog usa ka nasod gikan sa layo, Oh panimalay ni Israel,”+ miingon si Jehova.

“Kini maoy malungtarong nasod.

17 Lamyon nila ang inyong inani ug ang inyong tinapay.+

Lamyon nila ang inyong mga anak nga lalaki ug babaye.

Lamyon nila ang inyong mga panon sa karnero ug mga baka.

Lamyon nila ang inyong mga punoan sa ubas ug ang inyong mga kahoyng igos.

Laglagon nila pinaagig espada ang inyong pinarilang mga siyudad nga inyong gisaligan.”

18 “Apan bisan nianang mga adlawa,” miingon si Jehova, “dili mo nako bug-os puohon.+ 19 Ug dihang sila mangutana, ‘Nganong kining tanan gihimo kanato ni Jehova nga atong Diyos?’ tubaga sila, ‘Sama nga gibiyaan ko ninyo aron moalagad sa langyawng diyos sa inyong yuta, mag-alagad usab mo sa mga langyaw diha sa yuta nga dili inyoha.’”+

21 “Pamatia kini, kamong buangbuang ug hungog nga katawhan:*+

24 Ug wala sila moingon sa ilang kasingkasing:

26 Kay taliwala sa akong katawhan dunay mga tawong daotan.

Sila padayong naniid, sama sa mga tiglit-ag ug langgam nga naghupohupo.

Nagbutang silag makamatay nga bitik.

Mga tawo ang ilang ginadakop.

Mao nga sila nahimong gamhanan ug dato.

29 “Dili ba angay nako silang papanubagon tungod niining mga butanga?” miingon si Jehova.

“Dili ba angay kong manimalos sa maong nasod?

30 Dunay nahitabong makahahadlok ug makalilisang nga butang sa yuta:

Ug miangay niana ang akong katawhan.+

Apan unsay inyong buhaton inig-abot sa kataposan?”

6 Kalagiw sa Jerusalem ug panago mo, Oh mga anak ni Benjamin.

Kay nagsingabot ang katalagman gikan sa amihanan, usa ka dakong katalagman.+

 2 Ang anak nga babaye sa Zion nahisama sa usa ka maanyag ug pinatuyangan nga babaye.+

 3 Mangabot ang mga magbalantay ug ang ilang mga panon.

 4 “Pangandam sa* pagpakiggubat kaniya!

Tindog, ug atakehon nato siya sa kaudtohon!”

 6 Kay kini ang giingon ni Jehova sa mga panon:

“Pamutol mog mga kahoy ug paghimog mga bungdo batok sa Jerusalem.+

 9 Kini ang giingon ni Jehova sa mga panon:

“Bug-os nakong hagdawon ang nahibilin sa Israel sama sa nahibiling mga ubas diha sa punoan niini.

Ikab-ot ug balik ang imong kamot nga samag namupo ug mga ubas diha sa mga punoan niini.”

10 “Kinsa ang akong sultihan ug pasidan-an?

Kinsay mamati?

Tan-awa! Ang ilang mga dalunggan sinampongan,* mao nga sila dili makadungog.+

Kay akong ituy-od ang akong kamot batok sa mga molupyo sa yuta,” miingon si Jehova.

Dihang walay pakigdait.+

15 Naulaw ba sila sa dulumtanang mga butang nga ilang nahimo?

Wala gayod sila maulaw!

Wala gani sila mahibalo kon unsaon pagbatig kaulaw!+

Busa sila mangapukan taliwala sa nangapukan.

Dihang silotan nako sila, sila mangapandol,” miingon si Jehova.

16 Kini ang giingon ni Jehova:

“Barog mo sa nagsanga nga mga dalan ug tan-aw.

Apan sila miingon: “Dili mi molakaw niana.”+

Apan sila miingon: “Dili mi mamati.”+

18 “Busa paminaw, Oh kanasoran!

19 Pamati, Oh yuta!

21 Busa kini ang giingon ni Jehova:

22 Kini ang giingon ni Jehova:

23 Ilang hawiran ang pana ug ang salapang.

Sila bangis ug dili maluoy.

Sila maghan-ay samag manggugubat nga mosulong kanimo, Oh anak nga babaye sa Zion.”

24 Among nadungog ang taho bahin niini.

29 Ang mga hasuhasan nangapagba.

Gikan sa kalayo motungha ang tingga.

7 Kini ang mensahe nga nadawat ni Jeremias gikan kang Jehova: 2 “Barog sa ganghaan sa balay ni Jehova ug imantala kini nga mensahe didto, ‘Pamati sa pulong ni Jehova, kamong tanang katawhan sa Juda nga nagasulod niini nga mga ganghaan aron moyukbo kang Jehova. 3 Kini ang giingon ni Jehova sa mga panon, ang Diyos sa Israel: “Bag-oha ang inyong mga dalan ug binuhatan, ug tugotan mo nako nga padayong magpuyo niining dapita.+ 4 Ayaw mog salig sa malimbongong mga pulong pinaagi sa pag-ingon, ‘Kini ang* templo ni Jehova, ang templo ni Jehova, ang templo ni Jehova!’+ 5 Kay kon bag-ohon ninyo ang inyong mga dalan ug binuhatan; kon inyo gyong labanan ang hustisya sa mga kaso tali sa usa ka tawo ug sa iyang isigkatawo;+ 6 kon dili ninyo daogdaogon ang langyawng mga residente, mga wala nay ginikanan,* ug mga babayeng balo;+ kon dili mo mag-ulag inosenteng dugo niining dapita; ug kon dili mo mosimbag ubang mga diyos alang sa inyong ikadaot;+ 7 tugotan mo nako nga padayong magpuyo niining dapita, sa yuta nga akong gihatag sa inyong mga katigulangan hangtod sa hangtod.”’”

8 “Apan misalig mo sa malimbongong mga pulong+​—⁠kini dili gayod makahatag ug kaayohan. 9 Mahimo ba nga bisag mangawat mo,+ mopatay, manapaw, manumpag bakak,+ maghalad* kang Baal,+ ug mosimbag ubang mga diyos nga wala ninyo mailhi, 10 moanhi mo nako ug mobarog sa akong atubangan niining balaya nga nagdala sa akong ngalan ug moingon, ‘Maluwas gyod mi,’ bisan pag nagbuhat mo niining tanang dulumtanang butang? 11 Kini bang balaya nga nagdala sa akong ngalan nahimo na lang nga usa ka langob sa mga tulisan alang kaninyo?+ Nakita nako mismo ang inyong ginahimo,” miingon si Jehova.

12 “‘Bisan pa niana, pangadto mo sa akong dapit sa Shilo,+ ang dapit nga una nakong gibutangan sa akong ngalan,+ ug tan-awa kon unsay akong gihimo niini tungod sa pagkadaotan sa akong katawhang Israel.+ 13 Apan padayon ninyong gibuhat kining tanan,’ miingon si Jehova, ‘ug bisag nakigsulti ko kaninyo nga balikbalik,* wala mo mamati.+ Padayon kong nagtawag kaninyo, apan wala mo motubag.+ 14 Busa ang akong gibuhat sa Shilo,+ buhaton usab nako sa balay nga nagdala sa akong ngalan,+ nga inyong gisaligan,+ ug niining dapita nga akong gihatag kaninyo ug sa inyong mga katigulangan. 15 Papahawaon mo nako sa akong atubangan, sama nga gipapahawa nako ang tanan ninyong igsoon, ang tanang kaliwat sa Epraim.’+

16 “Kon bahin kanimo, ayaw pag-ampo alang niini nga katawhan. Ayaw pagtuaw o pag-ampo o pagpakiluoy kanako alang kanila,+ kay dili ko mamati nimo.+ 17 Wala ba nimo makita ang ilang gipangbuhat diha sa mga siyudad sa Juda ug sa kadalanan sa Jerusalem? 18 Ang mga anak nangahoy, ang mga amahan naghaling, ug ang mga asawa nagmasag harina aron maghimog mga halad nga tinapay alang sa Rayna sa Langit,*+ ug sila nagbubo ug mga halad nga ilimnon alang sa ubang mga diyos aron pasakitan ko.+ 19 ‘Apan ako ba gyoy ilang gipasakitan?’* miingon si Jehova. ‘Dili ba ang ila mismong kaugalingon, alang sa ilang kaulawan?’+ 20 Busa kini ang giingon sa Soberanong Ginoong Jehova, ‘Ania! Ang akong kasuko ug ang akong kapungot ibubo niining dapita,+ sa tawo ug sa mananap, sa mga kahoy sa kapatagan ug sa mga bunga sa yuta; kini magdilaab ug dili mapalong.’+

21 “Kini ang giingon ni Jehova sa mga panon, ang Diyos sa Israel, ‘Lakaw, idugang ang inyong mga tibuok halad nga sinunog sa uban ninyong mga halad, ug kaona kini.+ 22 Kay sa adlaw nga gipagula nako ang inyong mga katigulangan sa yuta sa Ehipto, wala ko makigsulti nila o magsugo kanila bahin sa mga tibuok halad nga sinunog ug sa uban pang mga halad.+ 23 Apan akong gihatag kanila kining sugoa: “Pamatia ninyo ang akong tingog, ug ako mahimong inyong Diyos, ug kamo mahimong akong katawhan.+ Sunda ang tanan nakong gisugo kaninyo, aron kamo magmalamposon.”’+ 24 Apan wala sila mamati o maghatag ug pagtagad;*+ hinuon, sila misunod sa kaugalingon nilang mga plano.* Sila wala gyod mopatuo ug misunod sila sa ilang daotang kasingkasing,+ ug imbes moabante, sila miatras, 25 sukad sa adlaw nga ang inyong mga katigulangan migula sa yuta sa Ehipto hangtod niining adlawa.+ Busa padayon nakong gipadala kaninyo ang tanan nakong alagad nga propeta, nga nagpadala kanila adlaw-adlaw ug balikbalik.*+ 26 Apan sila dili mamati, ug wala sila maghatag ug pagtagad.*+ Sila gahig ulo,* ug mas grabe pa ang ilang gibuhat kay sa ilang mga katigulangan!

27 “Isulti nimo kanila kining tanan,+ apan sila dili mamati kanimo; ikaw motawag kanila, apan sila dili motubag kanimo. 28 Ug sultihi sila, ‘Kini ang nasod nga wala mamati sa tingog ni Jehova nga ilang Diyos ug dili modawat ug disiplina. Nahanaw na ang pagkamatinumanon ug wala na gani nila kini hisgoti.’*+

29 “Putla ang imong buhok* ug isalibay kini, ug diha sa upaw nga kabungtoran ipatugbaw ang awit sa pagbangotan, kay gisalikway ni Jehova kini nga kaliwatan nga nakapasuko pag-ayo kaniya ug biyaan niya sila. 30 ‘Kay ang katawhan sa Juda nagbuhat kon unsay daotan sa akong mga mata,’ miingon si Jehova. ‘Gibutang nila ang ilang makaluod nga mga idolo diha sa balay nga nagdala sa akong ngalan, aron hugawan kini.+ 31 Sila naghimog tag-as nga dapit sa Topet, nga anaa sa Walog sa Anak ni Hinnom,*+ aron sunogon ang ilang mga anak nga lalaki ug babaye diha sa kalayo,+ butang nga wala nako isugo ug wala gyod gani mosantop sa akong hunahuna.’*+

32 “‘Busa tan-awa! ang mga adlaw moabot,’ miingon si Jehova, ‘dihang dili na kini tawgong Topet o Walog sa Anak ni Hinnom* kondili Walog sa Pagpatay. Sila maglubong ug mga patay sa Topet hangtod nga wala nay kalubngan.+ 33 Ug ang mga patayng lawas niini nga katawhan mahimong pagkaon sa mga langgam sa kalangitan ug sa mga mananap sa yuta, nga walay mobugaw nila.+ 34 Akong pahunongon ang tingog sa pagsadya ug ang tingog sa paglipay, ang tingog sa pamanhonon ug ang tingog sa pangasaw-onon,+ diha sa mga siyudad sa Juda ug sa kadalanan sa Jerusalem, kay ang yuta mahimong kagun-oban.’”+

8 “Nianang panahona,” miingon si Jehova, “ang mga bukog sa mga hari sa Juda, ang mga bukog sa mga prinsipe niini, ang mga bukog sa mga saserdote, ang mga bukog sa mga propeta, ug ang mga bukog sa mga molupyo sa Jerusalem panguhaon gikan sa ilang mga lubnganan. 2 Kini pagakatagon ilalom sa adlaw ug sa bulan ug sa tanang panon sa kalangitan nga ilang gimahal, gialagaran, gisunod, gipakisayoran, ug giyukboan.+ Dili kini tigomon o ilubong. Mahisama kinig kinalibang diha sa nawong sa yuta.”+

3 “Ug ang nahibilin niining daotang banay nga naluwas mas mopalabi nga mamatay kay sa mabuhi diha sa mga dapit diin nako sila gipatibulaag,” si Jehova sa mga panon miingon.

4 “Ug ingnon nimo sila, ‘Kini ang giingon ni Jehova:

“Kon mapukan sila, dili ba sila mobangon pag-usab?

Kon ang usa mobalik, dili ba usab mobalik ang lain?

 5 Nganong kini nga katawhan, ang Jerusalem, padayong wala magmatinumanon kanako?

 6 Naghatag kog pagtagad ug padayong namati, apan dili tinuod ang ilang gisulti.

Wala gyoy usa nga naghinulsol sa iyang pagkadaotan o nangutana, ‘Nganong nabuhat man nako ni?’+

Ang tagsatagsa nagabalik gihapon sa dalan nga gisubay sa kadaghanan, samag kabayo nga nagadasdas sa panggubatan.

Apan ang akong kaugalingong katawhan wala makasabot sa paghukom ni Jehova.”’+

 8 ‘Unsaon ninyo pag-ingon: “Kami maalamon, ug anaa kanamo ang balaod* ni Jehova”?

Sa pagkatinuod, ang bakakon nga pangsulat*+ sa mga eskriba* gigamit lang alang sa kabakakan.

 9 Ang mga maalamon gipakaulawan.+

Sila mangalisang ug madakpan.

Dihang walay pakigdait.+

12 Naulaw ba sila sa dulumtanang mga butang nga ilang nahimo?

Wala gayod sila maulaw!

Wala gani sila mahibalo kon unsaon pagbatig kaulaw!+

Busa sila mangapukan taliwala sa nangapukan.

Dihang silotan nako sila, sila mangapandol,’+ miingon si Jehova.

13 ‘Dihang tigomon nako sila, ako silang laglagon,’ miingon si Jehova.

‘Wala unyay mahibiling mga ubas sa punoan niini, wala unyay mga igos sa kahoyng igos, ug ang mga dahon mangalaya.

Ug ang mga butang nga akong gihatag kanila mawala kanila.’”

14 “Nganong nanglingkod lang kita dinhi?

Magtigom ta ug manulod sa pinarilang mga siyudad+ ug mangamatay didto.

16 Gikan sa Dan nadungog ang pagpangusmo sa iyang mga kabayo.

“Wala ba si Jehova diha sa Zion?

O wala ba kaniya ang iyang hari?”

Nahadlok ko pag-ayo.

22 Wala bay balsamo* sa Gilead?+

O wala bay mananambal* didto?+

Nganong wala man maayo ang anak nga babaye sa akong katawhan?+

 2 Oh kon duna lang unta koy abtanan alang sa magpapanaw diha sa kamingawan!

Gitudloan nila ang ilang dila nga mosultig kabakakan.+

Gihago nila ang ilang kaugalingon sa pagbuhat ug daotan.

 6 Nagpuyo ka taliwala sa panglimbong.

Pinaagi sa panglimbong, sila dili moila kanako,” miingon si Jehova.

 7 Busa kini ang giingon ni Jehova sa mga panon:

 8 Ang ilang dila maoy makamatay nga udyong nga nagsultig panglimbong.

 9 “Dili ba angay nako silang papanubagon tungod niining mga butanga?” miingon si Jehova.

“Dili ba angay kong manimalos sa maong nasod?+

Ang mga langgam sa langit ug ang mga mananap nangalagiw; sila nangahanaw.+

12 Kinsa ang maalamon nga makasabot niini?

Kang kinsa nakigsulti si Jehova, aron iya kining ikapahayag?

Nganong ang yuta nalaglag?

13 Si Jehova mitubag: “Kay ilang gisalikway ang akong balaod* nga akong gihatag kanila, ug kay sila wala motuman niini ug wala mamati sa akong tingog. 14 Sila wala mopatuo ug misunod hinuon sa kaugalingon nilang kasingkasing,+ ug sila misimba sa mga larawan ni Baal, sumala sa gitudlo kanila sa ilang mga amahan.+ 15 Busa kini ang giingon ni Jehova sa mga panon, ang Diyos sa Israel, ‘Ania, pakaonon nakog ajenjo* kini nga katawhan ug paimnon ug tubig nga dunay hilo.+ 16 Patibulaagon nako sila taliwala sa kanasoran nga wala nila mailhi ug sa ilang mga amahan,+ ug padad-an nako silag espada nga maggukod kanila hangtod nga mapuo nako sila.’+

19 Kay ang tingog sa pagminatay nadungog gikan sa Zion:+

“Nalaglag gyod ta!

Naulawan gyod ta pag-ayo!

Kay atong gibiyaan ang yuta, ug ilang gipangguba ang atong mga balay.”+

20 Kamong mga babaye, pamati sa pulong ni Jehova.

Hinaot nga dawaton ninyo ang iyang gisulti.

22 Isulti kini, ‘Kini ang giingon ni Jehova:

23 Kini ang giingon ni Jehova:

24 “Apan kon ang usa manghambog papanghamboga siya niini:

25 “Tan-awa! Ang mga adlaw moabot,” miingon si Jehova, “ug akong papanubagon ang matag usa nga tinuli apan dili diay tinuli,+ 26 ang Ehipto+ ug ang Juda+ ug ang Edom+ ug ang mga Ammonhanon+ ug ang Moab+ ug ang tanan nga nagpuyo sa kamingawan kansang buhok sa tampihak gibalbasan;+ kay ang tanang kanasoran dili tinuli, ug ang tibuok panimalay ni Israel dili tinuli sa kasingkasing.”+

10 Paminawa ninyo ang gisulti ni Jehova batok kaninyo, Oh panimalay ni Israel. 2 Kini ang giingon ni Jehova:

 3 Kay ang mga kostumbre sa mga katawhan maoy panglimbong.*

 6 Walay sama nimo, Oh Jehova.+

Ikaw halangdon, ug ang imong ngalan dungganon ug gamhanan.

 8 Silang tanan walay salabotan ug buangbuang.+

Ang pagtulon-an sa usa ka kahoy malimbongon.*+

Ang besti niini gama sa asul nga hilo ug sa purpura* nga delana.*

Kining tanan ginama sa hanas nga mga trabahador.

10 Apan si Jehova sa pagkatinuod Diyos.

Siya ang Diyos nga buhi+ ug ang Hari hangtod sa hangtod.+

11 * Kini ang angay ninyong isulti kanila:

14 Ang matag tawo molihok nga walay salabotan ug walay kahibalo.

15 Panglimbong* kini ug butang nga kayagayagaan.+

Dihang moabot ang ilang adlaw sa paghukom, sila malaglag.

Jehova sa mga panon ang iyang ngalan.+

18 Kay kini ang giingon ni Jehova:

19 Alaot ko tungod sa akong samad!*+

Ang akong samad dili na maayo.

Ug miingon ko: “Mao na gyod kini ang akong sakit, ug kinahanglan nako kining antoson.

20 Ang akong tolda naguba, ug ang mga pisi sa akong tolda nangabugto tanan.+

Ang akong mga anak namiya kanako ug wala na sila.+

Wala nay nahibiling magbuklad sa akong tolda o magpatindog sa akong mga telang pangtolda.

22 Pamatia ninyo ang balita! Nagsingabot na kini!

23 Nahibalo ko pag-ayo, Oh Jehova, nga dili iya sa tawo ang pagtultol sa iyang dalan.

Dili iya sa tawong naglakaw bisan ang pagtultol sa iyang lakang.+

11 Kini ang mensahe nga nadawat ni Jeremias gikan kang Jehova: 2 “Kamong katawhan, paminaw sa mga pulong niini nga pakigsaad!

“Isulti* kini sa mga tawo sa Juda ug sa mga molupyo sa Jerusalem 3 ug ingna sila, ‘Kini ang giingon ni Jehova nga Diyos sa Israel: “Tinunglo ang tawong dili motuman sa mga pulong niini nga pakigsaad,+ 4 nga akong gisugo sa inyong mga katigulangan sa adlaw nga gipagula nako sila gikan sa yuta sa Ehipto,+ gikan sa hudno nga tunawanan ug puthaw,+ nga nag-ingon, ‘Tumana ninyo ang akong tingog, ug buhata ang tanan nakong gisugo kaninyo; ug kamo mahimong akong katawhan ug ako mahimong inyong Diyos,+ 5 aron tumanon nako ang akong gipanumpa sa inyong mga katigulangan, nga ihatag kanila ang yuta nga abunda sa gatas ug dugos,+ nga inyong gipuy-an hangtod niining adlawa.’”’”

Ug ako mitubag: “Amen,* Oh Jehova.”

6 Unya si Jehova miingon kanako: “Imantala kining tanan nga pulong diha sa mga siyudad sa Juda ug sa kadalanan sa Jerusalem: ‘Paminaw mo sa mga pulong niini nga pakigsaad, ug tumana kini. 7 Kay gipahimangnoan nako ang inyong mga katigulangan sa adlaw nga gipagula nako sila gikan sa yuta sa Ehipto, ug hangtod niining adlawa gipahimangnoan nako sila nga balikbalik:* “Tumana ang akong tingog.”+ 8 Apan sila wala mamati o maghatag ug pagtagad;* ang matag usa wala gyod mopatuo ug misunod hinuon sa iyang daotang kasingkasing.+ Midumili sila sa pagbuhat sa akong gisugo kanila, maong gipahinabo nako kanila ang tanang giingon sa pakigsaad.’”

9 Unya si Jehova miingon kanako: “Nagkunsabo ang mga tawo sa Juda ug ang mga molupyo sa Jerusalem batok kanako. 10 Gihimo nila ang kasaypanan nga gihimo kaniadto sa ilang mga katigulangan, nga midumili sa pagtuman sa akong mga pulong.+ Sila usab misunod sa ubang mga diyos ug mialagad kanila.+ Gilapas sa panimalay ni Israel ug sa panimalay ni Juda ang pakigsaad nga akong gihimo uban sa ilang mga katigulangan.+ 11 Busa si Jehova miingon, ‘Ania, magpahamtang kog katalagman kanila+ ug sila dili makalingkawas niini. Kon magpakitabang sila kanako, dili ko mamati kanila.+ 12 Unya ang mga siyudad sa Juda ug ang mga molupyo sa Jerusalem mangadto sa mga diyos nga ilang gihalaran* ug gipangayoag tabang,+ apan kini dili gyod makaluwas nila panahon sa ilang katalagman. 13 Kay ang imong mga diyos nahimong sama ka daghan sa imong mga siyudad, Oh Juda, ug naghimo kag mga halaran alang sa makauulaw nga butang* nga sama ka daghan sa kadalanan sa Jerusalem, mga halaran alang sa paghalad kang Baal.’+

14 “Kon bahin kanimo,* ayaw pag-ampo alang niini nga katawhan. Ayaw pagtuaw o pag-ampo alang kanila,+ kay dili ko mamati dihang sila motawag kanako panahon sa ilang katalagman.

Mapugngan ba ang katalagman nga moabot kaninyo pinaagi sa balaang unod?*

Magsadya ba ka nianang panahona?

17 “Si Jehova sa mga panon, ang nagtanom kanimo,+ nagpahayag nga dunay katalagman nga moabot kanimo tungod sa gihimong daotan sa panimalay ni Israel ug sa panimalay ni Juda, kinsa nagpasuko kanako pinaagi sa paghalad ngadto kang Baal.”+

19 Sama kog masinundanon nga nating karnero nga gidala sa ihawanan.

Wala ko mahibalo nga duna silay daotang plano kanako:+

21 Busa kini ang giingon ni Jehova batok sa mga tawo sa Anatot+ nga nagtinguha sa imong kinabuhi ug kinsa miingon: “Dili ka gayod managna sa ngalan ni Jehova,+ aron dili ka mamatay sa among kamot”; 22 busa kini ang giingon ni Jehova sa mga panon: “Ania, papanubagon nako sila. Ang mga batan-ong lalaki mangamatay sa espada,+ ug ang ilang mga anak nga lalaki ug babaye mangamatay sa gutom.+ 23 Walay bisag usa nga mahibilin kanila, kay magpahamtang kog katalagman sa mga tawo sa Anatot+ sa tuig nga papanubagon nako sila.”

 2 Gitanom nimo sila, ug sila migamot.

Sila mitubo ug namunga.

Kanunay silang mosulti bahin kanimo, apan layo ka sa ilang kinasulorang mga hunahuna.*+

Kay sila miingon: “Siya dili makakita sa mahitabo kanato.”

Sila nagsinggit ug kusog batok kanimo.

 7 “Gibiyaan nako ang akong balay;+ gipasagdan nako ang akong panulondon.+

Gitugyan nako ang akong hinigugma ngadto sa kamot sa iyang mga kaaway.+

 8 Ang akong panulondon nahisamag leyon sa lasang alang kanako.

Siya mingulob batok kanako.

Busa gidumtan nako siya.

Ilang gihimong awaaw nga kamingawan ang akong maayong yuta.

11 Kini nahimong umaw nga yuta.

Walay pakigdait alang kang bisan kinsa.*

13 Sila nagpugas ug trigo, apan sampinit ang ilang naani.+

Gihago nila ang ilang kaugalingon, apan wala silay nakuhang kaayohan.

14 Kini ang giingon ni Jehova batok sa tanan nakong daotang silingan, nga nanghilabot sa panulondon nga akong gihatag sa akong katawhang Israel:+ “Ania, lukahon nako sila gikan sa ilang yuta,+ ug lukahon nako ang panimalay ni Juda gikan sa ilang taliwala. 15 Apan human nakog luka kanila, kaluy-an nako sila ug ibalik nako sa matag usa kanila ang iyang panulondon ug ang iyang yuta.”

16 “Ug kon sila magkat-on gayod sa mga dalan sa akong katawhan ug manumpa sa akong ngalan, ‘Ingon nga si Jehova buhi!’ sama nga ilang gitudloan ang akong katawhan sa pagpanumpa sa ngalan ni Baal, sila mahimong bahin sa akong katawhan. 17 Apan kon dunay nasod nga dili motuman, lukahon ug laglagon usab nako kana,” miingon si Jehova.+

13 Kini ang giingon ni Jehova kanako: “Lakaw, pagpalit ug bakos nga panaptong lino ug ibakos kini sa imong hawak, apan ayaw kinig bas-a.” 2 Busa nagpalit kog bakos sumala sa giingon ni Jehova ug gibakos kini sa akong hawak. 3 Ug nakadawat kog mensahe gikan kang Jehova sa ikaduhang higayon, nga nag-ingon: 4 “Dad-a ang bakos nga imong gipalit ug gisul-ob, ug adto sa Euprates. Tagoi kini didto sa usa ka giwang sa dakong bato.” 5 Busa miadto ko ug gitagoan kini daplin sa Euprates, sumala sa gisugo ni Jehova kanako.

6 Apan paglabay sa daghang adlaw, si Jehova miingon kanako: “Adto sa Euprates, ug kuhaa ang bakos nga akong gipatagoan kanimo didto.” 7 Busa miadto ko sa Euprates ug gikalot nako ug gikuha ang bakos sa dapit diin nako kini gitagoan, apan ang bakos nadaot na ug dili na gyod mapuslan.

8 Unya nakadawat kog mensahe gikan kang Jehova, nga nag-ingon: 9 “Kini ang giingon ni Jehova, ‘Sa samang paagi akong gun-obon ang garbo sa Juda ug ang dakong garbo sa Jerusalem.+ 10 Kining daotang katawhan nga midumili sa pagtuman sa akong mga pulong,+ ug wala gyod mopatuo ug misunod hinuon sa ilang kasingkasing,+ ug misunod, mialagad, ug miyukbo sa ubang mga diyos, mahisama gayod niining bakos nga dili na gyod mapuslan.’ 11 ‘Kay sama nga ang bakos magpabilin sa hawak sa usa ka tawo, gipahinabo usab nako nga ang tibuok panimalay ni Israel ug ang tibuok panimalay ni Juda mounong kanako,’ miingon si Jehova, ‘aron sila mahimong akong katawhan,+ himaya,+ kadayeganan, ug dungog. Apan wala sila mosunod.’+

12 “Ug isulti usab kini nga mensahe kanila, ‘Kini ang giingon ni Jehova nga Diyos sa Israel: “Ang matag dakong banga angayng pun-on ug bino.”’ Ug sila motubag kanimo, ‘Dili ba nahibalo na man mi nga ang matag dakong banga angayng pun-on ug bino?’ 13 Ug ingna sila, ‘Kini ang giingon ni Jehova: “Sama sa dakong banga, pun-on nakog bino ang tanang molupyo niining yutaa,+ ang mga hari nga naglingkod sa trono ni David, ang mga saserdote ug ang mga propeta, ug ang tanang molupyo sa Jerusalem, hangtod nga sila mangahubog. 14 Ug ako silang ilambos sa usag usa, ang mga amahan ug ang mga anak,” miingon si Jehova.+ “Dili ko magpakitag simpatiya o maguol o maluoy kanila; walay makapugong kanako sa paglaglag kanila.”’+

15 Paminaw mo.

Ayaw mog panghambog, kay si Jehova nagsulti.

19 Ang mga siyudad sa habagatan gisirad-an* ug walay usa nga magbukas niini.

Ang tibuok Juda gidestiyero, bug-os nga gidestiyero.+

20 Iyahat ang imong mga mata ug tan-awa ang mga nagsingabot gikan sa amihanan.+

Hain na ang panon nga gihatag kanimo, ang imong matahom nga mga karnero?+

Dili ba nimo bation ang kasakit sa pagpanganak, sama nianang babayeng manganak?+

22 Ug dihang moingon ka sa imong kasingkasing, ‘Nganong nahitabo kanako kining mga butanga?’+

23 Mausab ba sa usa ka Cusihanon* ang iyang panit, o sa leopardo ang mga kabang niini?+

24 Busa patibulaagon nako sila samag uhot* nga gipadpad sa hangin sa desyerto.+

Alaot ka, Oh Jerusalem!

Hangtod kanus-a ka magpabiling hugaw?”+

14 Kini ang mensahe nga nadawat ni Jeremias gikan kang Jehova bahin sa mga hulaw:+

 2 Ang Juda nagbangotan,+ ug ang mga ganghaan niini nahanaw.

 3 Ug ang ilang mga agalon nagpakalos ug tubig sa ilang mga sulugoon.

Sila nangadto sa mga gahong sa tubig* apan walay nakaplagang tubig.

Sila namalik nga walay sulod ang ilang mga sudlanan.

 6 Ug ang mga ihalas nga asno nagbarog sa hawan nga kabungtoran.

Ayaw mig biyai.

10 Kini ang giingon ni Jehova bahin niini nga katawhan: “Ganahan silang maglaaglaag;+ wala nila pugngi ang ilang mga tiil.+ Busa si Jehova wala malipay kanila.+ Karon iyang hinumdoman ang ilang kasaypanan ug papanubagon sila sa ilang mga sala.”+

11 Unya si Jehova miingon kanako: “Ayawg iampo nga mamaayo ang dangatan niini nga katawhan.+ 12 Dihang magpuasa sila, dili ko mamati sa ilang mga pangaliyupo,+ ug dihang magtanyag silag mga tibuok halad nga sinunog ug mga halad nga lugas, dili ko malipay niana,+ kay pinaagi sa espada, gutom, ug kamatay,* pamatyon nako sila.”+

13 Busa miingon ko: “Oh Soberanong Ginoong Jehova! Ania, ang mga propeta nagaingon kanila, ‘Dili ninyo masinati ang gubat ug gutom, apan hatagan mo nakog tinuod nga kalinaw niining dapita.’”+

14 Dayon si Jehova miingon kanako: “Ang mga propeta nanagna ug kabakakan sa akong ngalan.+ Wala ko magpadala o magsugo o makigsulti kanila.+ Ang ilang gipanagna kaninyo maoy bakak nga panan-awon ug walay pulos nga pagpanag-an ug panglimbong sa ilang kaugalingong kasingkasing.+ 15 Busa kini ang giingon ni Jehova bahin sa mga propeta nga nanagna sa akong ngalan bisag wala nako sila gipadala, ug kinsa miingon nga walay gubat o gutom nga mahitabo niining yutaa: ‘Ang maong mga propeta mangamatay pinaagi sa espada ug gutom.+ 16 Ug ang katawhan nga ginasultihan nila sa ilang mga tagna mahimong mga sinalibay sa kadalanan sa Jerusalem tungod sa gutom ug espada, ug walay molubong nila+​—⁠sila, ang ilang mga asawa, o ang ilang mga anak nga lalaki o babaye⁠—​kay ibubo nako kanila ang katalagman nga angay kanila.’+

Kay ang propeta ug ang saserdote milibot sa yuta nga wala nila mailhi.’”+

19 Bug-os ba nimong gisalikway ang Juda, o gikasilagan ba nimo ang Zion?+

Nganong imo man ming gihampak, maong wala nay pagkaayo alang kanamo?+

Hinumdomi ug ayawg bungkaga ang imong pakigsaad kanamo.+

Dili ba ikaw lang ang Usa nga makahimo niini, Oh Jehova nga among Diyos?+

15 Unya si Jehova miingon kanako: “Bisan pag nagbarog si Moises ug Samuel sa akong atubangan,+ dili gihapon nako uyonan kini nga katawhan. Pahawaa sila sa akong atubangan. Palakwa sila. 2 Ug kon mangutana sila nimo, ‘Asa man mi mangadto?’ tubaga sila, ‘Kini ang giingon ni Jehova:

“Ang para sa makamatay nga hampak, adto sa makamatay nga hampak!

Ang para sa espada, adto sa espada!+

Ang para sa gutom, adto sa gutom!

Ug ang para sa pagkabinihag, adto sa pagkabinihag!”’+

3 “‘Ug magpadala kog upat ka katalagman* alang kanila,’+ miingon si Jehova, ‘ang espada nga mopatay nila, ang mga iro nga moguyod nila palayo, ug ang mga langgam sa kalangitan ug mga mananap sa yuta nga mokaon ug mopatay nila.+ 4 Ug ipahinabo nako nga ang tanang gingharian sa yuta mangahadlok sa nahitabo kanila+ tungod kang Manases nga anak ni Ezequias, ang hari sa Juda, tungod sa iyang gibuhat sa Jerusalem.+

 6 ‘Gibiyaan ko nimo,’ miingon si Jehova.+

‘Kanunay ko nimong gitalikdan.*+

Busa ituy-od nako ang akong kamot batok kanimo ug laglagon ka nako.+

Gikapoy na ko sa pagpakitag kaluoy nimo.*

 7 Paliron nako sila samag nagpalid ug lugas diha sa mga ganghaan sa yuta.

Pamatyon nako ang ilang mga anak.+

 8 Ipahinabo nako nga ang ilang mga babayeng balo mas modaghan pa kay sa balas sa kadagatan.

Magpadala kog tiglaglag batok kanila sa panahon sa kaudtohon, batok sa mga inahan ug sa mga batan-ong lalaki.

Kalit kong magpadala kanilag kasakitan ug kalisang.

Panimasli ang mga naglutos kanako.+

Ayawg tugoting mamatay ko* tungod sa imong pailob.*

Hibaloi nga tungod nimo nag-antos ko niini nga pakaulaw.+

17 Wala ko molingkod ug makigsadya uban sa mga tiglipaylipay.+

18 Nganong ang akong kasakit grabe kaayo ug ang akong samad dili maulian?

Kini dili maalim.

19 Busa kini ang giingon ni Jehova:

20 “Himoon ka nakong lig-ong paril nga tumbaga alang niini nga katawhan.+

16 Nakadawat na usab kog mensahe gikan kang Jehova, nga nag-ingon: 2 “Ayaw pagminyo ug ayaw pagbaton ug mga anak nga lalaki ug babaye niining dapita. 3 Kay kini ang giingon ni Jehova bahin sa mga anak nga lalaki ug babaye nga nangatawo dinhi ug bahin sa ilang inahan nga nanganak kanila ug sa ilang amahan nga nagpakatawo kanila niining yutaa: 4 ‘Sila mamatay tungod sa makamatayng mga sakit,+ apan walay magbangotan alang kanila o maglubong kanila; sila mahisamag kinalibang diha sa nawong sa yuta.+ Sila mangamatay pinaagi sa espada ug gutom,+ ug ang ilang mga patayng lawas mahimong pagkaon sa mga langgam sa kalangitan ug sa mga mananap sa yuta.’

 6 Ang mga prominente ug ang ubos nga mga tawo mamatay niining yutaa.

9 “Kay kini ang giingon ni Jehova sa mga panon, ang Diyos sa Israel, ‘Sa inyong panahon ug sa inyo mismong atubangan, akong pahunongon niining dapita ang mga tingog sa kasadya ug kalipay, ang tingog sa pamanhonon ug ang tingog sa pangasaw-onon.’+

10 “Dihang isulti nimo niini nga katawhan kining tanan, sila mangutana kanimo, ‘Nganong gisulti ni Jehova kining tanang dagkong katalagman batok kanamo? Unsay among sayop ug sala kang Jehova nga among Diyos?’+ 11 Angay nimo silang tubagon, ‘“Kay gibiyaan ko sa inyong mga katigulangan,”+ miingon si Jehova, “ug nagpadayon sila sa pagsunod, pag-alagad, ug pagyukbo sa ubang mga diyos.+ Apan ila kong gibiyaan, ug wala nila tumana ang akong balaod.+ 12 Ug migawi mo nga mas daotan pa kay sa inyong mga katigulangan,+ ug ang matag usa kaninyo wala gyod mopatuo ug misunod hinuon sa iyang daotang kasingkasing imbes mosunod kanako.+ 13 Busa papahawaon mo nako gikan niining yutaa ngadto sa yuta nga wala ninyo mailhi o sa inyong mga katigulangan,+ ug didto mapugos mo sa pag-alagad sa ubang mga diyos adlaw ug gabii,+ kay dili ko magpakitag kaluoy kaninyo.”’

14 “‘Apan ang mga adlaw moabot,’ miingon si Jehova, ‘dihang sila dili na moingon: “Ingon nga si Jehova buhi, nga nagpagawas sa katawhan sa Israel gikan sa yuta sa Ehipto!”+ 15 kondili: “Ingon nga si Jehova buhi, nga nagpagawas sa katawhan sa Israel gikan sa yuta sa amihanan ug gikan sa tanang kayutaan diin iyang gipatibulaag sila!” ug dad-on nako silag balik sa ilang yuta, nga akong gihatag sa ilang mga katigulangan.’+

17 Kay ang akong mga mata nagtan-aw sa tanan nilang ginahimo.*

20 Makabuhat ba ang tawo ug mga diyos alang sa iyang kaugalingon?

Ang iyang gibuhat dili tinuod nga mga diyos.+

17 “Ang sala sa Juda gisulat pinaagig pangsulat nga puthaw.

 4 Tuyoon nimog wala ang panulondon nga akong gihatag kanimo.+

Kini magdilaab hangtod sa hangtod.”

 5 Kini ang giingon ni Jehova:

 6 Siya mahisamag nag-inusarang kahoy sa desyerto.

 9 Ang kasingkasing labaw nga malimbongon* kay sa bisan unsang butang, ug kini desperado.*+

Kinsa ang makahibalo niini?

14 Ayoha ko, Oh Jehova, ug mamaayo ko.

15 Tan-awa! May nagaingon kanako:

“Asa man ang pulong ni Jehova?+

Paanhia kini, palihog!”

17 Ayawg tugoting mahadlok ko tungod nimo.

Ikaw ang akong dangpanan sa adlaw sa katalagman.

19 Kini ang giingon ni Jehova kanako: “Lakaw ug tindog sa ganghaan sa mga anak sa katawhan diin ang mga hari sa Juda nagasulod ug nagagawas, ug sa tanang ganghaan sa Jerusalem.+ 20 Ug ingna sila, ‘Pamati sa pulong ni Jehova, kamong mga hari sa Juda, tanang katawhan sa Juda, ug tanang molupyo sa Jerusalem, nga nagasulod agi niini nga mga ganghaan. 21 Kini ang giingon ni Jehova: “Bantayi ang inyong kaugalingon, ug ayaw pagdalag bisan unsa sa adlawng Igpapahulay o ayaw kinig dad-a agi sa mga ganghaan sa Jerusalem.+ 22 Dili mo magdalag bisan unsa gikan sa inyong mga balay sa adlawng Igpapahulay; ug dili mo magbuhat ug bisan unsang buluhaton.+ Himoang sagrado kanunay ang adlawng Igpapahulay, sumala sa akong gisugo sa inyong mga katigulangan.+ 23 Apan wala sila mamati o maghatag ug pagtagad,* ug sila midumili gyod* sa pagsunod o sa pagdawat ug disiplina.”’+

24 “‘“Apan kon sundon ko ninyo pag-ayo,” miingon si Jehova, “ug dili mo magdalag bisan unsa agi sa mga ganghaan niini nga siyudad sa adlawng Igpapahulay, ug himoon ninyong sagrado kanunay ang adlawng Igpapahulay pinaagi sa dili pagbuhat ug bisan unsang buluhaton nianang adlawa,+ 25 ang mga hari ug mga prinsipe nga maglingkod sa trono ni David+ manulod usab agi sa mga ganghaan niining siyudara, nga magsakay sa karo ug sa mga kabayo, sila ug ang ilang mga prinsipe, ang mga tawo sa Juda ug ang mga molupyo sa Jerusalem;+ ug kini nga siyudad pagapuy-an hangtod sa hangtod. 26 Ug ang katawhan mangabot gikan sa mga siyudad sa Juda, sa mga dapit palibot sa Jerusalem, sa yuta sa Benjamin,+ sa kapatagan,+ sa kabukiran, ug sa Negeb.* Sila magdalag mga tibuok halad nga sinunog,+ mga halad,+ mga halad nga lugas,+ kamangyan, ug mga halad sa pagpasalamat ngadto sa balay ni Jehova.+

27 “‘“Apan kon dili ninyo sundon ang akong sugo nga himoong sagrado kanunay ang adlawng Igpapahulay ug nga dili magdalag bisan unsa ug dili magdala niini agi sa mga ganghaan sa Jerusalem sa adlawng Igpapahulay, akong sunogon ang mga ganghaan niini, ug lamyon gayod niini ang lig-ong mga torre sa Jerusalem+ ug kini dili mapalong.”’”+

18 Kini ang mensahe nga nadawat ni Jeremias gikan kang Jehova: 2 “Lakaw ug lugsong ngadto sa balay sa magkukulon,+ ug duna koy isulti nimo didto.”

3 Busa milugsong ko ngadto sa balay sa magkukulon, ug duna siyay gihimong sudlanan diha sa mga ligid sa magkukulon. 4 Apan ang sudlanan nga gihimo sa magkukulon nadaot diha sa iyang kamot. Busa gihimo na lang niya kinig laing sudlanan, sumala sa kon unsay iyang nakitang mohaom niini.*

5 Unya nadawat nako ang mensahe ni Jehova, nga nag-ingon: 6 “‘Dili ba nako mahimo kaninyo ang sama sa gihimo niini nga magkukulon, Oh panimalay ni Israel?’ miingon si Jehova. ‘Tan-awa! Sama nga ang yutang kulonon anaa sa kamot sa magkukulon, kamo usab anaa sa akong kamot, Oh panimalay ni Israel.+ 7 Matag higayon nga maghisgot ko bahin sa pagluka ug sa paglumpag ug sa paglaglag sa usa ka nasod o gingharian,+ 8 unya kanang nasora mobiya sa pagkadaotan niini nga akong gihukman, bag-ohon usab nako ang akong hunahuna* bahin sa katalagman nga ipahamtang unta nako niini.+ 9 Apan matag higayon nga maghisgot ko bahin sa pagtukod ug pagpatindog* ug usa ka nasod o gingharian, 10 unya buhaton niini kon unsay daotan sa akong mga mata ug dili mosunod sa akong tingog, bag-ohon nako ang akong hunahuna* bahin sa maayo nga himoon unta nako niini.’

11 “Karon sultihi, palihog, ang mga tawo sa Juda ug ang mga molupyo sa Jerusalem, ‘Kini ang giingon ni Jehova: “Ania, nag-andam* kog katalagman ug naghunahunag butang nga ikadaot ninyo. Palihog, biya sa inyong daotang mga dalan, ug bag-oha ang inyong mga dalan ug binuhatan.”’”+

12 Apan sila miingon: “Wala nay paglaom!+ Kay mosubay mi sa among kaugalingong panghunahuna, ug buhaton gyod sa matag usa kanamo ang sumala sa iyang daotang kasingkasing.”+

13 Busa kini ang giingon ni Jehova:

“Palihog, pangutana mo sa mga nasod.

Kinsay nakadungog ug sama niini?

Ang ulay* sa Israel naghimog kinangil-arang butang.+

14 Mahanaw ba ang mga niyebe diha sa mga bato sa mga bakilid sa Lebanon?

O mauga ba ang bugnawng tubig nga nagaagos gikan sa layong dapit?

15 Apan ang akong katawhan nakalimot kanako.+

Ang matag usa nga moagi niini motutok sa kahadlok ug maglingolingo.+

17 Sama sa hanging sidlakan, patibulaagon nako sila sa atubangan sa kaaway.

Ipakita nako kanila ang akong likod, dili ang akong nawong, sa adlaw sa ilang katalagman.”+

18 Ug sila miingon: “Dali, magplano ta batok kang Jeremias,+ kay ang atong mga saserdote padayong magtudlo kanato sa balaod,* ang maalamong mga tawo padayong maghatag kanatog tambag, ug ang mga propeta padayong magpahayag kanato sa pulong. Dali ug mosulti kita batok kaniya,* ug dili nato pamation ang iyang isulti.”

20 Angay bang balosan ug daotan ang maayo?

Kay nagkalot silag gahong alang sa akong kinabuhi.+

Ang ilang mga asawa mamatyan untag mga anak ug mabalo.+

19 Kini ang giingon ni Jehova: “Lakaw ug pagpalit sa magkukulon ug tibod.+ Ubana ang pipila sa mga ansiyano sa katawhan ug ang pipila sa mga ansiyano sa mga saserdote, 2 ug adto sa Walog sa Anak ni Hinnom,+ nga anaa sa entrada sa Ganghaan sa mga Tipak sa Kulon. Ug imantala didto ang mga pulong nga akong isulti kanimo. 3 Isulti kini, ‘Paminawa ang pulong ni Jehova, kamong mga hari sa Juda ug mga molupyo sa Jerusalem. Kini ang giingon ni Jehova sa mga panon, ang Diyos sa Israel:

“‘“Hapit na kong magpahinabo ug katalagman niining dapita, ug si bisan kinsang makadungog bahin niini mahadlok gayod.* 4 Tungod kini kay mibiya sila kanako+ ug gihimo nila kining dapita nga dili na mailhan.+ Sila nagahalad dinhi alang sa ubang mga diyos, nga wala nila mailhi ug sa ilang mga katigulangan ug sa mga hari sa Juda, ug gipuno nila kining dapita sa dugo sa mga inosente.+ 5 Naghimo silag tag-as nga dapit ni Baal aron sunogon ang ilang mga anak sa kalayo ingong mga tibuok halad nga sinunog alang kang Baal,+ butang nga wala nako isugo o hisgoti ug nga wala gyod gani mosantop sa akong hunahuna.”’*+

6 “‘“Busa tan-awa! ang mga adlaw moabot,” miingon si Jehova, “dihang kining dapita dili na tawgong Topet o Walog sa Anak ni Hinnom kondili Walog sa Pagpatay.+ 7 Pakyason nako ang mga plano sa Juda ug sa Jerusalem niining dapita, ug akong ipahinabo nga sila mangapukan pinaagi sa espada atubangan sa ilang mga kaaway ug pinaagi sa kamot niadtong nagtinguha sa ilang kinabuhi. Ug ihatag nako ang ilang mga patayng lawas ingong pagkaon sa mga langgam sa kalangitan ug sa mga mananap sa yuta.+ 8 Ug himoon nako kining siyudara nga kahadlokan ug talamayon.* Ang matag usa nga moagi niini motutok sa kahadlok ug motamay tungod sa tanang hampak niini.+ 9 Ug ipahinabo nako nga kaonon nila ang unod sa ilang mga anak nga lalaki ug babaye, ug ang matag usa kanila mokaon sa unod sa ilang isigkatawo, tungod sa pag-atake ug sa ilang pagkadesperado kay nalikosan sila sa ilang mga kaaway ug niadtong nagtinguha sa ilang kinabuhi.”’+

10 “Unya buk-a ang tibod atubangan sa mga tawo nga mouban nimo, 11 ug ingna sila, ‘Kini ang giingon ni Jehova sa mga panon: “Ingon niini ang akong pagdugmok niini nga katawhan ug niini nga siyudad, sama sa usa nga nagdugmok sa sudlanan sa magkukulon mao nga kini dili na gyod maayo; ug ilubong nila ang mga patay didto sa Topet hangtod nga wala nay kalubngan kanila.”’+

12 “‘Ingon niana ang akong buhaton niining dapita,’ miingon si Jehova, ‘ug sa mga molupyo niini, aron himoon kining siyudara nga sama sa Topet. 13 Ug ang mga balay sa Jerusalem ug ang mga balay sa mga hari sa Juda mahimong hugaw sama niining dapita, ang Topet.+ Kay sila nagahalad diha sa mga atop alang sa tanang panon sa kalangitan+ ug nagabubo ug mga halad nga ilimnon alang sa ubang mga diyos.’”+

14 Dihang si Jeremias mibalik gikan sa Topet, diin siya gipadala ni Jehova aron managna, siya mitindog sa hawanan sa balay ni Jehova ug miingon sa tanang katawhan: 15 “Kini ang giingon ni Jehova sa mga panon, ang Diyos sa Israel, ‘Ania, ipahinabo nako niining siyudara ug sa tanang lungsod niini ang tanang katalagman nga akong gisulti batok niini, kay midumili gyod sila sa pagtuman* sa akong mga pulong.’”+

20 Karon si Pasur nga anak ni Imer, ang saserdote, nga mao usab ang pangunang opisyal sa balay ni Jehova, namati dihang nanagna si Jeremias niining mga butanga. 2 Unya gidapatan ni Pasur si propetang Jeremias ug gibutang siya sa sepohan*+ sa Ibabaw nga Ganghaan ni Benjamin, nga didto sa balay ni Jehova. 3 Apan pagkasunod adlaw, dihang gibuhian ni Pasur si Jeremias gikan sa sepohan, si Jeremias miingon kaniya:

“Ginganlan ka ni Jehova ug Kalisang sa Tibuok Palibot,+ dili Pasur. 4 Kay kini ang giingon ni Jehova, ‘Akong ipahinabo nga malisang ka ug ang imong mga higala, ug imo mismong makita nga mapukan sila pinaagi sa espada sa ilang mga kaaway;+ ug akong itugyan ang tibuok Juda ngadto sa kamot sa hari sa Babilonya, ug iya silang idestiyero sa Babilonya ug pamatyon pinaagi sa espada.+ 5 Ug ang tanang bahandi niining siyudara, ang tanang kahinguhaan niini, ang tanang bililhong butang niini, ug ang tanang bahandi sa mga hari sa Juda akong ihatag sa ilang mga kaaway.+ Ug ila kining panguhaon ug dad-on sa Babilonya.+ 6 Ug kon bahin kanimo, Pasur, ug sa tanang nagpuyo sa imong balay, kamo mabihag. Dad-on ka sa Babilonya ug didto ka mamatay, ug didto ka ilubong uban sa tanan nimong higala, kay nanagna kag kabakakan kanila.’”+

 7 Imo kong gilimbongan, Oh Jehova, ug ako nalimbongan.

Gigamit nimo ang imong kusog batok kanako, ug milampos ka.+

 8 Kay matag higayon nga mosulti ko, kinahanglan kong motuaw ug mopahayag,

“Kapintasan ug kalaglagan!”

Tungod sa pulong ni Jehova, ako giinsulto ug giyagayagaan sa tibuok adlaw.+

“Hukmi siya; hukman nato siya!”

Ang matag tawo nga nagpakaaron-ingnong may pakigdait kanako nagbantay sa akong pagkapukan:+

11 Apan si Jehova nag-uban kanako samag makahahadlok nga manggugubat.+

Mao nga kadtong mga naglutos kanako mangapukan ug dili modaog.+

Sila maulawan pag-ayo, kay sila dili molampos.

Ang ilang walay kataposang kaulawan dili makalimtan.+

13 Pag-awit mo kang Jehova! Dayega ninyo si Jehova!

Kay iyang giluwas ang kabos gikan sa kamot sa mga mamumuhat ug daotan.

14 Tinunglo ang adlaw nga natawo ko!

Hinaot nga ang adlaw nga gihimugso ko sa akong inahan dili mapanalanginan!+

15 Tinunglo ang tawo nga nagdalag maayong balita sa akong amahan, nga nag-ingon:

“Natawo kanimo ang usa ka anak, usa ka lalaki!”

Nga nakapalipay kaniya pag-ayo.

16 Hinaot nga kanang tawhana mahisamag mga siyudad nga gipukan ni Jehova nga walay pagbasol.

Hinaot nga makadungog siyag singgit sa kabuntagon ug tingog sa pasidaan sa kaudtohon.

21 Si Jeremias nakadawat ug mensahe gikan kang Jehova dihang gipaadto ni Haring Zedekias+ kaniya si Pasur+ nga anak ni Malkias ug si Sofonias+ nga anak ni Maaseias, ang saserdote, nga naghangyo: 2 “Palihog, pagpakisayod kang Jehova alang kanamo, kay gisulong mi ni Haring Nabucodonosor* sa Babilonya sa pagpakiggubat kanamo.+ Tingalig himoon ni Jehova ang usa sa iyang katingalahang mga buhat alang kanamo, aron siya mosibog gikan kanamo.”+

3 Si Jeremias miingon kanila: “Kini ang inyong isulti kang Zedekias, 4 ‘Kini ang giingon ni Jehova nga Diyos sa Israel: “Ipahinabo nako nga maunay mo sa mga hinagiban sa gubat nga anaa sa inyong mga kamot, nga inyong gamiton sa pagpakiggubat sa hari sa Babilonya+ ug sa mga Caldeanhon nga naglikos kaninyo sa gawas sa paril. Ug tigomon nako kini* taliwala niini nga siyudad. 5 Ug ako mismo makig-away kaninyo+ pinaagi sa gamhanang kamot ug kusgang bukton, nga may kasuko ug kapungot ug dakong kasuko.+ 6 Hampakon nako ang mga molupyo niining siyudara, tawo man o mananap. Sila mangamatay pinaagig grabeng kamatay.”’*+

7 “‘“Ug human niana,” miingon si Jehova, “si Haring Zedekias sa Juda ug ang iyang mga alagad ug ang katawhan niining siyudara​—⁠kadtong mga maluwas gikan sa kamatay, espada, ug gutom⁠—​akong itugyan ngadto sa kamot ni Haring Nabucodonosor* sa Babilonya, sa kamot sa ilang mga kaaway, ug sa kamot niadtong mga nagtinguha sa ilang kinabuhi.+ Iya silang patyon pinaagig espada. Dili siya masubo alang kanila o maluoy kanila.”’+

8 “Ug ingna kini nga katawhan, ‘Kini ang giingon ni Jehova: “Ania, ibutang nako sa inyong atubangan ang dalan sa kinabuhi ug ang dalan sa kamatayon. 9 Kadtong magpabilin sa siyudad mamatay sa espada, gutom, ug kamatay. Apan bisan kinsa nga mogula ug mosurender ngadto sa mga Caldeanhon nga naglikos kaninyo magpabiling buhi, ug mahuptan niya ang iyang kinabuhi ingong inagaw.”’*+

10 “‘“Gisalikway nako kining siyudara, busa makaagom kinig katalagman ug dili kaayohan,”+ miingon si Jehova. “Itugyan kini ngadto sa kamot sa hari sa Babilonya,+ ug sunogon niya kini.”+

11 “‘Alang sa panimalay sa hari sa Juda: Paminawa ang pulong ni Jehova. 12 Oh panimalay ni David, kini ang giingon ni Jehova:

‘Kon bahin kaninyo nga nag-ingon: “Kinsay molugsong batok kanato?

Ug kinsay mosulong sa atong mga puloy-anan?”

22 Kini ang giingon ni Jehova: “Adto sa balay* sa hari sa Juda, ug ipahayag kini nga mensahe. 2 Isulti kini, ‘Paminaw sa pulong ni Jehova, Oh hari sa Juda nga naglingkod sa trono ni David, ikaw uban ang imong mga alagad ug katawhan, kadtong nagaagi niini nga mga ganghaan. 3 Kini ang giingon ni Jehova: “Ipahamtang ninyo ang hustisya ug pagkamatarong. Luwasa ang usa nga gibuhatag kadaot diha sa kamot sa tikasan. Ayawg daogdaoga ang bisan kinsa nga langyawng residente, ug ayaw buhatig kadaot ang bisan kinsang bata nga wala nay amahan* o babayeng balo.+ Ug ayaw pag-ulag inosenteng dugo niining dapita.+ 4 Kay kon tumanon gayod ninyo kining pulonga, ang mga hari nga maglingkod sa trono ni David+ manulod agi sa mga ganghaan niining balaya, nga magsakay sa mga karo ug sa mga kabayo, sila uban sa ilang mga alagad ug katawhan.”’+

5 “‘Apan kon dili ninyo sundon kining mga pulonga, manumpa ko sa akong kaugalingon,’ miingon si Jehova, ‘nga kining balaya mahimong gun-ob nga dapit.’+

8 “‘Ug daghang nasod moagi niining siyudara ug moingon sa usag usa: “Nganong gibuhat kini ni Jehova niining bantogang siyudad?”+ 9 Ug sila motubag: “Kay ilang gisalikway ang pakigsaad ni Jehova nga ilang Diyos ug sila nangyukbo sa ubang mga diyos ug nag-alagad kanila.”’+

11 “Kay kini ang giingon ni Jehova bahin kang Salum*+ nga anak ni Josias, ang hari sa Juda nga nagmando puli kang Josias+ nga iyang amahan ug kinsa mibiya niining dapita: ‘Dili na siya mobalik didto. 12 Kay siya mamatay sa dapit diin nila siya gidestiyero, ug dili na niya makita kining yutaa.’+

15 Padayon ba kang magmando kay nalabwan nimo ang uban sa imong paggamit ug sedro?

‘Dili ba iya kanang gihimo kay nakaila siya kanako?’ miingon si Jehova.

“Pagkaalaot, akong igsoong lalaki! Pagkaalaot, akong igsoong babaye!”

Sila dili magbangotan alang kaniya:

“Pagkaalaot, Oh agalon! Pagkaalaot sa iyang kahalangdon!”

21 Nakigsulti ko nimo sa panahon nga mibati kag kasegurohan.

Apan miingon ka, ‘Dili ko mosunod.’+

Ug ikaw maulawan tungod sa tanan nimong katalagman.

24 “‘Ingon nga ako buhi,’ miingon si Jehova, ‘bisan pag ikaw Conias*+ nga anak ni Jehoiakim,+ ang hari sa Juda, mao ang pangselyo nga singsing sa akong tuong kamot, tangtangon ka nako gikan niini! 25 Itugyan ka nako ngadto sa kamot niadtong nagtinguha sa imong kinabuhi, sa kamot niadtong imong gikahadlokan, sa kamot ni Haring Nabucodonosor* sa Babilonya, ug sa kamot sa mga Caldeanhon.+ 26 Ug ikaw ug ang imong inahan nga nanganak kanimo akong isalibay ngadto sa laing yuta nga dili ninyo natawhan, ug didto mo mamatay. 27 Ug dili na gyod sila mobalik sa yuta nga ilang gipangandoy.+

29 Oh yuta, yuta, yuta, paminaw sa pulong ni Jehova.

30 Kini ang giingon ni Jehova:

Sa paglingkod sa trono ni David ug sa pagmando pag-usab sa Juda.’”+

23 “Alaot ang mga magbalantay nga nagalaglag ug nagapatibulaag sa mga karnero sa akong sibsibanan!” miingon si Jehova.+

2 Busa kini ang giingon ni Jehova nga Diyos sa Israel batok sa mga magbalantay nga nagbantay sa akong katawhan: “Inyong gipatibulaag ang akong mga karnero; padayon ninyo silang giabog, ug wala ninyo sila hatagig pagtagad.”+

“Busa iliso nako ang akong pagtagad kaninyo tungod sa inyong daotang binuhatan,” miingon si Jehova.

3 “Unya tigomon nako ang nahibilin sa akong mga karnero gikan sa tanang kayutaan diin nako sila gipatibulaag,+ ug dad-on nako silag balik sa ilang sibsibanan,+ ug sila mosanay ug modaghan.+ 4 Ug magpatungha kog mga magbalantay nga magbantay gayod kanila.+ Sila dili na mahadlok o malisang, ug walay usa nga mawala,” miingon si Jehova.

5 “Tan-awa! Ang mga adlaw moabot,” miingon si Jehova, “dihang magpatungha ko alang kang David ug matarong nga turok.*+ Ug usa ka hari ang magmando+ ug magpakitag lawom nga pagsabot ug magpatunhay ug hustisya ug pagkamatarong diha sa yuta.+ 6 Sa iyang mga adlaw ang Juda maluwas,+ ug ang Israel magpuyo sa kasegurohan.+ Ug kini ang ngalan nga itawag kaniya: Si Jehova ang Atong Pagkamatarong.”+

7 “Apan ang mga adlaw moabot,” miingon si Jehova, “dihang sila dili na moingon, ‘Ingon nga si Jehova buhi, nga nagpagawas sa katawhan sa Israel gikan sa yuta sa Ehipto!’+ 8 kondili, ‘Ingon nga si Jehova buhi, nga nagpagawas ug nagdalag balik sa mga kaliwat sa panimalay ni Israel gikan sa yuta sa amihanan ug gikan sa tanang kayutaan diin gipatibulaag nako sila,’ ug sila mopuyo sa ilang kaugalingong yuta.”+

9 Bahin sa mga propeta:

Ang akong kasingkasing nadugmok.

Ang tanan nakong kabukogan nangurog.

Ang ilang binuhatan daotan, ug giabuso nila ang ilang gahom.

11 “Kay ang propeta ug ang saserdote nahugawan.*+

Bisan sa kaugalingon nakong balay, nakita nako ang ilang pagkadaotan,”+ miingon si Jehova.

13 “Ug nakita nako sa mga propeta sa Samaria+ kon unsay dulumtanan.

14 Ug sa mga propeta sa Jerusalem nakakita kog makalilisang nga mga butang.

15 Busa kini ang giingon ni Jehova sa mga panon batok sa mga propeta:

Kay gikan sa mga propeta sa Jerusalem ang apostasya mikaylap sa tibuok yuta.”

16 Kini ang giingon ni Jehova sa mga panon:

“Ayawg pamati sa mga pulong sa mga propeta nga nanagna kaninyo.+

Sila naglimbong kaninyo.*

Kinsa bay naghatag ug pagtagad sa iyang pulong aron makadungog niini?

Sa kaulahiang bahin sa mga adlaw, masabtan ninyo kini pag-ayo.

21 Wala nako ipadala ang mga propeta, apan sila nanagan.

Wala ko makigsulti kanila, apan sila nanagna.+

23 “Diyos lang ba ko sa duol,” miingon si Jehova, “ug dili Diyos sa layo?”

24 “May dapit bang katagoan si bisan kinsang tawo diin dili nako siya makita?”+ miingon si Jehova.

“Duna bay bisan unsa sa langit o sa yuta nga dili nako makita?”+ miingon si Jehova.

25 “Nadunggan nako ang mga propeta nga nanagna ug kabakakan sa akong ngalan, nga nag-ingon, ‘Nagdamgo ko! Nagdamgo ko!’+ 26 Hangtod kanus-a magpabilin sa kasingkasing sa mga propeta ang pagpanagna ug kabakakan? Sila maoy mga propeta nga nagsultig mga panglimbong gikan sa ilang kasingkasing.+ 27 Tuyo nila nga malimtan sa akong katawhan ang akong ngalan pinaagi sa mga damgo nga ilang giasoy sa usag usa, sama nga ang ilang mga amahan nakalimot sa akong ngalan tungod kang Baal.+ 28 Paasoya sa iyang damgo ang propeta nga nagdamgo, apan ang usa nga anaa kaniya ang akong pulong angayng mosulti nga matinud-anon sa akong pulong.”

“Managsama ba diay ang uhot* ug ang lugas?” miingon si Jehova.

29 “Dili ba ang akong pulong samag kalayo,”+ miingon si Jehova, “ug samag maso nga modugmok sa dakong bato?”+

30 “Busa ako batok sa mga propeta,” miingon si Jehova, “nga nagapangawat sa akong mga pulong gikan sa usag usa.”+

31 “Ako batok sa mga propeta,” miingon si Jehova, “niadtong nagagamit sa ilang dila sa pag-ingon, ‘Siya mipahayag!’”+

32 “Ako batok sa mga propeta nga nagdamgog bakak,” miingon si Jehova, “nga nag-asoy niini ug nagpahisalaag sa akong katawhan tungod sa ilang kabakakan ug pagpanghambog.”+

“Apan wala nako sila ipadala o sugoa. Busa dili gayod sila makahatag ug kaayohan niini nga katawhan,”+ miingon si Jehova.

33 “Ug dihang kini nga katawhan o ang usa ka propeta o saserdote mangutana kanimo, ‘Unsay palas-anon* ni Jehova?’ angay nimo silang tubagon, ‘“Kamo nga katawhan ang palas-anon! Ug isalikway mo nako,”+ miingon si Jehova.’ 34 Kon bahin sa propeta o saserdote o katawhan nga moingon, ‘Kini ang palas-anon* ni Jehova!’ iliso nako ang akong pagtagad nianang tawhana ug sa iyang panimalay. 35 Kini ang ginaingon sa matag usa kaninyo sa iyang isigkatawo ug sa iyang igsoon, ‘Unsay gitubag ni Jehova? Ug unsay gisulti ni Jehova?’ 36 Apan ayaw na ninyog hisgoti ang palas-anon* ni Jehova, kay ang palas-anon* mao ang kaugalingong pulong sa matag usa, ug inyong giusab ang mga pulong sa buhing Diyos, si Jehova sa mga panon, nga atong Diyos.

37 “Kini ang inyong isulti sa propeta, ‘Unsay gitubag ni Jehova kanimo? Ug unsay gisulti ni Jehova? 38 Ug kon padayon mong mosulti, “Ang palas-anon* ni Jehova!” kini ang giingon ni Jehova: “Tungod sa inyong pag-ingon, ‘Kining pulonga mao ang palas-anon* ni Jehova,’ human mo nako sultihi, ‘Dili mo moingon: “Ang palas-anon* ni Jehova!”’ 39 ania! alsahon mo nako ug isalibay gikan sa akong atubangan, kamo ug ang siyudad nga akong gihatag kaninyo ug sa inyong mga katigulangan. 40 Ug kamo akong ipaubos ug pakaulawan hangtod sa hangtod, ug kini dili gyod malimtan.”’”+

24 Unya gipakitaan ko ni Jehova ug duha ka bukag nga igos diha sa atubangan sa templo ni Jehova, human gidestiyero ni Haring Nabucodonosor* sa Babilonya si Jeconias*+ nga anak ni Jehoiakim,+ ang hari sa Juda, uban ang mga prinsipe sa Juda, ang mga artesano,* ug ang mga tigpanday ug metal;* iyang gidala sila gikan sa Jerusalem ngadto sa Babilonya.+ 2 Ang mga igos sa usa ka bukag maayo kaayo, sama sa unang hinog nga mga igos, apan ang mga igos sa usa pa ka bukag daot kaayo, daot kaayo nga dili na makaon.

3 Unya si Jehova nangutana kanako: “Unsay imong nakita, Jeremias?” Busa mitubag ko: “Mga igos; ang maayong mga igos maayo kaayo, apan ang daot nga mga igos daot kaayo, daot kaayo nga dili na makaon.”+

4 Unya nadawat nako ang mensahe ni Jehova, nga nag-ingon: 5 “Kini ang giingon ni Jehova nga Diyos sa Israel, ‘Sama niining maayong mga igos, pakitaan usab nakog kaayo ang mga destiyero sa Juda, nga akong gipapahawa gikan niining dapita ngadto sa yuta sa mga Caldeanhon. 6 Ang akong mata magtan-aw kanila alang sa ilang kaayohan, ug ipahinabo nako nga mobalik sila niining yutaa.+ Tukoron nako sila ug dili lumpagon; itanom nako sila ug dili lukahon.+ 7 Ug hatagan nako silag kasingkasing nga andam moila kanako, nga ako mao si Jehova.+ Sila mahimong akong katawhan, ug ako mahimong ilang Diyos,+ kay sila mobalik kanako sa bug-os nilang kasingkasing.+

8 “‘Apan bahin sa daot nga mga igos nga dili na makaon kay daot kaayo,+ kini ang giingon ni Jehova: “Ingon usab niana ang akong himoon kang Haring Zedekias+ sa Juda, sa iyang mga prinsipe, ug sa mga nahibilin sa Jerusalem nga ania niining yutaa ug nagpuyo sa yuta sa Ehipto.+ 9 Ipahinabo nako nga ang tanang gingharian sa yuta mangahadlok tungod sa katalagman nga akong ipahinabo kanila.+ Sila tamayon, biaybiayon,* yagayagaan, ug tunglohon+ sa tanang dapit diin nako sila patibulaagon.+ 10 Ug ipadala nako batok kanila ang espada,+ gutom, ug kamatay,*+ hangtod nga sila malaglag sa yuta nga akong gihatag kanila ug sa ilang mga katigulangan.”’”

25 Nadawat ni Jeremias ang mensahe bahin sa tanang katawhan sa Juda sa ikaupat nga tuig sa pagmando ni Jehoiakim+ nga anak ni Josias, ang hari sa Juda, nga mao ang unang tuig sa pagmando ni Haring Nabucodonosor* sa Babilonya. 2 Kini ang gisulti ni propetang Jeremias bahin* sa tanang katawhan sa Juda ug sa tanang molupyo sa Jerusalem:

3 “Sulod sa 23 ka tuig, sukad sa ika-13 nga tuig sa pagmando ni Josias+ nga anak ni Amon, ang hari sa Juda, hangtod niining adlawa, nakadawat kog mensahe ni Jehova, ug nakigsulti ko ninyo nga balikbalik,* apan dili mo mamati.+ 4 Ug gipadala ni Jehova nganha kaninyo nga balikbalik* ang tanan niyang alagad nga propeta, apan dili mo mamati o maghatag ug pagtagad.*+ 5 Sila moingon, ‘Palihog biyai ninyo ang inyong daotang mga dalan ug daotang binuhatan;+ unya padayon mong magpuyo sa taas nga panahon diha sa yuta nga gihatag ni Jehova kaninyo ug sa inyong mga katigulangan dugay na kanhi. 6 Ayawg sunod sa ubang mga diyos ug ayaw pag-alagad ug pagyukbo kanila, aron dili ko masuko kaninyo pinaagi sa buhat sa inyong mga kamot; kay kon dili ninyo kini tumanon, magpahamtang kog katalagman kaninyo.’

7 “‘Apan dili mo mamati kanako,’ miingon si Jehova. ‘Gipasuko hinuon ko ninyo pinaagi sa buhat sa inyong mga kamot, mao nga nagpahinabo kog katalagman kaninyo.’+

8 “Busa kini ang giingon ni Jehova sa mga panon, ‘“Kay dili mo motuman sa akong mga pulong, 9 akong ipatawag ang tanang banay sa amihanan,”+ miingon si Jehova, “nga ipatawag si Haring Nabucodonosor* sa Babilonya, nga akong alagad,+ ug dad-on nako sila batok niining yutaa+ ug sa mga molupyo niini ug batok niining tanang palibot nga mga nasod.+ Itugyan nako sila sa kalaglagan ug akong ipahinabo nga ang uban mahadlok tungod kanila ug sila tamayon* ug mahimong kagun-oban hangtod sa hangtod. 10 Hanawon nako kanila ang tingog sa pagsadya ug tingog sa paglipay,+ ang tingog sa pamanhonon ug ang tingog sa pangasaw-onon,+ ang tingog sa galingan nga demano ug ang kahayag sa lampara. 11 Ug kining tibuok yuta mahimong kagun-oban ug kahadlokan, ug kining mga nasora mag-alagad sa hari sa Babilonya sulod sa 70 ka tuig.”’+

12 “‘Apan inigkahuman sa 70 ka tuig,+ papanubagon* nako ang hari sa Babilonya ug ang maong nasod tungod sa ilang kasaypanan,’+ miingon si Jehova, ‘ug himoon nakong awaaw ang yuta sa mga Caldeanhon hangtod sa hangtod.+ 13 Ipadangat nako nianang yutaa ang tanan nakong gisulti batok niana, ang tanan nga nasulat niining basahona nga gitagna ni Jeremias batok sa tanang kanasoran. 14 Kay daghang nasod ug bantogang hari+ ang mag-ulipon kanila,+ ug panimaslan nako sila sumala sa ilang binuhatan ug sa buhat sa ilang mga kamot.’”+

15 Kay kini ang giingon kanako ni Jehova nga Diyos sa Israel: “Kuhaa kining kopa sa bino sa kasuko gikan sa akong kamot, ug ipainom kini sa tanang kanasoran nga akong paadtoan kanimo. 16 Ug sila manginom ug magparagparag ug molihok nga samag tawong buang tungod sa espada nga akong ipadala taliwala kanila.”+

17 Busa gikuha nako ang kopa gikan sa kamot ni Jehova ug gipainom kini sa tanang kanasoran nga gipaadtoan ni Jehova kanako:+ 18 una ang Jerusalem ug ang mga siyudad sa Juda,+ ang iyang mga hari ug mga prinsipe, aron himoon kining kagun-oban, kahadlokan, talamayon ug tinunglo,+ sama sa mahitabo niining adlawa; 19 dayon ang Paraon nga hari sa Ehipto ug ang iyang mga alagad, iyang mga prinsipe, ug tanan niyang katawhan,+ 20 ug ang tanang langyaw nga nasagol kanila; ang tanang hari sa yuta sa Uz; ang tanang hari sa yuta sa mga Filistehanon,+ Askelon,+ Gaza, Ekron, ug kadtong mga nahibilin sa Asdod; 21 ang Edom,+ Moab,+ ug ang mga Ammonhanon;+ 22 ang tanang hari sa Tiro, tanang hari sa Sidon,+ ug ang mga hari sa isla sa dagat; 23 ang Dedan,+ Tema, Buz, ug ang tanan kansang buhok sa tampihak gibalbasan;+ 24 ang tanang hari sa mga Arabiano+ ug ang tanang hari sa nasagol nga mga langyaw nga nagpuyo sa kamingawan; 25 ang tanang hari sa Zimri, ang tanang hari sa Elam,+ ug ang tanang hari sa mga Medianhon;+ 26 ug ang tanang hari sa amihanan sa duol ug sa layo, ug ang tanang uban pang gingharian sa yuta; ug ang hari sa Sesak*+ moinom sunod nila.

27 “Ug ingna sila, ‘Kini ang giingon ni Jehova sa mga panon, ang Diyos sa Israel: “Panginom mo ug paghubog hangtod magsukasuka mo ug mangatumba aron dili mo makabangon+ tungod sa espada nga akong ipadala sa inyong taliwala.”’ 28 Ug kon modumili sila sa pagkuha sa kopa gikan sa imong kamot aron moinom, ingna sila, ‘Kini ang giingon ni Jehova sa mga panon: “Kinahanglan ninyo kining imnon! 29 Kay tan-awa! kon magpahinabo kog katalagman, unya unahon nako ang siyudad nga nagdala sa akong ngalan,+ makalingkawas ba mo sa silot?”’+

“‘Dili mo makalingkawas sa silot, kay magpadala kog espada batok sa tanang molupyo sa yuta,’ miingon si Jehova sa mga panon.

Mongulob siyag kusog batok sa iyang puloy-anang dapit.

Siya mismo ang maghukom sa tanang tawo.*+

Ug iyang itugyan sa espada ang mga daotan,’ miingon si Jehova.

32 Kini ang giingon ni Jehova sa mga panon:

33 “‘Ug ang mga pinatay ni Jehova nianang adlawa maoy gikan sa usa ka tumoy sa yuta hangtod sa pikas tumoy. Walay magbangotan alang kanila, ug sila dili hiposon o ilubong. Mahisama silag kinalibang diha sa nawong sa yuta.’

34 Pagminatay, kamong mga magbalantay, ug pagtuaw!

26 Sa sinugdanan sa pagmando ni Jehoiakim+ nga anak ni Josias, ang hari sa Juda, kini nga mensahe nadawat gikan kang Jehova: 2 “Kini ang giingon ni Jehova, ‘Barog sa hawanan sa balay ni Jehova ug sulti bahin* sa tanang katawhan sa mga siyudad sa Juda nga nanganha aron mosimba* diha sa balay ni Jehova. Isulti kanila ang tanan nga akong isugo kanimo; ayawg kuhai bisag usa ka pulong. 3 Tingalig sila mamati ug ang matag usa mobiya sa iyang daotang dalan, ug bag-ohon nako ang akong hunahuna bahin sa* katalagman nga ipahamtang unta nako kanila tungod sa ilang daotang binuhatan.+ 4 Ingna sila: “Kini ang giingon ni Jehova, ‘Kon dili mo mamati kanako pinaagi sa pagsunod sa akong balaod* nga akong gihatag kaninyo, 5 ug pinaagi sa pagpamati sa mga pulong sa akong mga alagad nga propeta, nga akong gipadala kaninyo nga balikbalik,* nga wala ninyo pamatii,+ 6 nan kining balaya himoon nakong sama sa Shilo,+ ug kining siyudara himoon nakong tinunglo sa tanang nasod sa yuta.’”’”+

7 Ug ang mga saserdote ug ang mga propeta ug ang tanang katawhan nakadungog kang Jeremias nga nagsulti niining mga pulonga sa balay ni Jehova.+ 8 Busa humag sulti ni Jeremias sa tanang gisugo ni Jehova nga isulti ngadto sa tanang katawhan, siya gidakop sa mga saserdote ug sa mga propeta ug sa tanang katawhan ug sila miingon: “Angay kang patyon. 9 Nganong nanagna ka sa ngalan ni Jehova, nga nag-ingon, ‘Kining balaya mahisama sa Shilo, ug kining siyudara magun-ob ug wala na unyay mopuyo niini’?” Ug si Jeremias gitapok-an sa tanang katawhan diha sa balay ni Jehova.

10 Dihang nadunggan sa mga prinsipe sa Juda kining mga pulonga, sila mitungas gikan sa balay* sa hari ngadto sa balay ni Jehova ug milingkod sa entrada sa bag-ong ganghaan ni Jehova.+ 11 Ang mga saserdote ug mga propeta miingon sa mga prinsipe ug sa tanang katawhan: “Kining tawhana angayng hukmag kamatayon,+ kay siya nanagna batok niining siyudara sumala sa inyo mismong nadungog.”+

12 Unya si Jeremias miingon sa tanang prinsipe ug sa tanang katawhan: “Si Jehova ang nagpadala kanako aron itagna ang tanang pulong nga inyong nadungog batok niining balaya ug batok niining siyudara.+ 13 Busa karon, bag-oha ang inyong mga dalan ug binuhatan, ug sunda ang tingog ni Jehova nga inyong Diyos, ug bag-ohon ni Jehova ang iyang hunahuna bahin sa* katalagman nga iyang gisulti batok kaninyo.+ 14 Apan kon bahin kanako, ania ko sa inyong kamot. Buhata kanako bisan unsay maayo ug husto sa inyong mga mata. 15 Apan angay ninyong mahibaloan nga kon patyon ko ninyo, kamo mismo ug kining siyudara ug ang mga molupyo niini mahimong sad-an sa pagpatay ug inosenteng tawo, kay sa pagkatinuod gipadala ko ni Jehova aron isulti kaninyo kining tanan.”

16 Unya ang mga prinsipe ug ang tanang katawhan miingon sa mga saserdote ug mga propeta: “Kining tawhana dili angayng hukmag kamatayon, kay siya nagsulti kanato sa ngalan ni Jehova nga atong Diyos.”

17 Dugang pa, ang ubang mga ansiyano sa yuta mitindog ug miingon sa tibuok katawhan: 18 “Si Miqueas+ sa Moreset nanagna sa mga adlaw ni Haring Ezequias+ sa Juda, ug siya miingon sa tanang katawhan sa Juda, ‘Kini ang giingon ni Jehova sa mga panon:

19 “Gipatay ba siya ni Haring Ezequias sa Juda ug sa tibuok Juda? Dili ba nahadlok siya kang Jehova ug nagpakiluoy kang Jehova,* mao nga gibag-o ni Jehova ang iyang hunahuna bahin sa* katalagman nga iyang gisulti batok kanila?+ Busa kita mismo ang magdalag dakong katalagman sa atong kaugalingon.

20 “Ug dihay laing tawo nga nanagna sa ngalan ni Jehova, si Uriyas nga anak ni Semaias gikan sa Kiriat-jearim,+ nga mitagna batok niining siyudara ug batok niining yutaa sama sa mga pulong ni Jeremias. 21 Si Haring Jehoiakim+ ug ang tanan niyang banggiitang manggugubat ug ang tanang prinsipe nakadungog sa iyang mga pulong, ug ang hari nagtinguha sa pagpatay kaniya.+ Pagkadungog ni Uriyas niini, siya nahadlok ug mikalagiw dayon ngadto sa Ehipto. 22 Unya gipadala ni Haring Jehoiakim si Elnatan+ nga anak ni Akbor ug ang uban pang mga tawo ngadto sa Ehipto. 23 Gikuha nila si Uriyas sa Ehipto ug gidala siya kang Haring Jehoiakim, kinsa nagpatay kaniya pinaagig espada+ ug nagtambog sa iyang patayng lawas sa lubnganan sa ordinaryong mga tawo.”

24 Apan gitabangan ni Ahikam+ nga anak ni Sapan+ si Jeremias, mao nga wala siya itugyan ngadto sa katawhan aron patyon.+

27 Sa sinugdanan sa pagmando ni Jehoiakim nga anak ni Josias, ang hari sa Juda, kini nga mensahe nadawat ni Jeremias gikan kang Jehova: 2 “Kini ang giingon ni Jehova kanako, ‘Paghimog mga gapos ug mga yugo, ug ibutang kini sa imong liog. 3 Unya ipadala kini ngadto sa hari sa Edom,+ hari sa Moab,+ hari sa mga Ammonhanon,+ hari sa Tiro,+ ug sa hari sa Sidon+ pinaagi sa mga mensahero nga mianha sa Jerusalem kang Haring Zedekias sa Juda. 4 Ihatag kini nga sugo kanila alang sa ilang mga agalon:

“‘“Kini ang giingon ni Jehova sa mga panon, ang Diyos sa Israel; isulti kini sa inyong mga agalon, 5 ‘Ako ang nagbuhat sa yuta, sa mga tawo, ug sa mga mananap nga anaa sa nawong sa yuta pinaagi sa akong dakong gahom ug gamhanang bukton; ug gihatag nako kining tanan kang bisan kinsa nga akong giuyonan.*+ 6 Ug karon gihatag nako kining tanang kayutaan ngadto sa kamot sa akong alagad nga si Haring Nabucodonosor+ sa Babilonya; bisan ang ihalas nga mga mananap sa kapatagan akong gihatag aron moalagad kaniya. 7 Ang tanang nasod mag-alagad kaniya ug sa iyang anak ug sa iyang apo hangtod nga moabot ang panahon sa iyang kaugalingong yuta,+ dihang daghang nasod ug bantogang hari ang maghimo kaniya nga ilang ulipon.’+

8 “‘“‘Kon dunay bisan unsang nasod o gingharian nga dili moalagad kang Haring Nabucodonosor sa Babilonya ug dili magpasangon sa iyang liog sa yugo sa hari sa Babilonya, akong silotan kanang nasora pinaagig espada,+ gutom, ug kamatay,’* miingon si Jehova, ‘hangtod nga malaglag nako kana pinaagi sa iyang kamot.’

9 “‘“‘Busa ayawg pamati sa inyong mga propeta, mananag-an, magdadamgo, salamangkero, ug barangan, nga nag-ingon: “Dili mo mag-alagad sa hari sa Babilonya.” 10 Kay sila nanagna ug kabakakan kaninyo aron mapahilayo mo sa inyong yuta ug patibulaagon mo nako ug mangalaglag.

11 “‘“‘Apan ang nasod nga magpasangon sa iyang liog sa yugo sa hari sa Babilonya ug moalagad kaniya, tugotan nakong magpabilin* sa yuta niini,’ miingon si Jehova, ‘aron magtikad ug magpuyo niini.’”’”

12 Ingon niini usab ang akong gisulti kang Haring Zedekias+ sa Juda, nga nag-ingon: “Pasangoni ang inyong mga liog sa yugo sa hari sa Babilonya ug alagari ninyo siya ug ang iyang katawhan, ug magpabilin mong buhi.+ 13 Nganong ikaw ug ang imong katawhan mamatay man pinaagig espada,+ gutom,+ ug kamatay,+ sumala sa gisulti ni Jehova bahin sa nasod nga dili moalagad sa hari sa Babilonya? 14 Ayawg pamati sa mga pulong sa mga propeta nga nag-ingon kaninyo, ‘Dili mo mag-alagad sa hari sa Babilonya,’+ kay nanagna silag kabakakan kaninyo.+

15 “‘Kay wala nako sila ipadala,’ miingon si Jehova, ‘apan sila nanagna ug kabakakan sa akong ngalan, nga tungod niana patibulaagon mo nako ug mangalaglag mo, kamo ug ang mga propeta nga nanagna kaninyo.’”+

16 Ug miingon ko sa mga saserdote ug sa tanan niining katawhan: “Kini ang giingon ni Jehova, ‘Ayaw mog pamati sa mga pulong sa inyong mga propeta nga nanagna kaninyo: “Tan-awa! Hapit nang dad-on ug balik gikan sa Babilonya ang mga galamiton sa balay ni Jehova!”+ kay nanagna silag kabakakan kaninyo.+ 17 Ayawg pamati kanila. Alagari ang hari sa Babilonya ug magpabilin mong buhi.+ Nganong mahimo mang kagun-oban kining siyudara? 18 Apan kon mga propeta sila ug kon ang pulong ni Jehova anaa kanila, palihog pahangyoa sila kang Jehova sa mga panon nga ang nahibiling mga galamiton sa balay ni Jehova, sa balay* sa hari sa Juda, ug sa Jerusalem dili dad-on sa Babilonya.’

19 “Kay kini ang giingon ni Jehova sa mga panon bahin sa mga haligi,+ sa Dagatdagat,*+ sa mga kareton,+ ug sa nahibiling mga galamiton nga ania niini nga siyudad, 20 nga wala kuhaa ni Haring Nabucodonosor sa Babilonya dihang gidestiyero niya si Jeconias nga anak ni Jehoiakim, ang hari sa Juda, gikan sa Jerusalem ngadto sa Babilonya, uban sa tanang halangdon sa Juda ug Jerusalem;+ 21 oo, kini ang giingon ni Jehova sa mga panon, ang Diyos sa Israel, bahin sa mga galamiton nga nahibilin sa balay ni Jehova, sa balay* sa hari sa Juda, ug sa Jerusalem: 22 ‘“Dad-on kini ngadto sa Babilonya,+ ug magpabilin kini didto hangtod sa adlaw nga iliso nako ang akong pagtagad niini,” miingon si Jehova. “Unya dad-on nako kinig balik ug ipasig-uli niining dapita.”’”+

28 Sa mao gihapong tuig, sa sinugdanan sa pagmando ni Haring Zedekias+ sa Juda, sa ikalimang bulan sa ikaupat nga tuig, si propetang Hananias nga anak ni Azur nga gikan sa Gabaon+ miingon kanako diha sa balay ni Jehova atubangan sa mga saserdote ug sa tanang katawhan: 2 “Kini ang giingon ni Jehova sa mga panon, ang Diyos sa Israel, ‘Balion nako ang yugo sa hari sa Babilonya.+ 3 Sulod sa duha ka tuig,* ibalik nako niining dapita ang tanang galamiton sa balay ni Jehova nga gikuha ni Haring Nabucodonosor sa Babilonya gikan niining dapita ug gidala sa Babilonya.’”+ 4 “‘Ug dad-on nakog balik niining dapita si Jeconias+ nga anak ni Jehoiakim,+ ang hari sa Juda, ug ang tanang destiyero sa Juda nga gidala sa Babilonya,’+ miingon si Jehova, ‘kay balion nako ang yugo sa hari sa Babilonya.’”

5 Unya si propetang Jeremias nakigsulti kang propetang Hananias atubangan sa mga saserdote ug sa tanang katawhan nga nagtindog diha sa balay ni Jehova. 6 Si propetang Jeremias miingon: “Amen!* Hinaot buhaton kini ni Jehova! Hinaot tumanon ni Jehova ang imong gitagna ug dad-on niyag balik niining dapita ang mga galamiton sa balay ni Jehova ug ang tanang nadestiyero gikan sa Babilonya! 7 Apan palihog pamatia kining mensahe nga akong isulti kanimo ug sa tanang katawhan. 8 Dugay na kanhi, ang mga propeta nga nauna kanako ug nauna kanimo nagapanagna bahin sa gubat, katalagman, ug kamatay* diha sa daghang kayutaan ug gamhanang mga gingharian. 9 Kon ang usa ka propeta managna bahin sa pakigdait ug ang pulong sa maong propeta matuman, mailhan nga ang maong propeta gipadala gyod ni Jehova.”

10 Dayon gikuha ni propetang Hananias ang yugo sa liog ni propetang Jeremias ug gibali kini.+ 11 Unya si Hananias miingon atubangan sa tanang katawhan: “Kini ang giingon ni Jehova, ‘Sama niini, balion nako ang yugo ni Haring Nabucodonosor sa Babilonya gikan sa liog sa tanang kanasoran sulod sa duha ka tuig.’”+ Ug si propetang Jeremias milakaw.

12 Human balia ni propetang Hananias ang yugo gikan sa liog ni propetang Jeremias, nadawat ni Jeremias kini nga mensahe gikan kang Jehova: 13 “Lakaw ug ingna si Hananias, ‘Kini ang giingon ni Jehova: “Mga yugo nga kahoy ang imong gibali,+ apan pulihi kinig mga yugo nga puthaw.” 14 Kay kini ang giingon ni Jehova sa mga panon, ang Diyos sa Israel: “Sangonan nakog yugo nga puthaw ang liog niining tanang kanasoran, aron moalagad kang Haring Nabucodonosor sa Babilonya, ug sila angayng mag-alagad kaniya.+ Bisan ang ihalas nga mga mananap sa kapatagan akong ihatag kaniya.”’”+

15 Unya si propetang Jeremias miingon kang propetang Hananias:+ “Palihog pamati, Oh Hananias! Si Jehova wala magpadala kanimo, apan bakak ang imong gipasalig niini nga katawhan.+ 16 Busa kini ang giingon ni Jehova, ‘Tan-awa! Wagtangon ka nako sa nawong sa yuta. Niining tuiga ikaw mamatay, kay nag-aghat kag rebelyon batok kang Jehova.’”+

17 Busa si propetang Hananias namatay niadtong tuiga, sa ikapitong bulan.

29 Kini ang sulat nga gipadala ni propetang Jeremias gikan sa Jerusalem ngadto sa ubang mga ansiyano sa nadestiyerong katawhan, sa mga saserdote, sa mga propeta, ug sa tanang katawhan, nga gidestiyero ni Nabucodonosor sa Jerusalem ngadto sa Babilonya, 2 human idestiyero gikan sa Jerusalem si Haring Jeconias,+ ang inahan sa hari,*+ ang mga opisyal sa palasyo, ang mga prinsipe sa Juda ug sa Jerusalem, ug ang mga artesano* ug mga tigpanday ug metal.*+ 3 Gipadala niya ang sulat ngadto sa Babilonya pinaagi kang Elasa nga anak ni Sapan+ ug kang Gemarias nga anak ni Hilkias, kinsa gipaadto ni Haring Zedekias+ sa Juda ngadto kang Haring Nabucodonosor sa Babilonya. Kini nag-ingon:

4 “Kini ang giingon ni Jehova sa mga panon, ang Diyos sa Israel, ngadto sa tanang nadestiyerong katawhan, nga akong gipahinabo nga madestiyero gikan sa Jerusalem ngadto sa Babilonya, 5 ‘Pagtukod mog mga balay ug puy-i kini. Pananom mo ug kaona ang bunga niini. 6 Pangasawa mo ug pagbaton ug mga anak nga lalaki ug babaye; paminyoa ang inyong mga anak, lalaki man o babaye, aron makabaton usab silag mga anak nga lalaki ug babaye. Panaghan mo didto, ug ayawg tugoti nga mokunhod mo. 7 Ug tinguhaa ang kalinaw sa siyudad diin gidestiyero mo nako, ug iampo kini kang Jehova, kay sa kalinaw niini kamo makabaton ug kalinaw.+ 8 Kay kini ang giingon ni Jehova sa mga panon, ang Diyos sa Israel: “Ayawg palimbong sa inyong mga propeta ug mga mananag-an nga anaa sa inyong taliwala,+ ug ayawg pamati sa mga damgo nga ilang gidamgo. 9 Kay ‘sila nanagna kaninyo ug kabakakan pinaagi sa akong ngalan. Wala nako sila ipadala,’+ miingon si Jehova.”’”

10 “Kay kini ang giingon ni Jehova, ‘Pagkahuman sa 70 ka tuig diha sa Babilonya, iliso nako ang akong pagtagad nganha kaninyo,+ ug tumanon nako ang akong gisaad kaninyo pinaagi sa pagdala kaninyog balik niining dapita.’+

11 “‘Kay nahibalo ko pag-ayo kon unsay akong buhaton kaninyo,’ miingon si Jehova, ‘hatagan mo nakog kalinaw, ug dili katalagman,+ aron makabaton mog maayong kaugmaon ug paglaom.+ 12 Ug kamo motawag kanako ug moanhi ug moampo kanako, ug ako mamati kaninyo.’+

13 “‘Kamo mangita kanako ug makakaplag kanako,+ kay pangitaon ko ninyo sa bug-os ninyong kasingkasing.+ 14 Ug itugot nako nga makaplagan ko ninyo,’+ miingon si Jehova. ‘Tigomon nako ang inyong mga binihag ug tigomon mo nako gikan sa tanang kanasoran ug dapit diin gipatibulaag mo nako,’+ miingon si Jehova. ‘Ug dad-on mo nakog balik sa dapit nga gikan didto gipahinabo nakong madestiyero mo.’+

15 “Apan miingon mo, ‘Gitagan-an ta ni Jehova ug mga propeta sa Babilonya.’

16 “Kay kini ang giingon ni Jehova sa hari nga naglingkod sa trono ni David+ ug sa tanang katawhan nga nagpuyo niining siyudara, ang inyong mga igsoon nga wala madestiyero uban kaninyo, 17 ‘Kini ang giingon ni Jehova sa mga panon: “Ania, magpadala kog espada, gutom, ug kamatay* batok kanila+ ug himoon nako silang sama sa nadunot* nga mga igos nga dili na makaon kay daot kaayo.”’+

18 “‘Ug hampakon nako sila pinaagig espada,+ gutom, ug kamatay, ug ipahinabo nako nga ang tanang gingharian sa yuta+ mangahadlok tungod kanila. Sila tunglohon, kahibudngan, tamayon,*+ ug biaybiayon sa tanang nasod diin nako sila gipatibulaag,+ 19 kay wala sila mamati sa akong mga pulong nga gipadala nako ngadto kanila pinaagi sa akong mga alagad nga propeta,’ miingon si Jehova, ‘nga nagpadala kanila nga balikbalik.’*+

“‘Apan wala mo mamati,’+ miingon si Jehova.

20 “Busa pamati sa pulong ni Jehova, kamong tanang nadestiyero nga katawhan, nga akong gipapahawa gikan sa Jerusalem ngadto sa Babilonya. 21 Kini ang giingon ni Jehova sa mga panon, ang Diyos sa Israel, bahin kang Ahab nga anak ni Kolaias ug kang Zedekias nga anak ni Maaseias, nga nanagna kaninyo ug kabakakan pinaagi sa akong ngalan,+ ‘Ania, itugyan nako sila sa kamot ni Haring Nabucodonosor* sa Babilonya, ug patyon niya sila sa inyong atubangan. 22 Ug ang mahitabo kanila gamiton sa tanang destiyero sa Juda nga anaa sa Babilonya sa pagtunglo: “Hinaot himoon ka ni Jehova nga sama kang Zedekias ug Ahab, nga giasal sa kalayo sa hari sa Babilonya!” 23 kay makauulaw ang gihimo nila sa Israel,+ nga nanapaw sa mga asawa sa ilang mga isigkatawo ug nagsultig bakak pinaagi sa akong ngalan nga wala nako isugo kanila.+

“‘“Ako ang Usa nga nahibalo, ug saksi ko,”+ miingon si Jehova.’”

24 “Ug ingna si Semaias+ sa Nehelam, 25 ‘Kini ang giingon ni Jehova sa mga panon, ang Diyos sa Israel: “Kay nagpadala kag mga sulat pinaagi sa imong ngalan ngadto sa tanang katawhan nga anaa sa Jerusalem, kang Sofonias+ nga anak ni Maaseias, ang saserdote, ug sa tanang saserdote, nga nag-ingon, 26 ‘Gihimo ka ni Jehova nga saserdote puli kang Jehoiada nga saserdote aron mahimong tigdumala sa balay ni Jehova, nga magdumala sa bisan kinsang tawong buang nga milihok nga samag propeta ug magbutang kaniya sa sepohan* ug sa tangkol;*+ 27 busa nganong wala nimo badlonga si Jeremias nga taga-Anatot,+ nga milihok ingong propeta alang kaninyo?+ 28 Kay nagpadala pa gani siya kanamo niini nga mensahe sa Babilonya: “Magdugay pa kini! Pagtukod mog mga balay ug puy-i kini. Pananom mo ug kaona ang bunga niini,+—”’”’”

29 Dihang gibasa ni Sofonias+ nga saserdote kining sulata kang propetang Jeremias, 30 si Jeremias nakadawat ug mensahe gikan kang Jehova, nga nag-ingon: 31 “Ipadala kini nga mensahe ngadto sa tanang nadestiyero nga katawhan, ‘Kini ang giingon ni Jehova bahin kang Semaias sa Nehelam: “Kay si Semaias nanagna kaninyo, bisag wala nako siya ipadala, ug iya mong gipasaligan ug kabakakan,+ 32 kini ang giingon ni Jehova, ‘Ania, iliso nako ang akong pagtagad nganha kang Semaias sa Nehelam ug sa iyang mga kaliwat. Walay bisag usa sa iyang mga kaliwat taliwala niini nga katawhan ang maluwas, ug dili siya makakita sa maayo nga himoon nako alang sa akong katawhan,’ miingon si Jehova, ‘kay siya nag-aghat ug rebelyon batok kang Jehova.’”’”

30 Si Jeremias nakadawat ug mensahe gikan kang Jehova, nga nag-ingon: 2 “Kini ang giingon ni Jehova nga Diyos sa Israel, ‘Isulat sa usa ka basahon ang tanang pulong nga akong isulti kanimo. 3 Kay “tan-awa! ang mga adlaw moabot,” miingon si Jehova, “dihang tigomon nako ang akong katawhan nga nabihag, ang Israel ug Juda,”+ miingon si Jehova, “ug dad-on nako silag balik sa yuta nga akong gihatag sa ilang mga katigulangan, ug panag-iyahon nila kini pag-usab.”’”+

4 Kini ang mga pulong nga gisulti ni Jehova sa Israel ug Juda.

 5 Kini ang giingon ni Jehova:

 6 Pangutana, palihog, kon manganak ba ang usa ka lalaki.

Nganong ang matag nawong nangluspad?

 7 Pagkaalaot! Kay kanang adlawa makalilisang.*+

Apan siya maluwas gikan niana.”

8 “Ug nianang adlawa,” si Jehova sa mga panon miingon, “balion nako ang yugo gikan sa imong liog, ug bugtoon nako ang imong mga gapos; ug wala nay mga estranyo* nga maghimo kaniyang* ulipon. 9 Sila mag-alagad kang Jehova nga ilang Diyos ug kang David nga ilang hari, nga akong ihatag kanila.”+

11 “Kay ako magauban kanimo,” miingon si Jehova, “sa pagluwas kanimo.

12 Kay kini ang giingon ni Jehova:

“Dili na maulian ang imong pagkahugno.+

Ang imong samad dili na maalim.

Dili na ka maulian.

14 Ang tanang nahigugma pag-ayo kanimo nakalimot na kanimo.+

Wala na sila mangita nimo.

15 Nganong nagtuaw ka tungod sa imong pagkahugno?

Ang imong kasakit wala nay pagkaayo!

‘Ang Zion, nga walay nagapangita.’”+

18 Kini ang giingon ni Jehova:

19 Ug sila magpasalamat ug manghugyaw sa kalipay.+

Makiglabot ko sa mga nagdaogdaog kaniya.+

Paduolon nako siya, ug siya moduol kanako.”

“Kay kon dili, kinsay mangahas* sa pagduol kanako?” miingon si Jehova.

22 “Ug kamo mahimong akong katawhan,+ ug ako mahimong inyong Diyos.”+

Sa kaulahiang bahin sa mga adlaw, masabtan ninyo kini.+

31 “Nianang panahona,” miingon si Jehova, “ako mahimong Diyos sa tanang banay sa Israel, ug sila mahimong akong katawhan.”+

 2 Kini ang giingon ni Jehova:

 3 Gikan sa layo si Jehova nagpakita kanako ug miingon:

“Ang akong gugma kanimo maoy hangtod sa hangtod.

Tungod sa akong maunongong gugma, ikaw akong gikabig nganhi kanako.*+

 4 Apan tukoron ka nako pag-usab ug ikaw matukod pag-usab.+

Oh ulay* sa Israel, kuhaon nimo pag-usab ang imong mga tamborin

Ug mosayaw ka nga masadyaon.*+

 6 Kay ang adlaw moabot dihang ang mga magbalantay sa kabukiran sa Epraim maninggit:

‘Panindog mo, ug manungas kita sa Zion, ngadto kang Jehova nga atong Diyos.’”+

 7 Kay kini ang giingon ni Jehova:

“Singgit mo nga masadyaon kang Jacob.

Singgit sa kalipay kay nahimutang mo ibabaw sa kanasoran.+

 8 Dad-on nako silag balik gikan sa yuta sa amihanan.+

Tigomon nako sila gikan sa kinalay-ang mga bahin sa yuta.+

Sila mobalik dinhi ingong usa ka dakong kongregasyon.+

 9 Sila moabot nga maghilak.+

Tultolan nako sila samtang sila magpakiluoy.

Kay ako Amahan sa Israel, ug ang Epraim ang akong panganay.”+

“Ang Usa nga nagpatibulaag sa Israel magtigom kaniya.

Bantayan niya siya sama sa ginahimo sa magbalantay ngadto sa iyang kahayopan.+

Himoon nakong kasadya ang ilang pagbangotan.+

Hupayon nako sila ug lipayon nako sila puli sa ilang kaguol.+

15 “Kini ang giingon ni Jehova:

‘Dihay tingog nga nadungog sa Rama,+ pagminatay ug grabeng paghilak:

Si Raquel naghilak tungod sa iyang mga anak.*+

16 Kini ang giingon ni Jehova:

‘Sila mopauli gikan sa yuta sa kaaway.’+

17 ‘Ug dunay paglaom alang sa imong kaugmaon,’+ miingon si Jehova.

‘Ang mga anak mopauli sa ilang kaugalingong teritoryo.’”+

20 “Dili ba si Epraim bililhong anak alang kanako, usa ka pinangga nga bata?+

Kay sa matag higayon nga mosulti ko batok kaniya, mahinumdoman gihapon nako siya.

Mao nga natandog ang akong pagbati* alang kaniya.+

Ug kaluy-an gyod nako siya,” miingon si Jehova.+

Tagda pag-ayo ang dakong dalan, ang dalan nga imong adtoan.+

Balik, Oh ulay sa Israel, balik niining imong mga siyudad.

22 Hangtod kanus-a ka maglatagaw, Oh dili matinumanong anak nga babaye?

Kay dunay bag-ong gibuhat si Jehova sa yuta:

Ang usa ka babaye mangita pag-ayo ug lalaki.”

23 Kini ang giingon ni Jehova sa mga panon, ang Diyos sa Israel: “Isulti nila pag-usab kining mga pulonga sa yuta sa Juda ug sa mga siyudad niini, dihang tigomon nakog balik ang mga nabihag kanila: ‘Hinaot panalanginan mo ni Jehova, Oh matarong nga puloy-anang dapit,+ Oh balaang bukid.’+ 24 Ug dinhi, ang Juda ug ang tanang siyudad niini magkauban ug puyo, ang mga mag-uuma ug ang mga magbalantay sa kahayopan.+ 25 Kay akong tagbawon ang usa nga gikapoy ug busgon ang matag usa nga naluya sa kagutom.”+

26 Unya nakamata ko ug mitan-aw sa palibot, ug maayo kaayo ang akong pagkatulog.

27 “Tan-awa! Ang mga adlaw moabot,” miingon si Jehova, “dihang ang panimalay ni Israel ug ang panimalay ni Juda pugsan nakog binhi* sa tawo ug binhi sa binuhing hayop.”+

28 “Ug sama nga gibantayan nako sila aron lukahon, pukanon, lumpagon, laglagon, ug himoag kadaot,+ bantayan usab nako sila aron tukoron ug itanom,”+ miingon si Jehova. 29 “Nianang mga adlawa dili na sila moingon, ‘Ang mga amahan mikaon ug aslom nga mga ubas, apan ang ngipon sa mga anak ang mingilo.’*+ 30 Hinuon, ang matag usa mamatay tungod sa iyang kaugalingong kasaypanan. Bisan kinsa nga mokaon ug aslom nga mga ubas, ang iya mismong ngipon ang mongilo.”

31 “Tan-awa! Ang mga adlaw moabot,” miingon si Jehova, “dihang maghimo kog bag-ong pakigsaad uban sa panimalay ni Israel ug panimalay ni Juda.+ 32 Dili kini sama sa pakigsaad nga akong gihimo uban sa ilang mga katigulangan sa adlaw nga gigunitan nako ang ilang kamot aron giyahan sila pagawas sa yuta sa Ehipto,+ ‘ang akong pakigsaad nga ilang gilapas,+ bisan tuod ako ang ilang tinuod nga agalon,’* miingon si Jehova.”

33 “Kay kini ang pakigsaad nga akong himoon uban sa panimalay ni Israel human niadtong mga adlawa,” miingon si Jehova. “Ibutang nako ang akong balaod sa sulod nila,+ ug isulat nako kini sa ilang kasingkasing.+ Ug ako mahimong ilang Diyos, ug sila mahimong akong katawhan.”+

34 “Ug dili na nila tudloan ang ilang isigkatawo ug ang ilang igsoon, nga mag-ingon, ‘Ilha ninyo si Jehova!’+ kay silang tanan makaila na kanako, gikan sa labing ubos ngadto sa labing taas kanila,”+ miingon si Jehova. “Kay pasayloon nako ang ilang kasaypanan, ug dili na nako hinumdoman ang ilang sala.”+

37 Kini ang giingon ni Jehova: “‘Sama nga ang kalangitan dili masukod ug ang mga pundasyon sa yuta dili masuhid, dili usab nako mahimong isalikway ang tanang kaliwat sa Israel tungod sa tanan nilang gibuhat,’ miingon si Jehova.”+

38 “Tan-awa! Ang mga adlaw moabot,” miingon si Jehova, “dihang ang siyudad tukoron+ alang kang Jehova gikan sa Torre ni Hananel+ ngadto sa Ganghaan sa Eskina.+ 39 Ug ang pisi nga pangsukod+ molahos sa bungtod sa Gareb, ug kini moliko paingon sa Goa. 40 Ug ang tibuok walog* sa mga patayng lawas ug sa mga abo* ug ang tanang hinagdang uma hangtod sa Walog sa Kidron,+ hangtod sa eskina sa Ganghaan sa Kabayo+ pasidlakan, mahimong balaan alang kang Jehova.+ Dili na gayod kini lukahon o lumpagon.”

32 Si Jeremias nakadawat ug mensahe gikan kang Jehova sa ika-10 nga tuig sa pagmando ni Haring Zedekias sa Juda, nga mao, ang ika-18 nga tuig sa pagmando ni Nabucodonosor.*+ 2 Niadtong panahona ang kasundalohan sa hari sa Babilonya naglikos sa Jerusalem, ug si propetang Jeremias gibilanggo diha sa Hawanan sa Guwardiya+ sa balay* sa hari sa Juda. 3 Kay gibilanggo siya ni Haring Zedekias sa Juda,+ nga nag-ingon, “Nganong nanagna ka ug ingon niini? Miingon ka, ‘Kini ang giingon ni Jehova: “Itugyan nako kining siyudara ngadto sa kamot sa hari sa Babilonya, ug iya kining bihagon,+ 4 ug si Haring Zedekias dili makaikyas sa mga Caldeanhon, kay siya itugyan gayod ngadto sa kamot sa hari sa Babilonya, ug siya makigsulti ug makig-atubang kaniya.”’+ 5 ‘Iyang dad-on si Zedekias sa Babilonya, ug siya magpabilin didto hangtod iliso nako ang akong pagtagad kaniya,’ miingon si Jehova. ‘Bisag padayon mong makiggubat sa mga Caldeanhon, kamo dili makadaog.’”+

6 Si Jeremias miingon: “Nadawat nako ang mensahe ni Jehova, nga nag-ingon, 7 ‘Si Hanamel nga anak ni Salum nga imong uyoan* moanha kanimo ug moingon: “Palita ang akong uma sa Anatot,+ kay ikaw ang unang may katungod sa paglukat niini.”’”+

8 Si Hanamel nga anak sa akong uyoan mianhi kanako, sumala sa giingon ni Jehova, sa Hawanan sa Guwardiya, ug miingon: “Palihog palita ang akong uma sa Anatot, sa yuta sa Benjamin, kay ikaw ang may katungod sa pagpanag-iya ug sa paglukat niini. Palita kini.” Busa nahibaloan nako nga kini maoy tungod sa giingon ni Jehova.

9 Busa gipalit nako kang Hanamel nga anak sa akong uyoan ang uma sa Anatot. Nagtimbang kog salapi+ alang kaniya, pito ka siklo* ug 10 ka pirasong plata. 10 Unya gihimoan nako kinig kasulatan+ ug giselyohan kini. Nagtawag kog mga saksi+ ug nagtimbang ug salapi diha sa timbangan. 11 Gikuha nako ang kasulatan sa pagpalit, ang usa nga giselyohan sumala sa sugo ug sa legal nga mga kinahanglanon, ingon man ang usa nga wala selyohi, 12 ug gihatag nako ang kasulatan sa pagpalit ngadto kang Baruk+ nga anak ni Nerias+ nga anak ni Maseias sa atubangan ni Hanamel nga anak sa akong uyoan, sa mga saksi nga mipirma sa kasulatan sa pagpalit, ug sa tanang Hudiyo nga naglingkod didto sa Hawanan sa Guwardiya.+

13 Unya gisugo nako si Baruk sa ilang atubangan, nga nag-ingon: 14 “Kini ang giingon ni Jehova sa mga panon, ang Diyos sa Israel, ‘Dad-a kini nga mga kasulatan, kining kasulatan sa pagpalit, ang giselyohan ug ang wala selyohi, ug ibutang kini sa sudlanan nga kulonon, aron matipigan kini sa taas nga panahon.’ 15 Kay kini ang giingon ni Jehova sa mga panon, ang Diyos sa Israel, ‘Ang mga balay ug mga uma ug mga ubasan niining yutaa pamaliton pag-usab.’”+

16 Unya miampo ko kang Jehova human mahatag ang kasulatan sa pagpalit ngadto kang Baruk nga anak ni Nerias, nga nag-ingon: 17 “Intawon, Oh Soberanong Ginoong Jehova! Gibuhat nimo ang kalangitan ug ang yuta pinaagi sa imong dakong gahom+ ug gamhanang bukton. Walay butang nga lisod kaayo alang kanimo, 18 ang Usa nga nagapakitag maunongong gugma sa linibo, apan nagtugot nga maagoman sa* mga anak ang resulta sa kasaypanan sa ilang mga amahan,+ ang matuod nga Diyos, ang Usa nga mahimayaon ug gamhanan, kansang ngalan maoy Jehova sa mga panon. 19 Dagko ang imong katuyoan* ug gamhanan ang imong mga buhat,+ ikaw kansang mga mata nagmatikod sa tanang dalan sa mga tawo,+ aron balosan ang matag usa sumala sa iyang mga dalan ug binuhatan.+ 20 Nagbuhat kag mga ilhanan ug mga milagro sa yuta sa Ehipto, nga nahibaloan gihapon hangtod niining adlawa, ug busa nabantog ang imong ngalan sa Israel ug sa katawhan,+ sama sa mahitabo niining adlawa. 21 Ug gipagawas nimo ang imong katawhang Israel sa yuta sa Ehipto, pinaagig mga ilhanan, mga milagro, kusgang kamot, gamhanang bukton, ug makalilisang nga mga buhat.+

22 “Sa ulahi, imong gihatag kanila kining yutaa nga imong gipanumpa nga ihatag sa ilang mga katigulangan,+ usa ka yuta nga abunda sa gatas ug dugos.+ 23 Ug sila misulod ug gipanag-iya kini, apan wala sila motuman sa imong tingog o mosubay sa imong balaod. Wala nila buhata ang tanan nga imong gisugo kanila, mao nga gitugot nimo nga mahitabo kanila kining tanang katalagman.+ 24 Tan-awa! Ang mga tawo nangabot ug naghimog mga bungdo aron bihagon ang siyudad,+ ug tungod sa espada,+ gutom, ug kamatay,*+ ang siyudad mapukan gayod sa kamot sa mga Caldeanhon nga nakig-away niini; ang tanan nimong giingon nahitabo, sama sa imong nakita karon. 25 Apan miingon ka kanako, Oh Soberanong Ginoong Jehova, ‘Palita ang uma ug pagtawag ug mga saksi,’ bisan pag ang siyudad igatugyan gayod sa kamot sa mga Caldeanhon.”

26 Unya si Jeremias nakadawat ug mensahe gikan kang Jehova, nga nag-ingon: 27 “Ako si Jehova, ang Diyos sa tanang katawhan.* Duna bay butang nga lisod kaayo alang kanako? 28 Busa kini ang giingon ni Jehova, ‘Ania, itugyan nako kining siyudara sa kamot sa mga Caldeanhon ug sa kamot ni Haring Nabucodonosor* sa Babilonya, ug bihagon niya kini.+ 29 Ug ang mga Caldeanhon nga nagapakig-away niining siyudara moanhi, ug ilang daoban kining siyudara ug ugdawon kini+ lakip ang mga balay diin sa mga atop niini ang katawhan nagahalad kang Baal ug nagbubo ug mga halad nga ilimnon alang sa laing mga diyos sa pagpasuko kanako.’+

30 “‘Kay ang katawhan sa Israel ug Juda nagbuhat lang sa kon unsay daotan sa akong mga mata, sukad sa ilang pagkabatan-on;+ kay ang katawhan sa Israel padayong nagpasuko kanako pinaagi sa buhat sa ilang mga kamot,’ miingon si Jehova. 31 ‘Kay kining siyudara, sukad sa adlaw nga gitukod nila kini hangtod niining adlawa, wala nay laing gihimo gawas sa pagpasuko ug pagpapungot kanako,+ mao nga angay kining wagtangon gikan sa akong atubangan,+ 32 tungod sa tanang daotan nga gihimo sa katawhan sa Israel ug Juda sa pagpasuko kanako​—⁠sila, ang ilang mga hari,+ ilang mga prinsipe,+ ilang mga saserdote, ilang mga propeta,+ ug ang mga tawo sa Juda ug mga molupyo sa Jerusalem. 33 Ug sila padayong mitalikod kanako imbes moatubang;+ bisag gitudloan nako sila nga balikbalik,* walay usa kanila nga namati aron madisiplina.+ 34 Ug gipamutang nila ang ilang makaluod nga mga idolo diha sa balay nga nagdala sa akong ngalan, aron hugawan kini.+ 35 Dugang pa, sila naghimog tag-as nga dapit ni Baal sa Walog sa Anak ni Hinnom,*+ aron sunogon* sa kalayo ang ilang mga anak nga lalaki ug babaye alang kang Molek,+ butang nga wala nako isugo kanila.+ Ug wala gyod mosantop sa akong hunahuna* nga mobuhat nianang dulumtanang butang, ug tungod niana, ang Juda nakasala.’

36 “Busa kini ang giingon ni Jehova nga Diyos sa Israel bahin niining siyudara nga giingon ninyong itugyan ngadto sa kamot sa hari sa Babilonya pinaagig espada, gutom, ug kamatay, 37 ‘Ania, tigomon nako sila gikan sa tanang kayutaan diin nako sila gipatibulaag tungod sa akong kasuko ug kapungot ug dakong kasuko,+ ug dad-on nako silag balik niining dapita ug papuy-on sila nga may kasegurohan.+ 38 Ug sila mahimong akong katawhan, ug ako mahimong ilang Diyos.+ 39 Ug hatagan nako silag usa ka kasingkasing+ ug usa ka dalan aron kanunay silang mahadlok kanako, alang sa ilang kaayohan ug sa kaayohan sa ilang mga anak.+ 40 Ug maghimo kog walay kataposang pakigsaad uban kanila,+ nga dili ko mohunong sa pagbuhat ug maayo kanila;+ ug ibutang nako sa ilang kasingkasing ang pagkahadlok kanako, aron dili sila motalikod kanako.+ 41 Ug malipay ko sa pagbuhat ug maayo kanila,+ ug lig-on nako silang itanom niining yutaa,+ sa bug-os nakong kasingkasing ug sa bug-os nakong kalag.’”*

42 “Kay kini ang giingon ni Jehova, ‘Sama nga akong gipahinabo niini nga katawhan kining tanang dagkong katalagman, ipahinabo usab nako kanila ang tanang maayong butang* nga akong gisaad kanila.+ 43 Ug ang mga uma niining yutaa pamaliton pag-usab,+ bisag miingon mo: “Kini nga yuta umaw ug walay tawo ug mananap, ug gitugyan na kini sa kamot sa mga Caldeanhon.”’

44 “‘Ang mga uma pamaliton, ang mga kasulatan sa pagpalit himoon ug selyohan, ang mga saksi tawgon sa yuta sa Benjamin,+ sa mga dapit sa palibot sa Jerusalem, sa mga siyudad sa Juda,+ sa mga siyudad sa kabukiran, sa mga siyudad sa kapatagan,+ ug sa mga siyudad sa habagatan, kay dad-on nakog balik ang mga nabihag kanila,’+ miingon si Jehova.”

33 Sa ikaduhang higayon, si Jeremias nakadawat ug mensahe gikan kang Jehova samtang siya nabilanggo pa sa Hawanan sa Guwardiya,+ nga nag-ingon: 2 “Kini ang giingon ni Jehova nga Magbubuhat sa yuta, si Jehova nga nag-umol niini ug lig-ong nagtukod niini; Jehova ang iyang ngalan, 3 ‘Tawag kanako, ug motubag ko kanimo ug andam kong mosulti kanimo sa dagko ug dili masabtan nga mga butang nga wala nimo mahibaloi.’”+

4 “Kay kini ang giingon ni Jehova nga Diyos sa Israel bahin sa mga balay niini nga siyudad ug sa mga balay sa mga hari sa Juda nga gitumpag aron makadepensa batok sa mga bungdo ug espada sa kaaway,+ 5 ug bahin niadtong nakig-away sa mga Caldeanhon ug bahin sa mga dapit nga gipuno sa mga patayng lawas sa mga tawo nga akong gipatay tungod sa akong kasuko ug kapungot ug kinsa daotan kaayo mao nga akong gisalikway kining siyudara: 6 ‘Ania, akong ipasig-uli ang iyang maayong panglawas ug kahimsog,+ ug ayohon nako sila ug hatagan ug dagayang pakigdait ug kamatuoran.+ 7 Ug dad-on nakog balik ang mga nabihag sa Juda ug Israel,+ ug tukoron nako sila sama sa akong gihimo sa sinugdan.+ 8 Ug lunsayon nako sila gikan sa ilang pagkasad-an tungod sa tanan nilang sala kanako,+ ug pasayloon nako sila sa ilang pagkasad-an tungod sa tanan nilang sala ug kalapasan kanako.+ 9 Ug ang iyang ngalan makahatag kanakog kalipay, kadayeganan, ug kahimayaan atubangan sa tanang nasod sa yuta nga makadungog sa tanang pagkamaayo nga akong gihatag kanila.+ Ug sila malisang ug mangurog+ tungod sa tanang pagkamaayo ug pakigdait nga akong ihatag kaniya.’”+

10 “Kini ang giingon ni Jehova: ‘Niining dapita nga moingon mo nga umaw ug walay tawo o kahayopan, diha sa mga siyudad sa Juda ug sa kadalanan sa Jerusalem nga awaaw ug walay tawo o molupyo o kahayopan, madungog pag-usab 11 ang tingog sa kasadya ug ang tingog sa kalipay,+ ang tingog sa pamanhonon ug ang tingog sa pangasaw-onon, ang tingog niadtong nagaingon: “Magpasalamat kamo kang Jehova sa mga panon, kay si Jehova maayo;+ ang iyang maunongong gugma molungtad hangtod sa hangtod!”’+

“‘Sila magdalag mga halad sa pagpasalamat ngadto sa balay ni Jehova,+ kay dad-on nakog balik ang mga nabihag sa yuta, sama sa sinugdan,’ miingon si Jehova.”

12 “Kini ang giingon ni Jehova sa mga panon: ‘Niining dapita nga umaw ug walay tawo o kahayopan ug sa tanang siyudad niini, anaa na usab unyay mga sibsibanan diin makapahulay ang kahayopan sa mga magbalantay.’+

13 “‘Sa mga siyudad sa kabukiran, sa mga siyudad sa kapatagan, sa mga siyudad sa habagatan, sa yuta sa Benjamin, sa mga dapit sa palibot sa Jerusalem,+ ug sa mga siyudad sa Juda,+ may mga kahayopan na usab nga moagi ilalom sa mga kamot sa usa nga nag-ihap kanila,’ miingon si Jehova.”

14 “‘Tan-awa! Ang mga adlaw moabot,’ miingon si Jehova, ‘dihang tumanon nako ang akong maayong saad bahin sa panimalay ni Israel ug sa panimalay ni Juda.+ 15 Nianang mga adlawa ug nianang panahona, magpaturok ko alang kang David ug matarong nga turok,*+ ug siya magpahamtang ug hustisya ug pagkamatarong diha sa yuta.+ 16 Nianang mga adlawa, ang Juda maluwas+ ug ang Jerusalem magpuyo sa kasegurohan.+ Ug kini ang itawag kaniya: Si Jehova ang Atong Pagkamatarong.’”+

17 “Kay kini ang giingon ni Jehova: ‘Kanunay nga dunay kaliwat ni David nga maglingkod sa trono sa panimalay ni Israel,+ 18 ug dili gayod mahitabo nga walay Levihanong mga saserdote nga mobarog sa akong atubangan aron magtanyag ug mga tibuok halad nga sinunog, magsunog ug mga halad nga lugas, ug magtanyag ug mga halad.’”

19 Ug si Jeremias nakadawat pag-usab ug mensahe gikan kang Jehova, nga nag-ingon: 20 “Kini ang giingon ni Jehova, ‘Kon mabungkag ninyo ang akong pakigsaad labot sa adlaw ug ang akong pakigsaad labot sa gabii, aron pugngan ang pagtungha sa adlaw ug sa gabii sa hustong panahon niini,+ 21 nianang panahona lang nga mabungkag ang akong pakigsaad kang David nga akong alagad,+ ug dili siya makabaton ug anak nga magmando ingong hari sa iyang trono,+ ingon man usab ang akong pakigsaad uban sa Levihanong mga saserdote, nga akong mga alagad.+ 22 Sama nga ang panon sa kalangitan dili maihap ug ang mga balas sa dagat dili masukod, padaghanon usab nako ang kaliwat* ni David nga akong alagad ug ang mga Levihanon nga nag-alagad kanako.’”

23 Ug si Jeremias nakadawat pag-usab ug mensahe gikan kang Jehova, nga nag-ingon: 24 “Wala ba nimo mamatikdi ang ginasulti niini nga katawhan, ‘Isalikway ni Jehova ang duha ka banay nga iyang gipili’? Ug wala nila tahora ang akong katawhan, ug wala na nila isipa sila ingong usa ka nasod.

25 “Kini ang giingon ni Jehova: ‘Sama gayod nga gipalig-on nako ang akong pakigsaad labot sa adlaw ug sa gabii,+ ang mga balaod* sa langit ug sa yuta,+ 26 dili gayod nako isalikway ang kaliwat* ni Jacob ug ni David nga akong alagad, ug magpili kog mga magmamando gikan sa iyang kaliwat* nga magmando sa mga kaliwat* ni Abraham, Isaac, ug Jacob. Kay tigomon nakog balik ang mga nabihag kanila+ ug kaluy-an nako sila.’”+

34 Kini ang mensahe nga nadawat ni Jeremias gikan kang Jehova, dihang si Haring Nabucodonosor* sa Babilonya ug ang tibuok niyang kasundalohan ug ang tanang gingharian sa yuta nga sakop niya ug ang tanang katawhan nakig-away sa Jerusalem ug sa tanang siyudad niini:+

2 “Kini ang giingon ni Jehova nga Diyos sa Israel, ‘Lakaw ug ingna si Haring Zedekias+ sa Juda: “Kini ang giingon ni Jehova, ‘Ania, itugyan nako kining siyudara ngadto sa kamot sa hari sa Babilonya, ug iya kining sunogon.+ 3 Ug dili ka makaikyas sa iyang kamot. Madakpan ka gayod ug itugyan ngadto kaniya.+ Ug makig-atubang ka sa hari sa Babilonya, ug siya makigsulti kanimo, ug ikaw dad-on sa Babilonya.’+ 4 Apan paminaw sa pulong ni Jehova, Oh Haring Zedekias sa Juda, ‘Kini ang giingon ni Jehova bahin kanimo: “Dili ka mamatay pinaagig espada. 5 Mamatay ka nga malinawon,+ ug sila maghimog seremonyas sa pagsunog ug insenso alang kanimo sama sa ilang gihimo alang sa imong mga amahan, ang kanhing mga hari nga nauna kanimo, ug sila magbangotan alang kanimo, ‘Pagkamakaluluoy sa among hari!’ kay ‘ako ang misulti niini,’ miingon si Jehova.”’”’”

6 Unya gisulti ni propetang Jeremias kining tanan ngadto kang Haring Zedekias sa Juda didto sa Jerusalem, 7 dihang ang kasundalohan sa hari sa Babilonya nakig-away sa Jerusalem ug sa tanang siyudad sa Juda nga nahibilin,+ batok sa Lakis+ ug sa Azeka;+ kay sa mga siyudad sa Juda, kini na lang ang nahibiling pinarilang mga siyudad.

8 Si Jeremias nakadawat ug mensahe gikan kang Jehova human maghimo si Haring Zedekias ug pakigsaad uban sa tanang katawhan sa Jerusalem sa pagpahigawas ug mga ulipon.+ 9 Angayng ipahigawas sa matag usa ang iyang Hebreohanong mga ulipon, lalaki ug babaye, aron walay usa nga padayong mag-ulipon sa iyang isigka-Hudiyo. 10 Busa ang tanang prinsipe ug ang tanang katawhan mituman. Miuyon sila sa pakigsaad nga ang matag usa magpahigawas sa iyang mga ulipong lalaki ug babaye ug nga sila dili na maghimo kanilang ulipon. Sila mituman ug nagpahigawas kanila. 11 Apan sa ulahi gipabalik nila ang mga ulipong lalaki ug babaye nga ilang gipahigawas, ug gipugos nila sila nga mahimong ulipon pag-usab. 12 Busa ang mensahe ni Jehova nadawat ni Jeremias gikan kang Jehova, nga nag-ingon:

13 “Kini ang giingon ni Jehova nga Diyos sa Israel, ‘Naghimo kog pakigsaad uban sa inyong mga katigulangan+ sa adlaw nga gipagawas nako sila sa yuta sa Ehipto, sa dapit diin sila naulipon,+ nga nag-ingon: 14 “Sa ikapitong tuig,* kinahanglang ipahigawas sa matag usa ang iyang Hebreohanong igsoon nga gibaligya kaniya ug nakasilbi kaniyag unom ka tuig; kinahanglan niya siyang ipahigawas.”+ Apan ang inyong mga katigulangan wala mamati o mosunod kanako. 15 Ug bag-o pa lang mong* nagbag-o ug nagbuhat kon unsay husto sa akong mga mata pinaagi sa pagpahigawas sa inyong isigkatawo, ug naghimo mog pakigsaad sa akong atubangan diha sa balay nga nagdala sa akong ngalan. 16 Apan mitalikod mo nako ug gipasipalahan ninyo ang akong ngalan+ pinaagi sa pagpabalik sa inyong mga ulipong lalaki ug babaye nga inyong gipahigawas, nga maoy ilang gitinguha, ug gipugos ninyo sila nga mahimong ulipon pag-usab.’

17 “Busa kini ang giingon ni Jehova: ‘Wala mo motuman kanako sa pagpahigawas sa inyong mga igsoon ug isigkatawo.+ Busa karon ipahigawas mo nako,’ miingon si Jehova, ‘ngadto sa espada, kamatay,* ug gutom,+ ug ipahinabo nako nga ang tanang gingharian sa yuta mangahadlok tungod kaninyo.+ 18 Ug kini ang mahitabo sa mga tawo nga milapas sa akong pakigsaad pinaagi sa dili pagtuman sa mga pulong sa pakigsaad nga ilang gihimo sa akong atubangan dihang gipikas nila ang nating baka ug miagi sa taliwala niini,+ 19 nga mao, ang mga prinsipe sa Juda, mga prinsipe sa Jerusalem, mga opisyal sa palasyo, mga saserdote, ug ang tanang katawhan sa yuta nga miagi sa taliwala sa napikas nga nating baka: 20 Itugyan nako sila sa kamot sa ilang mga kaaway ug niadtong mga nagtinguha sa ilang kinabuhi, ug ang ilang patayng lawas mahimong pagkaon sa mga langgam sa kalangitan ug sa mga mananap sa yuta.+ 21 Ug akong itugyan si Haring Zedekias sa Juda ug ang iyang mga prinsipe ngadto sa kamot sa ilang mga kaaway ug sa kamot niadtong mga nagtinguha sa ilang kinabuhi ug sa kamot sa kasundalohan sa hari sa Babilonya,+ nga miatras sa pag-atake kaninyo.’+

22 “‘Ania, ihatag nako ang mando,’ miingon si Jehova, ‘ug pabalikon nako sila niining siyudara, ug sila makig-away niini ug magbihag ug magsunog niini;+ ug ang mga siyudad sa Juda himoon nakong awaaw ug walay molupyo.’”+

35 Si Jeremias nakadawat ug mensahe gikan kang Jehova sa mga adlaw ni Jehoiakim+ nga anak ni Josias, ang hari sa Juda, nga nag-ingon: 2 “Adto sa balay sa mga Rekabita+ ug pakigsulti kanila ug dad-a sila sa balay ni Jehova, ngadto sa usa sa mga lawak-kan-anan;* unya daliti silag bino.”

3 Busa akong giuban si Jaazanias nga anak ni Jeremias nga anak ni Habazinias, ang iyang mga igsoon, ang tanan niyang anak, ug ang tibuok panimalay sa mga Rekabita 4 ngadto sa balay ni Jehova. Gidala nako sila sa lawak-kan-anan sa mga anak ni Hanan nga anak ni Igdalias, nga tawo sa matuod nga Diyos, nga didto tapad sa lawak-kan-anan sa mga prinsipe sa ibabaw sa lawak-kan-anan ni Maaseias nga anak ni Salum nga magbalantay sa pultahan. 5 Unya nagbutang kog mga kopa ug mga tagayan nga punog bino diha sa atubangan sa mga lalaki sa panimalay sa mga Rekabita ug giingnan sila: “Inom mog bino.”

6 Apan sila miingon: “Dili mi moinom ug bino, kay si Jehonadab*+ nga anak ni Rekab, ang among katigulangan, nagsugo kanamo, ‘Dili mo angayng moinom ug bino, kamo ug ang inyong mga anak. 7 Ug dili mo angayng magtukod ug balay, magpugas ug binhi, o magtanom o manag-iya ug ubasan. Hinuon, angay mong magpuyo kanunay sa mga tolda, aron mabuhi mo sa taas nga panahon sa yuta diin mo nagpuyo ingong mga langyaw.’ 8 Busa padayon namong gituman ang tanang gisugo kanamo ni Jehonadab nga anak ni Rekab nga among katigulangan, pinaagi sa dili gayod pag-inom ug bisan unsang bino​—⁠kami, ang among mga asawa, ug ang among mga anak nga lalaki ug babaye. 9 Ug wala mi magtukod ug mga balay nga among kapuy-an, ug wala usab miy mga ubasan o kaumahan o binhi. 10 Padayon ming nagpuyo sa mga tolda ug nagtuman sa tanang gisugo kanamo ni Jehonadab* nga among katigulangan. 11 Apan dihang si Haring Nabucodonosor* sa Babilonya misulong sa yuta,+ kami miingon, ‘Dali, mangadto ta sa Jerusalem aron moikyas sa kasundalohan sa mga Caldeanhon ug sa mga Siryanhon,’ ug karon kami nagpuyo sa Jerusalem.”

12 Ug nadawat ni Jeremias ang mensahe gikan kang Jehova, nga nag-ingon: 13 “Kini ang giingon ni Jehova sa mga panon, ang Diyos sa Israel, ‘Lakaw ug ingna ang mga tawo sa Juda ug ang mga molupyo sa Jerusalem: “Dili ba kanunay man mong giawhag nga sundon ang akong mga pulong?”+ miingon si Jehova. 14 “Gisugo ni Jehonadab nga anak ni Rekab ang iyang mga kaliwat nga dili sila moinom ug bino, ug gituman nila ang iyang mga pulong pinaagi sa dili pag-inom niini hangtod niining adlawa. Busa ilang gisunod ang mando sa ilang katigulangan.+ Apan nakigsulti ko kaninyo nga balikbalik,* pero wala ko ninyo tumana.+ 15 Ug padayon nakong gipadala kaninyo ang tanan nakong alagad nga propeta, nga nagpadala kanila nga balikbalik,*+ nga nag-ingon, ‘Palihog, biyai ninyo ang inyong daotang mga dalan,+ ug himoa kon unsay husto! Ayawg sunda ug alagari ang ubang mga diyos. Unya kamo magpadayon sa pagpuyo sa yuta nga akong gihatag kaninyo ug sa inyong mga katigulangan.’+ Apan wala mo maghatag ug pagtagad* o mamati kanako. 16 Gituman sa mga kaliwat ni Jehonadab nga anak ni Rekab ang mando nga gihatag sa ilang katigulangan kanila,+ apan kini nga katawhan wala mamati kanako.”’”

17 “Busa kini ang giingon ni Jehova, ang Diyos sa mga panon, ang Diyos sa Israel: ‘Ania, ipahinabo nako sa Juda ug sa tanang molupyo sa Jerusalem ang tanang katalagman nga akong gipasidaan kanila,+ kay nakigsulti ko kanila, apan wala gayod sila mamati, ug padayon kong nagtawag kanila, apan wala gayod sila motubag.’”+

18 Ug si Jeremias miingon sa panimalay sa mga Rekabita: “Kini ang giingon ni Jehova sa mga panon, ang Diyos sa Israel, ‘Kay inyong gisunod ang mando sa inyong katigulangan nga si Jehonadab ug padayon ninyong gituman ang tanan niyang mando, nga nagbuhat kon unsa gyoy iyang gimando kaninyo, 19 kini ang giingon ni Jehova sa mga panon, ang Diyos sa Israel: “Kanunay nga dunay kaliwat si Jehonadab* nga anak ni Rekab nga mag-alagad sa akong atubangan.”’”

36 Karon sa ikaupat nga tuig sa pagmando ni Jehoiakim+ nga anak ni Josias, ang hari sa Juda, si Jeremias nakadawat ug mensahe gikan kang Jehova, nga nag-ingon: 2 “Pagkuhag linukot nga basahon* ug isulat niini ang tanang pulong nga akong gisulti kanimo batok sa Israel ug sa Juda+ ug sa tanang nasod,+ sukad sa unang adlaw nga nakigsulti ko nimo sa panahon ni Josias hangtod niining adlawa.+ 3 Basin pag kon madunggan sa panimalay ni Juda ang tanang katalagman nga akong gihunahuna nga ipahamtang kanila, sila mobiya sa ilang daotang mga dalan, aron pasayloon nako ang ilang kasaypanan ug ang ilang sala.”+

4 Unya gitawag ni Jeremias si Baruk+ nga anak ni Nerias, ug gidiktar ni Jeremias ang tanang pulong nga gisulti ni Jehova kaniya, ug gisulat kini ni Baruk diha sa linukot nga basahon.*+ 5 Dayon gisugo ni Jeremias si Baruk: “Gidid-an ko sa pagsulod sa balay ni Jehova. 6 Busa ikaw ang mosulod, ug basahag kusog ang mga pulong ni Jehova gikan sa linukot nga basahon nga akong gidiktar aron imong isulat. Basaha kini ngadto sa katawhan sa balay ni Jehova sa adlaw sa pagpuasa; busa basahon nimo kini sa tanang katawhan sa Juda nga manganhi gikan sa ilang mga siyudad. 7 Tingalig sila moampo kang Jehova alang sa pabor ug ang matag usa kanila mobiya sa iyang daotang mga dalan, kay si Jehova miingon nga dako ang iyang kasuko ug kapungot niini nga katawhan.”

8 Busa gibuhat ni Baruk nga anak ni Nerias ang tanang gisugo kaniya ni propetang Jeremias. Iyang gibasag kusog didto sa balay ni Jehova ang mga pulong ni Jehova gikan sa linukot nga basahon.+

9 Karon sa ikasiyam nga bulan sa ikalimang tuig sa pagmando ni Jehoiakim+ nga anak ni Josias, ang hari sa Juda, ang tanang katawhan sa Jerusalem ug ang tanang katawhan nga nangadto sa Jerusalem gikan sa mga siyudad sa Juda nagmantalag pagpuasa sa atubangan ni Jehova.+ 10 Unya gibasag kusog ni Baruk sa balay ni Jehova ang mga pulong ni Jeremias gikan sa linukot nga basahon. Gibasa niya kini ngadto sa tanang katawhan didto sa lawak* ni Gemarias+ nga anak ni Sapan+ nga magkokopya,* sa ibabaw nga hawanan, sa entrada sa bag-ong ganghaan sa balay ni Jehova.+

11 Dihang nadunggan ni Micaias nga anak ni Gemarias nga anak ni Sapan ang tanang pulong ni Jehova gikan sa linukot nga basahon, 12 siya miadto sa balay* sa hari, ngadto sa lawak sa sekretaryo. Ang tanang prinsipe* naglingkod didto: si Elisama+ nga sekretaryo, si Delaias nga anak ni Semaias, si Elnatan+ nga anak ni Akbor,+ si Gemarias nga anak ni Sapan, si Zedekias nga anak ni Hananias, ug ang tanang ubang prinsipe. 13 Gisulti ni Micaias kanila ang tanang pulong nga gikan sa linukot nga basahon nga iyang nadungog dihang gibasa kini ni Baruk sa katawhan.

14 Unya gisugo sa tanang prinsipe si Jehudi nga anak ni Netanias nga anak ni Selemias nga anak ni Cusi nga adtoon si Baruk ug sultihan: “Dali ug dad-a ang linukot nga basahon nga imong gibasa sa katawhan.” Busa gidala ni Baruk nga anak ni Nerias ang linukot nga basahon ug miadto siya kanila. 15 Sila miingon kaniya: “Lingkod, palihog, ug basaha kinig kusog kanamo.” Busa gibasa kini ni Baruk kanila.

16 Karon pagkadungog gyod nila sa tanang pulong, nagtinan-away sila sa kalisang, ug sila miingon kang Baruk: “Kinahanglan gyod namong isulti kining tanan sa hari.” 17 Ug ilang gipangutana si Baruk: “Palihog, sultihi mi kon giunsa nimo pagsulat kining tanan? Gidiktar ba kini ni Jeremias kanimo?” 18 Si Baruk mitubag: “Gidiktar niya kining tanan kanako, ug gisulat nako kini niini nga linukot nga basahon pinaagig tinta.” 19 Ang mga prinsipe miingon kang Baruk: “Lakaw, panago mo ni Jeremias, ug ayawg ipahibalo kang bisan kinsa kon asa mo.”+

20 Unya gibutang nila ang linukot nga basahon didto sa lawak ni Elisama nga sekretaryo, ug sila miadto sa hari, ngadto sa hawanan, ug giingnan ang hari sa tanan nilang nadungog.

21 Busa gipakuha sa hari kang Jehudi+ ang linukot nga basahon, ug gikuha niya kini gikan sa lawak ni Elisama nga sekretaryo. Gibasa kini ni Jehudi ngadto sa hari ug sa tanang prinsipe nga nagtindog duol sa hari. 22 Ang hari naglingkod sa balay nga para sa tingtugnaw, sa ikasiyam nga bulan,* nga may nagdilaab nga bagahan sa iyang atubangan. 23 Human makabasa si Jehudi ug tulo o upat ka lindog,* ginaputol sa hari kanang bahina pinaagi sa kutsilyo sa sekretaryo ug ginaitsa kana sa nagdilaab nga kalayo sa bagahan, hangtod nga nahurot ug kasunog ang tibuok linukot nga basahon diha sa bagahan. 24 Ug wala sila mangalisang; wala usab gisia sa hari ug sa tanan niyang alagad nga nakadungog niining tanang pulong ang ilang mga besti. 25 Bisag nagpakiluoy sa hari si Elnatan,+ Delaias,+ ug Gemarias+ nga dili sunogon ang linukot nga basahon, wala siya mamati kanila. 26 Dugang pa, gisugo sa hari si Jerameel nga anak sa hari, si Seraias nga anak ni Azriel, ug si Selemias nga anak ni Abdeel nga dakpon si Baruk nga sekretaryo ug si Jeremias nga propeta, apan gitagoan sila ni Jehova.+

27 Ug nakadawat na usab si Jeremias ug mensahe gikan kang Jehova human sunoga sa hari ang linukot nga basahon nga naundan sa mga pulong nga gisulat ni Baruk sumala sa pagdiktar ni Jeremias,+ nga nag-ingon: 28 “Pagkuhag laing linukot nga basahon ug isulat niini ang tanang pulong nga nasulat sa unang linukot nga basahon, nga gisunog ni Jehoiakim nga hari sa Juda.+ 29 Ug isulti kini batok kang Haring Jehoiakim sa Juda, ‘Kini ang giingon ni Jehova: “Gisunog nimo kini nga linukot nga basahon ug miingon ka, ‘Nganong gisulat nimo kini dinhi: “Ang hari sa Babilonya moanhi gayod ug maglaglag niining yutaa ug hanawon niya ang mga tawo ug mananap nga anaa niini”?’+ 30 Busa kini ang giingon ni Jehova batok kang Haring Jehoiakim sa Juda, ‘Wala siyay kaliwat nga magpabiling maglingkod sa trono ni David,+ ug ang iyang patayng lawas pasagdang maladlad sa init sa adlaw ug sa tun-og sa gabii.+ 31 Siya ug ang iyang mga kaliwat* ug ang iyang mga alagad akong papanubagon sa ilang kasaypanan, ug ipahamtang nako kanila ug sa mga molupyo sa Jerusalem ug sa mga tawo sa Juda ang tanang katalagman nga akong gisulti batok kanila,+ apan wala sila mamati.’”’”+

32 Unya si Jeremias mikuhag laing linukot nga basahon ug gihatag kini kang Baruk nga anak ni Nerias, ang sekretaryo.+ Sumala sa pagdiktar ni Jeremias, gisulat niya ang tanang pulong sa linukot nga basahon nga gisunog ni Haring Jehoiakim sa Juda.+ Ug daghang pulong nga sama niadto ang gidugang.

37 Ug si Haring Zedekias+ nga anak ni Josias nagsugod sa pagmando puli kang Conias*+ nga anak ni Jehoiakim, kay gihimo siyang hari sa yuta sa Juda ni Haring Nabucodonosor* sa Babilonya.+ 2 Apan siya ug ang iyang mga alagad ug ang katawhan sa yuta wala mamati sa mga pulong ni Jehova pinaagi kang propetang Jeremias.

3 Ug gipaadto ni Haring Zedekias si Jehucal+ nga anak ni Selemias ug si Sofonias+ nga anak ni Maaseias nga saserdote ngadto kang propetang Jeremias, nga nag-ingon: “Palihog pag-ampo kang Jehova nga atong Diyos alang kanamo.” 4 Si Jeremias nagkinabuhing gawasnon uban sa katawhan, kay wala pa man nila siya bilanggoa.+ 5 Niadtong panahona ang mga Caldeanhon naglikos sa Jerusalem, apan miatras sila sa pag-atake sa Jerusalem+ dihang nabalitaan nila nga ang kasundalohan sa Paraon nagpaingon kanila gikan sa Ehipto.+ 6 Unya si propetang Jeremias nakadawat ug mensahe gikan kang Jehova, nga nag-ingon: 7 “Kini ang giingon ni Jehova nga Diyos sa Israel, ‘Kini ang inyong isulti sa hari sa Juda, nga nagpaanhi kaninyo aron magpakisayod kanako: “Tan-awa! Ang kasundalohan sa Paraon nga nagpaingon sa pagtabang kaninyo mamalik sa yuta niini, ang Ehipto.+ 8 Ug ang mga Caldeanhon mamalik ug makig-away niining siyudara ug bihagon ug sunogon kini.”+ 9 Kini ang giingon ni Jehova, “Ayawg limbongi ang inyong kaugalingon pinaagi sa pag-ingon, ‘Ang mga Caldeanhon dili na gayod mamalik,’ kay sila mamalik gayod. 10 Bisan pag mapildi ninyo ang tibuok kasundalohan sa mga Caldeanhon nga miatake kaninyo ug mga samdan na lang ang mahibilin kanila, mobangon gihapon sila sa ilang mga tolda ug sunogon kining siyudara.”’”+

11 Dihang nakaatras na ang kasundalohan sa mga Caldeanhon sa pag-atake sa Jerusalem tungod sa kasundalohan sa Paraon,+ 12 si Jeremias migikan sa Jerusalem ug mipaingon sa yuta sa Benjamin+ aron dawaton ang iyang bahin didto, taliwala sa iyang katawhan. 13 Apan pag-abot ni propetang Jeremias sa Ganghaan ni Benjamin, gidakop siya sa opisyal nga nagdumala sa mga guwardiya, nga ginganlag Irias nga anak ni Selemias nga anak ni Hananias, ug giingnan siya: “Miikyas ka aron modapig sa mga Caldeanhon!” 14 Apan si Jeremias miingon: “Dili kana tinuod! Wala ko modapig sa mga Caldeanhon.” Apan wala siya mamati kaniya. Busa gidala ni Irias si Jeremias ngadto sa mga prinsipe. 15 Ang mga prinsipe nasuko pag-ayo kang Jeremias,+ ug ila siyang gibun-og ug gibilanggo*+ sa balay ni Jehonatan nga sekretaryo, nga gihimo nang bilanggoan. 16 Si Jeremias gibalhog sa bilanggoan sulod sa daghang adlaw, sa usa ka selda ilalom sa yuta.

17 Unya gipakuha siya ni Haring Zedekias, ug sekreto siyang gisukitsukit sa hari didto sa iyang balay.*+ Siya nangutana: “Duna bay mensahe gikan kang Jehova?” Si Jeremias mitubag, “Duna!” ug siya mipadayon, “Ikaw itugyan ngadto sa kamot sa hari sa Babilonya!”+

18 Si Jeremias miingon usab kang Haring Zedekias: “Unsay akong sala kanimo ug sa imong mga alagad ug sa imong katawhan, nga inyo man kong gibilanggo? 19 Hain na man karon ang inyong mga propeta nga nanagna kaninyo, ‘Ang hari sa Babilonya dili moanhi batok kaninyo ug batok niining yutaa’?+ 20 Karon pamati, palihog, Oh akong ginoo nga hari. Hinaot nga imong ihatag ang akong hangyo alang sa pabor. Ayaw ko ipadalag balik sa balay ni Jehonatan+ nga sekretaryo, kay mamatay ko didto.”+ 21 Busa si Haring Zedekias mimando nga si Jeremias ibutang sa Hawanan sa Guwardiya,+ ug ginahatagan siya adlaw-adlaw ug lingin nga tinapay gikan sa dalan sa mga panadero+ hangtod nga nahurot ang tanang tinapay sa siyudad.+ Ug si Jeremias nagpabilin sa Hawanan sa Guwardiya.

38 Karon, nadunggan ni Sepatias nga anak ni Matan, ni Gedalias nga anak ni Pasur, ni Jucal+ nga anak ni Selemias, ug ni Pasur+ nga anak ni Malkias ang mga pulong nga gisulti ni Jeremias sa tanang katawhan, nga nag-ingon: 2 “Kini ang giingon ni Jehova, ‘Ang magpabilin niining siyudara mamatay sa espada, gutom, ug kamatay.*+ Apan ang mosurender* ngadto sa mga Caldeanhon magpabiling buhi ug mahuptan niya ang iyang kinabuhi ingong inagaw* ug mabuhi.’+ 3 Kini ang giingon ni Jehova, ‘Kining siyudara itugyan gayod ngadto sa kamot sa kasundalohan sa hari sa Babilonya, ug iya kining bihagon.’”+

4 Ang mga prinsipe miingon sa hari: “Palihog ipapatay kining tawhana,+ kay pinaagi sa iyang gisulti iyang gipaluya ang buot* sa kasundalohan nga nahibilin niining siyudara, ingon man sa tanang katawhan. Kay kining tawhana nagtinguha, dili sa kalinaw niini nga katawhan, kondili sa ilang katalagman.” 5 Si Haring Zedekias mitubag: “Tan-awa! Siya anaa sa inyong mga kamot, kay walay mahimo ang hari sa pagpugong kaninyo.”

6 Busa ilang gikuha si Jeremias ug gihulog siya sa gahong nga pondohanag tubig ni Malkias nga anak sa hari, nga didto sa Hawanan sa Guwardiya.+ Gitunton nila si Jeremias pinaagig pisi. Ang gahong walay tubig, lapok lang, ug si Jeremias nagkaunlod sa lapok.

7 Si Ebed-melek+ nga Etiopianhon, usa ka eunuko* sa balay* sa hari, nakadungog nga ilang gibutang si Jeremias sa gahong nga pondohanag tubig. Karon ang hari naglingkod didto sa Ganghaan ni Benjamin,+ 8 busa si Ebed-melek migula sa balay* sa hari ug miingon sa hari: 9 “Oh akong ginoo nga hari, daotan ang gibuhat niining mga tawhana kang propetang Jeremias! Ila siyang gihulog sa gahong nga pondohanag tubig, ug mamatay siya didto tungod sa gutom, kay wala nay nahibiling tinapay sa siyudad.”+

10 Unya gisugo sa hari si Ebed-melek nga Etiopianhon: “Pagkuyog ug 30 ka lalaki gikan dinhi, ug haw-asa ninyo si propetang Jeremias sa gahong sa dili pa siya mamatay.” 11 Busa gikuyog ni Ebed-melek ang mga lalaki ug misulod sa balay* sa hari ug miadto sa lawak sa silong sa tipiganag bahandi.+ Nanguha sila didto ug dunot nga mga nuog ug panapton ug gitunton kini kang Jeremias sa gahong pinaagig pisi. 12 Unya si Ebed-melek nga Etiopianhon miingon kang Jeremias: “Palihog ibutang ang mga nuog ug panapton sa imong mga ilok aron magsilbing hanig sa pisi.” Gibuhat kana ni Jeremias, 13 ug ilang gibitad si Jeremias pinaagi sa mga pisi pagawas sa gahong. Ug si Jeremias nagpabilin didto sa Hawanan sa Guwardiya.+

14 Gipakuha ni Haring Zedekias si propetang Jeremias aron moadto kaniya sa ikatulong entrada, nga diha sa balay ni Jehova, ug ang hari miingon kang Jeremias: “Duna koy ipangutana nimo. Ayawg itago kanako ang bisan unsa.” 15 Unya si Jeremias miingon kang Zedekias: “Kon sultihan ti ka, patyon gyod ko nimo. Ug kon tambagan ti ka, dili ka mamati nako.” 16 Busa si Haring Zedekias sekretong nanumpa kang Jeremias: “Ingon nga si Jehova buhi, nga maoy naghatag kanato niini nga kinabuhi, dili ka nako patyon, ug dili ka nako itugyan sa kamot niining mga tawo nga nagtinguha sa imong kinabuhi.”

17 Dayon si Jeremias miingon kang Zedekias: “Kini ang giingon ni Jehova, ang Diyos sa mga panon, ang Diyos sa Israel, ‘Kon mosurender* ka ngadto sa mga prinsipe sa hari sa Babilonya, ang imong kinabuhi maluwas, ug kining siyudara dili sunogon, ug ikaw ug ang imong panimalay maluwas.+ 18 Apan kon dili ka mosurender* ngadto sa mga prinsipe sa hari sa Babilonya, kining siyudara itugyan ngadto sa mga Caldeanhon, ug ila kining sunogon,+ ug dili ka makaikyas sa ilang kamot.’”+

Ilang giunlod ang imong tiil sa lapok.

Karon sila namiya.’

23 Ug ang tanan nimong asawa ug anak ilang dad-on ngadto sa mga Caldeanhon, ug dili ka makaikyas sa ilang kamot, apan ikaw madakpan sa hari sa Babilonya,+ ug tungod nimo kining siyudara sunogon.”+

24 Unya si Zedekias miingon kang Jeremias: “Ayaw kinig ipahibalo kang bisan kinsa, aron dili ka mamatay. 25 Ug kon mabalitaan sa mga prinsipe nga nakigsulti ko nimo ug sila moanhi ug moingon kanimo, ‘Palihog tug-ani mi kon unsay imong gisulti sa hari. Ayawg itago kanamo ang bisan unsa, ug dili ka namo patyon.+ Unsay gisulti sa hari kanimo?’ 26 ingna sila, ‘Mihangyo ko sa hari nga dili ko niya ipadalag balik sa balay ni Jehonatan kay mamatay ko didto.’”+

27 Sa ulahi, ang tanang prinsipe miadto kang Jeremias ug nagsukitsukit kaniya. Iyang gisulti kanila ang tanang gisugo sa hari nga isulti. Busa wala na silay gisulti kaniya, kay wala may nakadungog sa ilang panag-estoryahay. 28 Hangtod sa adlaw nga nabihag ang Jerusalem, si Jeremias nagpabilin didto sa Hawanan sa Guwardiya;+ atua pa siya didto dihang nabihag ang Jerusalem.+

39 Sa ika-10 nga bulan sa ikasiyam nga tuig sa pagmando ni Haring Zedekias sa Juda, si Haring Nabucodonosor* sa Babilonya ug ang tibuok niyang kasundalohan miabot sa Jerusalem ug gilikosan kini.+

2 Sa ika-11 nga tuig sa pagmando ni Zedekias, sa ikasiyam nga adlaw sa ikaupat nga bulan, ilang giguba ang usa ka bahin sa paril sa siyudad.+ 3 Ug ang tanang prinsipe sa hari sa Babilonya misulod ug milingkod sa Tungatungang Ganghaan,+ nga mao, si Nergal-sarezer nga Samgar, Nebo-sarsekim nga Rabsaris,* Nergal-sarezer nga Rabmag,* ug ang tanang ubang prinsipe sa hari sa Babilonya.

4 Pagkakita ni Haring Zedekias sa Juda ug sa tanang kasundalohan kanila, sila mikalagiw,+ nga migula sa siyudad panahon sa kagabhion agi sa tanaman sa hari, agi sa ganghaan taliwala sa duha ka paril, ug sila miagi sa dalan paingon sa Araba.+ 5 Apan gigukod sila sa kasundalohan sa mga Caldeanhon, ug ilang naapsan si Zedekias sa desyertong kapatagan sa Jerico.+ Ilang gidakop siya ug gidala kang Haring Nabucodonosor* sa Babilonya didto sa Ribla+ sa yuta sa Hamat,+ diin iya siyang gisentensiyahan. 6 Gipapatay sa hari sa Babilonya ang mga anak ni Zedekias sa iyang atubangan didto sa Ribla. Gipapatay usab sa hari sa Babilonya ang tanang halangdon sa Juda.+ 7 Unya iyang gibutaan si Zedekias, dayon iyang gigapos siyag tumbaga nga kadena aron dad-on sa Babilonya.+

8 Unya gisunog sa mga Caldeanhon ang balay* sa hari ug ang mga balay sa katawhan,+ ug gipanglumpag nila ang mga paril sa Jerusalem.+ 9 Gidestiyero ni Nebuzaradan+ nga pangulo sa mga bantay ngadto sa Babilonya ang katawhan nga nahibilin sa siyudad, ang mga mibiya aron modapig kaniya, ug si bisan kinsa nga nagpabilin.

10 Apan gibilin ni Nebuzaradan nga pangulo sa mga bantay didto sa yuta sa Juda ang pipila sa kinapobrehang mga tawo, kadtong wala gayoy bisan unsa. Nianang adlawa, gihatagan usab niya silag mga ubasan ug kaumahan aron tikaron.*+

11 Karon gimandoan ni Haring Nabucodonosor* sa Babilonya si Nebuzaradan nga pangulo sa mga bantay maylabot kang Jeremias: 12 “Kuhaa siya ug atimana; ayaw siyag unsaa, ug ihatag ang bisan unsa nga iyang pangayoon kanimo.”+

13 Busa si Nebuzaradan nga pangulo sa mga bantay, Nebusazban nga Rabsaris,* Nergal-sarezer nga Rabmag,* ug ang tanang kadagkoan sa hari sa Babilonya nagpadalag mga tawo, 14 ug ilang gipakuha si Jeremias gikan sa Hawanan sa Guwardiya+ ug gitugyan kang Gedalias+ nga anak ni Ahikam+ nga anak ni Sapan+ aron dad-on sa iyang balay. Busa siya nagpuyo taliwala sa katawhan.

15 Samtang si Jeremias nabilanggo sa Hawanan sa Guwardiya,+ nadawat niya kini nga mensahe gikan kang Jehova: 16 “Lakaw ug ingna si Ebed-melek+ nga Etiopianhon, ‘Kini ang giingon ni Jehova sa mga panon, ang Diyos sa Israel: “Ania, tumanon nako ang akong mga pulong bahin niining siyudara nga kini makasinatig katalagman, dili kaayohan, ug nianang adlawa makita nimo nga kini mahitabo.”’

17 “‘Apan luwason ka nako nianang adlawa,’ miingon si Jehova, ‘ug dili ka itugyan ngadto sa mga tawo nga imong gikahadlokan.’

18 “‘Kay tagan-an gyod ka nakog kaikyasan, ug dili ka mapukan pinaagig espada. Mahuptan nimo ang imong kinabuhi ingong inagaw,*+ kay misalig ka kanako,’+ miingon si Jehova.”

40 Si Jeremias nakadawat ug mensahe gikan kang Jehova human siya buhii ni Nebuzaradan+ nga pangulo sa mga bantay gikan sa Rama.+ Gikuha niya siya didto nga pinosasan, ug lakip siya sa tanang destiyero sa Jerusalem ug Juda nga dad-on sa Babilonya. 2 Unya gikuha sa pangulo sa mga bantay si Jeremias ug giingnan: “Si Jehova nga imong Diyos nagtagna niini nga katalagman batok niining dapita, 3 ug gipahinabo kini ni Jehova sumala sa iyang gisulti, kay kamo nga katawhan nakasala kang Jehova ug wala mosunod sa iyang tingog. Mao nga kini nahitabo kaninyo.+ 4 Karon tangtangon nako ang imong mga posas. Kon maayo alang kanimo nga mouban kanako sa Babilonya, uban nako, ug atimanon ka nako. Apan kon dili ka gustong mouban sa Babilonya, ayawg uban. Tan-awa! Ang tibuok yuta anaa sa imong atubangan. Adto kon asa nimo gusto.”+

5 Samtang wala pa makadesisyon si Jeremias nga mobalik, si Nebuzaradan miingon: “Balik kang Gedalias+ nga anak ni Ahikam+ nga anak ni Sapan,+ nga gitudlo sa hari sa Babilonya nga magdumala sa mga siyudad sa Juda, ug puyo uban kaniya taliwala sa katawhan; o adto bisan asa nimo gusto.”

Unya gihatagan siya sa pangulo sa mga bantay ug pagkaon ug gasa, ug gipalakaw siya. 6 Busa si Jeremias miadto sa Mizpa+ kang Gedalias nga anak ni Ahikam ug mipuyo uban kaniya taliwala sa katawhan nga nahibilin sa yuta.

7 Sa ulahi, ang tanang pangulo sa kasundalohan nga didto sa kapatagan uban sa ilang mga tawo nakadungog nga gitudlo sa hari sa Babilonya si Gedalias nga anak ni Ahikam nga magdumala sa yuta ug magdumala sa mga lalaki, mga babaye, ug mga bata taliwala sa mga kabos sa yuta nga wala dad-a sa Babilonya.+ 8 Busa miadto sila kang Gedalias sa Mizpa.+ Sila mao si Ismael+ nga anak ni Netanias, si Johanan+ ug Jonatan nga mga anak ni Karea, si Seraias nga anak ni Tanhumet, ang mga anak ni Epai nga Netopahanon, ug si Jezanias+ nga anak sa Maacatnon, uban ang ilang mga tawo. 9 Si Gedalias nga anak ni Ahikam nga anak ni Sapan nanumpa kanila ug sa ilang mga tawo: “Ayaw mog kahadlok sa pag-alagad sa mga Caldeanhon. Puyo mo sa yuta ug alagari ang hari sa Babilonya, ug mamaayo ang inyong kahimtang.+ 10 Kon bahin kanako, magpabilin ko sa Mizpa aron morepresentar kaninyo* sa mga Caldeanhon nga moanhi kanato. Busa pagtigom mog bino, mga bunga sa ting-init, ug lana ug isulod kini sa inyong mga sudlanan ug pamuyo mo sa mga siyudad nga inyong nasakop.”+

11 Ug ang tanang Hudiyo nga didto sa Moab, Ammon, ug Edom, ingon man kadtong didto sa tanang ubang kayutaan, nakadungog usab nga gitugotan sa hari sa Babilonya nga dunay mahibilin nga magpuyo sa Juda ug nga iyang gitudlo si Gedalias nga anak ni Ahikam nga anak ni Sapan nga magdumala kanila. 12 Busa ang tanang Hudiyo namalik gikan sa tanang dapit diin sila gipatibulaag, ug sila nangadto sa yuta sa Juda, ngadto kang Gedalias sa Mizpa. Ug sila nagtigom ug daghan kaayong bino ug bunga sa ting-init.  

13 Si Johanan nga anak ni Karea ug ang tanang pangulo sa kasundalohan nga didto sa kapatagan nangadto kang Gedalias sa Mizpa. 14 Sila miingon kaniya: “Wala ba ka mahibalo nga si Baalis, ang hari sa mga Ammonhanon,+ nagpadala kang Ismael nga anak ni Netanias sa pagpatay kanimo?”+ Apan wala motuo kanila si Gedalias nga anak ni Ahikam.

15 Unya sekretong giingnan ni Johanan nga anak ni Karea si Gedalias sa Mizpa: “Gusto nakong adtoon ug patyon si Ismael nga anak ni Netanias, ug walay usa nga makahibalo niini. Nganong patyon man ka niya, ug nganong kinahanglan mang matibulaag ang tanang katawhan sa Juda nga namalik kanimo ug mangalaglag ang mga nahibilin sa Juda?” 16 Apan si Gedalias+ nga anak ni Ahikam miingon kang Johanan nga anak ni Karea: “Ayaw kinig buhata, kay dili tinuod ang imong gipanulti bahin kang Ismael.”

41 Sa ikapitong bulan, si Ismael+ nga anak ni Netanias nga anak ni Elisama, nga kaliwat sa hari* ug usa sa mga kadagkoan sa hari, miabot kang Gedalias nga anak ni Ahikam sa Mizpa,+ uban ang 10 ka lalaki. Samtang sila nagdungan ug pangaon didto sa Mizpa, 2 si Ismael nga anak ni Netanias ug ang 10 niya ka kauban mitindog ug gipatay si Gedalias nga anak ni Ahikam nga anak ni Sapan pinaagig espada. Busa iyang gipatay ang gitudlo sa hari sa Babilonya nga magdumala sa yuta. 3 Gipatay usab ni Ismael ang tanang Hudiyo nga kauban ni Gedalias sa Mizpa, ingon man ang Caldeanhong mga sundalo nga atua didto.

4 Sa ikaduhang adlaw human patya si Gedalias, sa wala pay nahibalo niini, 5 dihay nangabot nga 80 ka lalaki gikan sa Sekem,+ Shilo,+ ug Samaria.+ Binalbasan ang ilang mga bungot, ginisi ang ilang mga besti, ug sinamadsamaran ang ilang kaugalingon,+ ug nagdala silag halad nga lugas ug kamangyan+ alang sa balay ni Jehova. 6 Busa si Ismael nga anak ni Netanias migula gikan sa Mizpa aron sugaton sila, nga naghilak samtang naglakaw. Sa nagkasugat na sila, iya silang giingnan: “Pangadto mo kang Gedalias nga anak ni Ahikam.” 7 Apan pag-abot nila sa siyudad, gipatay sila ni Ismael nga anak ni Netanias ug sa iyang mga tawo, ug ilang gitambog sila sa gahong nga pondohanag tubig.

8 Apan dihay 10 kanila nga miingon kang Ismael: “Ayaw mig patya, kay duna miy mga tinagoang trigo, sebada, lana, ug dugos didto sa uma.” Busa wala niya sila patya uban sa ilang mga igsoon. 9 Karon gihulog ni Ismael sa dakong gahong nga pondohanag tubig ang tanang patayng lawas sa mga tawo nga iyang gipamatay, kadtong gahong nga gibuhat ni Haring Asa tungod kang Haring Baasa sa Israel.+ Kini ang gahong nga gipuno ni Ismael nga anak ni Netanias sa iyang mga pinatay.

10 Gibihag ni Ismael ang tanang uban pa sa katawhan sa Mizpa,+ lakip ang mga anak nga babaye sa hari ug ang tanang katawhan nga nahibilin sa Mizpa, nga gipadumala ni Nebuzaradan nga pangulo sa mga bantay kang Gedalias+ nga anak ni Ahikam. Gibihag sila ni Ismael nga anak ni Netanias ug miadto sa mga Ammonhanon.+

11 Dihang nabalitaan ni Johanan+ nga anak ni Karea ug sa tanang pangulo sa kasundalohan nga uban kaniya ang tanang daotang gibuhat ni Ismael nga anak ni Netanias, 12 ilang gidala ang tanang lalaki ug nangadto sa pagpakig-away kang Ismael nga anak ni Netanias, ug nakaplagan nila siya sa daplin sa dakong katubigan* sa Gabaon.

13 Ang katawhan nga gidalang binihag ni Ismael nalipay pag-ayo pagkakita nila kang Johanan nga anak ni Karea ug sa tanang pangulo sa kasundalohan nga uban niya. 14 Unya ang tanang katawhan nga gibihag ni Ismael gikan sa Mizpa+ mibalik ug mikuyog kang Johanan nga anak ni Karea. 15 Apan si Ismael nga anak ni Netanias ug ang walo sa iyang mga tawo miikyas gikan kang Johanan ug miadto sa mga Ammonhanon.

16 Gikuyog ni Johanan nga anak ni Karea ug sa tanang pangulo sa kasundalohan nga uban niya ang tanang nahibilin sa katawhan nga gikan sa Mizpa, nga ilang giluwas gikan kang Ismael nga anak ni Netanias human patya niini si Gedalias+ nga anak ni Ahikam. Gikan sa Gabaon, gidala nila ang mga lalaki, mga sundalo, mga babaye, mga bata, ug ang mga opisyal sa palasyo. 17 Busa sila migikan ug miestar sa balay-abtanan ni Kimham nga duol sa Betlehem,+ kay gusto nilang moadto sa Ehipto+ 18 tungod sa mga Caldeanhon. Kay sila nahadlok kanila, sanglit gipatay ni Ismael nga anak ni Netanias si Gedalias nga anak ni Ahikam, nga gitudlo sa hari sa Babilonya nga magdumala sa yuta.+

42 Unya ang tanang pangulo sa kasundalohan, si Johanan+ nga anak ni Karea, si Jezanias nga anak ni Hosaia, ug ang tanang katawhan, gikan sa labing ubos ngadto sa labing taas, miduol 2 ug miingon kang propetang Jeremias: “Palihog pamatia ang among hangyo alang sa pabor, ug pag-ampo kang Jehova nga imong Diyos alang kanamo, alang niining tanang nahibilin, kay diyutay na lang mi nga nahibilin,+ sumala sa imong nakita. 3 Hinaot sultihan mi ni Jehova nga imong Diyos sa dalan nga angay namong laktan ug kon unsay angay namong buhaton.”

4 Si propetang Jeremias miingon kanila: “Nadunggan mo nako, ug nagaampo ko kang Jehova nga inyong Diyos sumala sa inyong hangyo; ug akong isulti kaninyo ang matag pulong nga itubag ni Jehova kaninyo. Wala koy itago kaninyo.”

5 Sila miingon kang Jeremias: “Hinaot si Jehova mahimong matuod ug kasaligang saksi batok kanamo kon dili namo himoon kon unsa gyoy isugo kanamo ni Jehova nga imong Diyos pinaagi kanimo. 6 Maayo man o daotan, mosunod mi sa tingog ni Jehova nga among Diyos, nga kaniya gipadala ka namo, aron maayo ang among dangatan kay gisunod namo ang tingog ni Jehova nga among Diyos.”

7 Karon 10 ka adlaw sa ulahi, si Jeremias nakadawat ug mensahe gikan kang Jehova. 8 Busa iyang gipatawag si Johanan nga anak ni Karea ug ang tanang pangulo sa kasundalohan nga uban kaniya ug ang tanang katawhan, gikan sa labing ubos ngadto sa labing taas.+ 9 Siya miingon kanila: “Kini ang giingon ni Jehova nga Diyos sa Israel, nga kaniya gipadala ko ninyo aron ipaabot kaniya ang inyong hangyo alang sa pabor: 10 ‘Kon magpabilin mo niining yutaa, tukoron mo nako ug dili lumpagon, ug itanom mo nako ug dili lukahon, kay basolan nako ang* katalagman nga akong gipahinabo kaninyo.+ 11 Ayawg kahadlok tungod sa hari sa Babilonya, nga inyong gikahadlokan.’+

“‘Ayawg kahadlok tungod kaniya,’ miingon si Jehova, ‘kay ako nagauban kaninyo, sa pagpanalipod kaninyo ug sa pagluwas kaninyo gikan sa iyang kamot. 12 Ug pakitaan mo nakog kaluoy,+ ug siya maluoy kaninyo ug ibalik mo niya sa inyong yuta.

13 “‘Apan kon moingon mo, “Dili, dili mi magpabilin niining yutaa!” ug inyong supakon ang tingog ni Jehova nga inyong Diyos 14 pinaagi sa pag-ingon: “Dili, moadto hinuon mi sa yuta sa Ehipto,+ diin didto dili mi makasinatig gubat o makadungog sa tingog sa budyong o gutmon; didto mi mamuyo,” 15 nan pamatia ang pulong ni Jehova, Oh nahibilin sa Juda. Kini ang giingon ni Jehova sa mga panon, ang Diyos sa Israel: “Kon determinado gyod mong moadto sa Ehipto ug mopuyo didto,* 16 nan ang mismong espada nga inyong gikahadlokan makaapas kaninyo didto sa yuta sa Ehipto, ug ang mismong gutom nga inyong gikahadlokan mosunod kaninyo sa Ehipto, ug didto mo mangamatay.+ 17 Ug ang tanang tawo nga determinadong moadto sa Ehipto aron mopuyo didto mamatay sa espada, gutom, ug kamatay.* Walay usa kanila ang maluwas o makaikyas sa katalagman nga akong ipahamtang kanila.”’

18 “Kay kini ang giingon ni Jehova sa mga panon, ang Diyos sa Israel: ‘Sama nga ang akong kasuko ug ang akong kapungot gibubo ngadto sa mga molupyo sa Jerusalem,+ ibubo usab nako ang akong kapungot kaninyo kon moadto mo sa Ehipto, ug kamo mahimong tinunglo, maldisyon, ug talamayon,+ ug ang mga tawo mahadlok tungod kaninyo, ug dili na gyod ninyo makita kining dapita.’

19 “Si Jehova nagsulti batok kaninyo, Oh nahibilin sa Juda. Ayaw mog adto sa Ehipto. Ayaw gayod ninyo kalimti nga gipasidan-an mo nako karong adlawa 20 nga ang inyong sayop moresulta sa inyong kamatayon. Kay gipadala ko ninyo ngadto kang Jehova nga inyong Diyos, nga nag-ingon, ‘Pag-ampo kang Jehova nga among Diyos alang kanamo, ug sultihi mi sa tanang isulti ni Jehova nga among Diyos, ug tumanon namo kana.’+ 21 Ug giingnan mo nako karong adlawa, apan dili ninyo sundon ang tingog ni Jehova nga inyong Diyos o buhaton ang bisan unsa nga iyang gisugo kanako nga isulti kaninyo.+ 22 Busa timan-i ninyo nga kamo mamatay sa espada, gutom, ug kamatay didto sa dapit nga gusto ninyong adtoan ug puy-an.”+

43 Sa nasulti na ni Jeremias sa tibuok katawhan kining tanang pulong gikan kang Jehova nga ilang Diyos, ang matag pulong nga gisugo kaniya ni Jehova nga ilang Diyos nga isulti kanila, 2 si Azarias nga anak ni Hosaia, si Johanan+ nga anak ni Karea, ug ang tanang mapangahasong tawo miingon kang Jeremias: “Bakak ang imong gisulti! Wala ka ipadala ni Jehova nga among Diyos aron moingon, ‘Ayaw mog adto sa Ehipto aron mopuyo didto.’ 3 Apan gihulhogan ka ni Baruk+ nga anak ni Nerias batok kanamo aron itugyan mi ngadto sa mga Caldeanhon, aron patyon mi o idestiyero ngadto sa Babilonya.”+

4 Busa wala tumana ni Johanan nga anak ni Karea ug sa tanang pangulo sa kasundalohan ug sa tibuok katawhan ang giingon ni Jehova nga magpabilin sila sa yuta sa Juda. 5 Hinuon, gidala ni Johanan nga anak ni Karea ug sa tanang pangulo sa kasundalohan ang tanang nahibilin sa Juda nga mibalik gikan sa tanang kanasoran diin sila gipatibulaag aron mopuyo sa yuta sa Juda.+ 6 Gidala nila ang mga lalaki, mga babaye, mga bata, mga anak nga babaye sa hari, ug ang tanang gibilin ni Nebuzaradan+ nga pangulo sa mga bantay kang Gedalias+ nga anak ni Ahikam+ nga anak ni Sapan,+ ingon man si propetang Jeremias ug si Baruk nga anak ni Nerias. 7 Ug sila miadto sa yuta sa Ehipto, kay wala nila tumana ang tingog ni Jehova, ug sila nakaabot sa Tapanhes.+

8 Unya si Jeremias nakadawat ug mensahe gikan kang Jehova sa Tapanhes, nga nag-ingon: 9 “Pagdalag dagkong bato, ug tagoi kini sa terasa nga tisa* didto sa entrada sa balay sa Paraon sa Tapanhes ug taboni kinig minasa, samtang nagtan-aw ang mga Hudiyo. 10 Unya ingna sila, ‘Kini ang giingon ni Jehova sa mga panon, ang Diyos sa Israel: “Ania, akong ipatawag si Nabucodonosor* nga hari sa Babilonya, nga akong alagad,+ ug ibutang nako ang iyang trono ibabaw mismo niini nga mga bato nga akong gitagoan, ug buklaron niya ang iyang harianong tolda ibabaw niini.+ 11 Ug siya mosulod ug hampakon ang yuta sa Ehipto.+ Si bisan kinsa nga alang sa kamatay ngadto sa kamatay, ug si bisan kinsa nga alang sa pagkabinihag ngadto sa pagkabinihag, ug si bisan kinsa nga alang sa espada ngadto sa espada.+ 12 Ug daoban nako ang mga balay* sa mga diyos sa Ehipto,+ ug iya silang sunogon ug bihagon. Sama sa pagsul-ob sa magbalantay sa iyang besti, ingon usab niana ka sayon ang iyang pag-ilog sa yuta sa Ehipto, ug siya mobiya didto nga malinawon.* 13 Ug iyang dugmokon ang mga haligi* sa Bet-semes* sa yuta sa Ehipto, ug iyang sunogon ang mga balay* sa mga diyos sa Ehipto.”’”

44 Si Jeremias nakadawat ug mensahe alang sa tanang Hudiyo nga nagpuyo sa yuta sa Ehipto,+ kadtong nagpuyo sa Migdol,+ Tapanhes,+ Nop,*+ ug sa yuta sa Patros,+ nga nag-ingon: 2 “Kini ang giingon ni Jehova sa mga panon, ang Diyos sa Israel, ‘Nakita ninyo ang tanang katalagman nga akong gipahinabo sa Jerusalem+ ug sa tanang siyudad sa Juda, ug karon kini gun-ob na ug walay molupyo.+ 3 Kini tungod sa daotang mga butang nga ilang gibuhat sa pagpasuko kanako. Sila nangadto ug naghalad+ ug nag-alagad sa ubang mga diyos nga wala nila mailhi, nga bisan kamo o ang inyong mga katigulangan wala makaila.+ 4 Ug padayon nakong gipadala nganha kaninyo ang tanan nakong alagad nga propeta, nga nagpadala kanila nga balikbalik,* nga nag-ingon: “Palihog ayawg buhata kining dulumtanang butang nga akong gidumtan.”+ 5 Apan wala sila mamati o maghatag ug pagtagad* aron mobiya sa ilang pagkadaotan pinaagi sa dili paghalad ngadto sa ubang mga diyos.+ 6 Busa gibubo nako ang akong kapungot ug kasuko ug kini misilaob sa mga siyudad sa Juda ug sa kadalanan sa Jerusalem, ug kini nahimong gun-ob ug awaaw nga dapit, sama sa kahimtang niini karon.’+

7 “Ug karon kini ang giingon ni Jehova, ang Diyos sa mga panon, ang Diyos sa Israel, ‘Nganong nagpahinabo mog dakong katalagman sa inyong kaugalingon, maong ang matag lalaki ug babaye, bata ug masuso, nga gikan sa Juda mangalaglag, ug wala nay mahibilin kaninyo? 8 Nganong pasuk-on ko ninyo pinaagi sa mga buhat sa inyong mga kamot, pinaagi sa paghalad ngadto sa ubang mga diyos sa yuta sa Ehipto diin mo namuyo? Kamo malaglag ug tunglohon ug tamayon taliwala sa tanang kanasoran sa yuta.+ 9 Nalimot ba mo sa daotang mga buhat sa inyong mga katigulangan ug sa daotang mga buhat sa mga hari sa Juda+ ug sa daotang mga buhat sa ilang mga asawa,+ ingon man sa inyong daotang mga buhat ug sa daotang mga buhat sa inyong mga asawa,+ nga gibuhat didto sa yuta sa Juda ug sa kadalanan sa Jerusalem? 10 Hangtod karong adlawa, sila wala magpaubos,* wala magpakitag kahadlok,+ ug wala mosubay sa akong balaod ug mga lagda nga akong gihatag kaninyo ug sa inyong mga katigulangan.’+

11 “Busa kini ang giingon ni Jehova sa mga panon, ang Diyos sa Israel, ‘Ania, determinado kong magpahamtang ug katalagman kaninyo, sa paglaglag sa tibuok Juda. 12 Ug ipahinabo nako nga ang tanang nahibilin sa Juda nga determinadong moadto sa yuta sa Ehipto aron mopuyo didto mangalaglag didto sa yuta sa Ehipto.+ Sila mangapukan sa espada ug mangamatay sa gutom; gikan sa labing ubos ngadto sa labing taas, sila mangamatay sa espada ug gutom. Ug sila mahimong tinunglo, maldisyon, ug talamayon, ug ang mga tawo mangahadlok tungod kanila.+ 13 Ug silotan nako kadtong nagpuyo sa yuta sa Ehipto, sama nga gisilotan nako ang Jerusalem, pinaagig espada, gutom, ug kamatay.*+ 14 Ug ang nahibilin sa Juda nga mipuyo sa yuta sa Ehipto dili makaikyas o makalahutay aron mobalik sa yuta sa Juda. Sila mangandoy nga mobalik ug mopuyo didto, apan dili sila makabalik, gawas sa pipila nga makaikyas.’”

15 Ang tanang lalaki nga nahibalo nga ang ilang mga asawa nagahalad ngadto sa ubang mga diyos ug ang tanang asawa nga nagtindog didto, nga usa ka dakong grupo, ug ang tanang katawhan nga nagpuyo sa yuta sa Ehipto,+ sa Patros,+ miingon kang Jeremias: 16 “Dili mi mamati sa pulong nga imong gisulti kanamo sa ngalan ni Jehova. 17 Hinuon, buhaton gayod namo ang tanang pulong nga among gisulti, sa paghalad ngadto sa Rayna sa Langit* ug sa pagbubo ug mga halad nga ilimnon alang kaniya,+ sama sa gibuhat namo ug sa among mga katigulangan, sa among mga hari, ug sa among mga prinsipe, didto sa mga siyudad sa Juda ug sa kadalanan sa Jerusalem, dihang kami tagbaw sa pagkaon ug maayo ang pagkabutang, dihang kami wala gyoy nakitang katalagman. 18 Sukad nga mihunong mi sa paghalad ngadto sa Rayna sa Langit* ug sa pagbubo ug mga halad nga ilimnon alang kaniya, kami nakulangan na sa tanang butang ug nangamatay sa espada ug gutom.”

19 Ang kababayen-an midugang: “Ug dihang naghalad mi ngadto sa Rayna sa Langit* ug nagbubo ug mga halad nga ilimnon alang kaniya, dili ba gitugotan man mi sa among mga bana nga maghimog mga halad nga tinapay nga giporma sa iyang larawan ug magbubo ug mga halad nga ilimnon alang kaniya?”

20 Unya si Jeremias miingon sa tibuok katawhan, ngadto sa mga lalaki ug sa ilang mga asawa ug sa tibuok katawhan nga nakigsulti kaniya: 21 “Ang inyong mga halad ug ang mga halad sa inyong mga katigulangan, sa inyong mga hari, sa inyong mga prinsipe, sa katawhan sa yuta nga gihimo diha sa mga siyudad sa Juda ug sa kadalanan sa Jerusalem+​—⁠kining tanan gihinumdoman ni Jehova ug anaa sa iyang kasingkasing! 22 Sa kataposan, si Jehova wala na makaantos sa inyong daotang binuhatan ug dulumtanang mga butang, ug ang inyong yuta nahimong gun-ob nga dapit, nga kahadlokan ug tinunglo ug walay molupyo, sama sa kahimtang niini karon.+ 23 Kay naghimo mo niini nga mga halad ug nakasala mo kang Jehova pinaagi sa dili pagtuman sa tingog ni Jehova ug sa dili pagsubay sa iyang balaod, mga lagda, ug mga pahinumdom, kini nga katalagman midangat kaninyo, sama sa kahimtang karon.”+

24 Si Jeremias nagpadayon sa pag-ingon sa tibuok katawhan ug sa tanang kababayen-an: “Paminawa ang pulong ni Jehova, kamong tibuok Juda nga ania sa yuta sa Ehipto. 25 Kini ang giingon ni Jehova sa mga panon, ang Diyos sa Israel, ‘Gibuhat ninyo ug sa inyong mga asawa ang inyong gisulti, kay miingon mo: “Buhaton gyod namo ang among mga panaad nga maghalad sa Rayna sa Langit* ug magbubo ug mga halad nga ilimnon alang kaniya.”+ Kamong kababayen-an magatuman gayod sa inyong mga panaad ug himoon ninyo kini.’

26 “Busa paminawa ang pulong ni Jehova, kamong tibuok Juda nga nagpuyo sa yuta sa Ehipto: ‘“Ania, nanumpa ko pinaagi sa akong dakong ngalan,” miingon si Jehova, “nga ang akong ngalan dili na litokon dihang manumpa ang bisan kinsang tawo sa Juda+ diha sa tibuok yuta sa Ehipto, nga mag-ingon, ‘Ingon nga ang Soberanong Ginoong Jehova buhi!’+ 27 Karon, bantayan nako sila aron magdalag katalagman ug dili kaayohan;+ ang tanang tawo sa Juda diha sa yuta sa Ehipto mangamatay sa espada ug gutom, hangtod nga sila mahanaw.+ 28 Diyutay lang ang makaikyas sa espada ug sila mobalik sa yuta sa Juda gikan sa yuta sa Ehipto.+ Unya ang tanang nahibilin sa Juda nga miadto sa yuta sa Ehipto aron mopuyo didto mahibalo kon kansang pulong ang natuman, ang akoa ba o ilaha!”’”

29 “‘Ug kini ang ilhanan alang kaninyo,’ miingon si Jehova, ‘nga silotan mo nako niining dapita, aron mahibalo mo nga ang akong mga pulong nga nagsaad ug katalagman batok kaninyo matuman gayod. 30 Kini ang giingon ni Jehova: “Ania, akong itugyan si Paraon Hopra, ang hari sa Ehipto, ngadto sa kamot sa iyang mga kaaway ug niadtong nagtinguha sa iyang kinabuhi, sama nga akong gitugyan si Haring Zedekias sa Juda ngadto sa kamot ni Haring Nabucodonosor* sa Babilonya, nga iyang kaaway ug nagtinguha sa iyang kinabuhi.”’”+

45 Kini ang pulong nga gisulti ni propetang Jeremias kang Baruk+ nga anak ni Nerias dihang gisulat niya sa usa ka basahon kining mga pulonga nga gidiktar ni Jeremias+ sa ikaupat nga tuig sa pagmando ni Jehoiakim+ nga anak ni Josias, ang hari sa Juda:

2 “Kini ang giingon ni Jehova nga Diyos sa Israel bahin kanimo, Baruk, 3 ‘Ikaw miingon: “Alaot ko, kay gidugangan ni Jehova ug kaguol ang akong kasakit! Naluya ko tungod sa akong pag-agulo, ug wala koy nakaplagang kapahulayan.”’

4 “Isulti kini kaniya, ‘Kini ang giingon ni Jehova: “Tan-awa! Ang akong gitukod akong lumpagon, ug ang akong gitanom akong lukahon​—⁠ang tibuok yuta.+ 5 Apan nagtinguha* kag dagkong butang alang sa imong kaugalingon. Hunong na sa pagtinguha sa maong mga butang.”’

“‘Kay hapit na kong magpahamtang ug katalagman sa tanang unod,’*+ miingon si Jehova, ‘ug bisan asa ka moadto, ihatag nako kanimo ang imong kinabuhi ingong inagaw.’”*+

46 Kini ang nadawat ni propetang Jeremias nga mensahe gikan kang Jehova bahin sa kanasoran:+ 2 Alang sa Ehipto,+ bahin sa kasundalohan ni Paraon Neko+ nga hari sa Ehipto, nga didto ubay sa Suba sa Euprates ug gipildi ni Haring Nabucodonosor* sa Babilonya didto sa Carkemis sa ikaupat nga tuig sa pagmando ni Jehoiakim+ nga anak ni Josias, ang hari sa Juda:

 4 Andama ang mga kabayo ug sakyi kini, kamong mangangabayo.

Puwesto mo ug isul-ob ang inyong mga helmet.

Pasinawa ang mga bangkaw ug isul-ob ang inyong mga kotamaya.

 5 ‘Nganong nakita nako sila nga nangalisang?

Sila nangatras, ang ilang mga manggugubat nangapildi.

Sila nangalagiw nga natarantar, ang ilang mga manggugubat wala molingi.

Dunay kalisang sa tibuok palibot,’ miingon si Jehova.

 6 ‘Ang tulin dili makakalagiw, ug ang mga manggugubat dili makaikyas.

Laglagon nako ang siyudad ug ang mga nagpuyo niini.’

 9 Tungas, kamong mga kabayo!

Dagan ug hilabihan ka kusog, kamong mga karo!

10 “Kanang adlawa iya sa Soberanong Ginoo, si Jehova sa mga panon, ang adlaw sa panimalos aron manimalos sa iyang mga kaaway. Ug ang espada maglamoy ug matagbaw ug mabuhong sa ilang dugo, kay ang Soberanong Ginoo, si Jehova sa mga panon, dunay halad* didto sa yuta sa amihanan daplin sa Suba sa Euprates.+

13 Kini ang pulong nga gisulti ni Jehova kang propetang Jeremias bahin sa pag-abot ni Nabucodonosor* nga hari sa Babilonya aron hampakon ang yuta sa Ehipto:+

14 “Ipahayag kini sa Ehipto, imantala kini sa Migdol.+

Imantala kini sa Nop* ug sa Tapanhes.+

15 Nganong nabanlas man ang imong gamhanang mga tawo?

16 Daghan kanila ang nangapandol ug nangatumba.

Sila nag-ingon sa usag usa:

23 Purilon nila ang iyang lasang,’ miingon si Jehova, ‘bisag daw kini dili masuot.

Kay sila mas daghan pa kay sa dulon, nga dili maihap.

24 Ang anak nga babaye sa Ehipto pakaulawan.

Siya itugyan ngadto sa katawhan sa amihanan.’+

25 “Si Jehova sa mga panon, ang Diyos sa Israel, miingon: ‘Karon iliso nako ang akong pagtagad kang Amon+ nga taga-No,*+ sa Paraon, sa Ehipto, sa iyang mga diyos,+ ug sa iyang mga hari​—⁠oo, sa Paraon ug sa tanang nagasalig kaniya.’+

26 “‘Ug itugyan nako sila niadtong nagtinguha sa ilang kinabuhi, ngadto kang Haring Nabucodonosor* sa Babilonya+ ug sa iyang mga alagad. Apan human niini siya pagapuy-an sama sa kanhing panahon,’ miingon si Jehova.+

28 Busa ayawg kahadlok, Jacob nga akong alagad,’ miingon si Jehova, ‘kay ako magauban kanimo.

47 Kini ang mensahe ni Jehova kang propetang Jeremias bahin sa mga Filistehanon,+ sa wala pa laglaga sa Paraon ang Gaza. 2 Kini ang giingon ni Jehova:

“Tan-awa! Ang katubigan naggikan sa amihanan.

Mahimo kining nagbul-og nga katubigan.

 5 Ang Gaza maupaw.*

Ang Askelon gipahilom.+

 6 Oh, ang espada ni Jehova!+

Hangtod kanus-a ka nga dili mopahulay?

Balik sa imong sakoban.

Pahulay ug paghilom.

48 Alang sa Moab,+ kini ang giingon ni Jehova sa mga panon, ang Diyos sa Israel:

“Alaot ang Nebo,+ kay siya gilaglag!

Ang Kiriataim+ gipakaulawan ug nailog.

Ang luwas nga dangpanan* gipakaulawan ug nalisang.+

 2 Dili na nila dayegon ang Moab.

Giplano nila sa Hesbon+ ang iyang pagkapukan:

‘Dali, ato siyang laglagon ingong usa ka nasod.’

 4 Ang Moab nagun-ob.

Ang iyang gagmayng mga bata naninggit.

 5 Sila padayong naghilak samtang nanungas sa Luhit.

Ug sa ilang paglugsong gikan sa Horonaim nakadungog silag mga pagtuaw tungod sa katalagman.+

 6 Kalagiw mo, luwasa ang inyong kinabuhi!

Kinahanglang mahisama mo sa kahoyng junipero diha sa kamingawan.

10 Tinunglo ang usa nga nagpasagad sa gipabuhat ni Jehova kaniya!

Tinunglo ang usa nga nagpugong sa iyang espada sa pag-ulag dugo!

12 “‘Busa tan-awa! ang mga adlaw moabot,’ miingon si Jehova, ‘dihang magpadala kog mga tawo nga motuwang kanila. Ituwang nila sila ug ihuwad ang ilang mga sudlanan, ug pulpogon nila ang ilang dagkong banga. 13 Ug ikaulaw sa mga Moabihanon si Kemos, sama nga gikaulaw sa panimalay ni Israel ang Bethel, nga maoy ilang gisaligan.+

14 Nganong nakaako mo sa pag-ingon: “Kami maoy banggiitang mga manggugubat, nga andam sa pagpakiggubat”?’+

Ingna sila: ‘Nabali ang lig-ong baston, ang matahom nga sungkod!’

Ug iyang gun-obon ang imong mga kinutaang dapit.+

19 Barog sa dalan ug pagbantay, ikaw nga molupyo sa Aroer.+

Pangutan-a ang lalaki nga mikalagiw ug ang babaye nga miikyas, ‘Unsay nahitabo?’

20 Ang Moab gipakaulawan ug nalisang.

Tiyabaw ug singgit.

Ibalita sa Arnon+ nga ang Moab gilaglag.

21 “Ang paghukom miabot sa patag nga yuta,*+ batok sa Holon, Jahaz,+ ug Mepaat;+ 22 batok sa Dibon,+ Nebo,+ ug Bet-diblataim; 23 batok sa Kiriataim,+ Bet-gamul, ug Bet-meon;+ 24 batok sa Keriot+ ug Bozra; ug batok sa tanang siyudad sa yuta sa Moab, ang layo ug ang duol.

26 ‘Huboga siya+ kay siya nagbayaw sa iyang kaugalingon batok kang Jehova.+

27 Dili ba gibiaybiay nimo ang Israel?+

Wala silay mahimo.

Ang imong malamboong mga salingsing mitabok sa dagat.

Kini nakaabot sa dagat, ngadto sa Jazer.

Gipahunong nako ang pag-agay sa bino gikan sa mga pug-anag bino.

Wala nay magtamaktamak uban ang singgit sa kalipay.

Ang pagsinggit dili na tungod sa kalipay.’”+

Bisan ang katubigan sa Nimrim mahubas.+

Kay ang bahandi nga iyang gipatungha mahanaw.

39 ‘Hilabihan gayod ang iyang pagkalisang! Tiyabaw mo!

Mitalikod gayod ang Moab tungod sa kaulaw!

40 “Kay kini ang giingon ni Jehova:

‘Kay sa gitakdang tuig, akong silotan ang Moab,’ miingon si Jehova.

45 ‘Kadtong mga nangalagiw nagbarog nga walay kusog sa landong sa Hesbon.

46 “‘Alaot ka, Oh Moab!

Ang katawhan ni Kemos+ nangalaglag.

47 Apan sa kaulahiang bahin sa mga adlaw, akong tigomon ang mga nabihag sa Moab,’ miingon si Jehova.

‘Kutob dinhi ang mensahe sa paghukom sa Moab.’”+

49 Alang sa mga Ammonhanon,+ kini ang giingon ni Jehova:

“Wala bay mga anak ang Israel?

Wala ba siyay manununod?

Nganong gipanag-iya man ni Malcam+ ang Gad?+

Ug nganong ang iyang katawhan man ang nagpuyo sa mga siyudad sa Israel?”

‘Ug mapanag-iya sa Israel ang kayutaan niadtong mga nangilog sa iyang kayutaan,’+ miingon si Jehova.

 3 ‘Pagminatay, Oh Hesbon, kay ang Ai gilaglag!

Singgit, Oh mga lungsod nga sakop sa Raba.

Pagsul-ob ug sakong panapton.

 6 “‘Apan human niana akong tigomon ang mga nabihag sa mga Ammonhanon,’ miingon si Jehova.”

7 Alang sa Edom, kini ang giingon ni Jehova sa mga panon:

“Wala na bay bisan unsang kaalam sa Teman?+

Nahanaw na ba ang maayong tambag gikan niadtong may pagsabot?

Nadunot na ba ang ilang kaalam?

 8 Kalagiw ug pangatras mo!

Pangadto mo ug panago sa ubos nga mga dapit, Oh mga molupyo sa Dedan!+

10 Apan akong huboan si Esau.

12 Kay kini ang giingon ni Jehova: “Tan-awa! Kon kadtong wala sentensiyahi nga moinom sa kopa kinahanglang moinom niini, pasagdan lang ba nga dili ka masilotan? Dili ka pasagdang dili masilotan, kay kinahanglan kang moinom niini.”+

13 “Kay nanumpa ko sa akong kaugalingon,” miingon si Jehova, “nga ang Bozra mahimong kahadlokan,+ kaulawan, kagun-oban, ug tunglo; ug ang tanan niyang siyudad mahimong kagun-oban hangtod sa hangtod.”+

17 “Ug ang Edom mahimong dapit nga kahadlokan.+ Ang tanang moagi kaniya motutok sa kahadlok ug motamay* tungod sa tanan niyang hampak. 18 Sama sa pagkapukan sa Sodoma ug Gomora ug sa ilang silingang mga lungsod,”+ miingon si Jehova, “walay mopuyo didto ug walay mobalhin didto aron mopuyo.+

19 “Tan-awa! Dunay mogula nga samag leyon+ gikan sa bagang kalibonan ubay sa Jordan ug iyang atakehon ang luwas nga mga sibsibanan, apan sa daklit lang palayason nako siya* gikan kaniya. Ug itudlo nako ibabaw kaniya ang usa nga gipili. Kay kinsa ang sama kanako, ug kinsa ang mohagit kanako? Kinsa nga magbalantay ang makabarog sa akong atubangan?+ 20 Busa patalinghogi ninyo ang desisyon* ni Jehova batok sa Edom ug kon unsay iyang gihunahuna batok sa mga molupyo sa Teman:+

Ang mga nating karnero sa panon pangguyoron gayod.

Ang ilang pinuy-anan himoon niyang biniyaan tungod kanila.+

21 Sa dinahunog sa ilang pagkapukan, ang yuta nauyog.

Dunay pagsinggit!

Ang tingog nadungog hangtod sa Pulang Dagat.+

23 Alang sa Damasco:+

Naluya sila sa kahadlok.

Ang dagat baloron kaayo ug kini dili molinaw.

24 Ang Damasco nawad-ag kaisog.

Siya mikalagiw, apan gihakgom siya sa kalisang.

28 Bahin sa Kedar+ ug sa mga gingharian sa Hazor, nga gipamukan ni Haring Nabucodonosor* sa Babilonya, kini ang giingon ni Jehova:

Ang ilang mga kamelyo panguhaon,

Ug sila mosinggit kanila, ‘Dunay kalisang sa tibuok palibot!’”

30 “Kalagiw mo, adto sa layo!

Pangadto mo ug panago sa ubos nga mga dapit, Oh mga molupyo sa Hazor,” miingon si Jehova.

“Kini walay mga sira o trangka; sila nagpuyo nga silasila ra.

34 Kini ang mensahe nga nadawat ni propetang Jeremias gikan kang Jehova bahin sa Elam+ sa sinugdanan sa pagmando ni Haring Zedekias+ sa Juda: 35 “Kini ang giingon ni Jehova sa mga panon, ‘Ania, balion nako ang pana sa Elam,+ ang tinubdan* sa ilang pagkagamhanan. 36 Ipadala nako batok sa Elam ang upat ka hangin gikan sa upat ka tumoy sa langit, ug patibulaagon nako sila ngadto niining tanan nga hangin. Walay nasod nga dili maadtoan sa gipatibulaag nga mga taga-Elam.’”

37 “Ipahinabo nako nga ang mga Elamihanon mahadlok sa ilang mga kaaway ug niadtong nagtinguha sa ilang kinabuhi; ug pahamtangan nako silag katalagman, ang akong nagsilaob nga kasuko,” miingon si Jehova. “Ug ipahinabo nako nga gukdon sila sa espada hangtod nga mapuo nako sila.”

38 “Ug ipahimutang nako ang akong trono sa Elam,+ ug laglagon nako gikan didto ang hari ug ang mga prinsipe,” miingon si Jehova.

39 “Apan sa kaulahiang bahin sa mga adlaw, tigomon nako ang mga nabihag sa Elam,” miingon si Jehova.

50 Kini ang mensahe ni Jehova bahin sa Babilonya,+ bahin sa yuta sa mga Caldeanhon, pinaagi kang propetang Jeremias:

 2 “Ipahayag kini taliwala sa kanasoran ug imantala kini.

Ipataas ang usa ka ilhanan* ug imantala kini.

Ayawg itago ang bisan unsa!

Sulti, ‘Ang Babilonya nabihag.+

Si Bel gipakaulawan.+

Si Merodak nalisang.

Ang iyang mga larawan gipakaulawan.

Ang iyang makaluod nga mga idolo* nangalisang.’

 3 Kay usa ka nasod ang miabot batok kaniya gikan sa amihanan.+

4 “Nianang mga adlawa ug nianang panahona,” miingon si Jehova, “ang katawhan sa Israel ug ang katawhan sa Juda magdungan ug abot.+ Sila manghilak samtang naglakaw,+ ug sila mangita kang Jehova nga ilang Diyos.+ 5 Sila mangutana sa dalan paingon sa Zion, nga mag-atubang sa maong direksiyon,+ nga mag-ingon, ‘Ari mo ug ibugkos nato ang atong kaugalingon kang Jehova diha sa usa ka walay kataposang pakigsaad nga dili malimtan.’+ 6 Ang akong katawhan nahimong panon sa nawala nga mga karnero.+ Ang ilang mga magbalantay nagpahisalaag kanila.+ Ila silang gigiyahan ngadto sa kabukiran ug sila naglatagaw sa kabukiran ug kabungtoran. Nalimtan nila ang ilang pahulayanan. 7 Gilamoy sila sa tanang nakakaplag kanila,+ ug ang ilang mga kaaway miingon, ‘Dili mi sad-an, kay sila nakasala kang Jehova, batok sa puy-anan sa pagkamatarong ug sa paglaom sa ilang mga katigulangan, si Jehova.’”

10 Ang Caldea mahimong inagaw.+

Ang tanan nga manguha sa iyang mga butang matagbaw pag-ayo,”+ miingon si Jehova.

12 Ang inyong inahan naulawan pag-ayo.+

Siya nga nanganak kaninyo nahigawad.

15 Sa iyang palibot, singgit mog usa ka singgit sa pakiggubat batok kaniya.

Siya misurender na.*

Panimasli ninyo siya.

Buhata kaniya ang sama sa iyang gibuhat.+

17 “Ang katawhan sa Israel samag natibulaag nga mga karnero.+ Gipatibulaag sila sa mga leyon.+ Una, sila gitukob sa hari sa Asirya;+ dayon gikitkit ni Haring Nabucodonosor* sa Babilonya ang ilang mga bukog.+ 18 Busa kini ang giingon ni Jehova sa mga panon, ang Diyos sa Israel: ‘Ania, silotan nako ang hari sa Babilonya ug ang iyang yuta sa samang paagi nga gisilotan nako ang hari sa Asirya.+ 19 Ug dad-on nakog balik ang Israel ngadto sa iyang sibsibanan,+ ug siya manibsib sa Carmelo ug sa Basan,+ ug matagbaw siya sa kabukiran sa Epraim+ ug Gilead.’”+

21 “Tungas batok sa yuta sa Merataim ug batok sa mga molupyo sa Pekod.+

Tugoti nga sila pamatyon ug bug-os nga malaglag,”* miingon si Jehova.

“Buhata ang tanan nga akong gisugo kanimo.

23 Ang maso nga nagadugmok sa kanasoran sa tibuok yuta naputol ug nadaot gayod!+

Ang Babilonya nahimo gayong kahadlokan taliwala sa kanasoran!+

26 Pangadto mo batok kaniya gikan sa lagyong dapit.+

Buksi ang iyang mga kamalig.+

Pundoka siya samag tapok sa lugas.

Bug-os siyang laglaga.*+

Hinaot nga walay mahibilin kaniya.

Pagkampo mo palibot kaniya; ayawg tugoting may makaikyas.+

Basli siya sumala sa iyang mga buhat.+

Himoa kaniya ang sama sa iyang gihimo.

33 Kini ang giingon ni Jehova sa mga panon:

Wala nila sila palakwa.+

34 Apan ang ilang Manlulukat kusgan.+

Jehova sa mga panon ang iyang ngalan.+

Labanan gayod niya ang ilang kaso,+

Aron mahatagan ug pahulay ang yuta+

Ug samokon ang mga molupyo sa Babilonya.”+

36 Dunay espada batok sa mga tigsultig walay pulos,* ug sila molihok nga binuangbuang.

Dunay espada batok sa iyang mga manggugubat, ug sila mangalisang.+

Dunay espada batok sa iyang mga bahandi, ug kini pagaagawon.+

38 Dunay dakong kadaot diha sa iyang katubigan, ug kini mahubsan.+

40 “Sama nga gipukan sa Diyos ang Sodoma ug ang Gomora+ ug ang ilang silingang mga lungsod,”+ miingon si Jehova, “walay mopuyo didto ug walay mobalhin didto aron mopuyo.+

42 Sila naggamit ug pana ug salapang.+

Sila bangis ug dili maluoy.+

Nahiusa sila sa pagpakiggubat kanimo, Oh anak nga babaye sa Babilonya.+

44 “Tan-awa! Dunay mogula nga samag leyon gikan sa bagang kalibonan ubay sa Jordan ug iyang atakehon ang luwas nga mga sibsibanan, apan sa daklit lang palayason nako sila gikan kaniya. Ug itudlo nako ibabaw kaniya ang usa nga gipili.+ Kay kinsa ang sama kanako, ug kinsa ang mohagit kanako? Kinsa nga magbalantay ang makabarog sa akong atubangan?+ 45 Busa patalinghogi ninyo ang desisyon* ni Jehova batok sa Babilonya+ ug kon unsay iyang gihunahuna batok sa yuta sa mga Caldeanhon.

Ang mga nating karnero sa panon pangguyoron gayod.

Ang ilang pinuy-anan himoon niyang biniyaan tungod kanila.+

51 Kini ang giingon ni Jehova:

 3 Dili na mabawog* sa magpapana ang iyang busogan.

Ug ang usa nga nagsul-ob ug kotamaya dili na makatindog aron makig-away.

Ayawg kaluy-i ang iyang mga batan-ong lalaki.+

Laglaga ang tanan niyang kasundalohan.

 5 Kay ang Israel ug ang Juda wala mabalo sa ilang Diyos, si Jehova sa mga panon.+

Apan ang ilang yuta* napuno sa kasal-anan sa panglantaw sa Balaang Usa sa Israel.

Ayawg tugoting mamatay mo tungod sa iyang kasaypanan.

Kay kini ang panahon sa pagpanimalos ni Jehova.

Siya nagabalos kaniya sumala sa iyang gihimo.+

 8 Sa kalit ang Babilonya napukan ug nagun-ob.+

Tiyabaw tungod kaniya!+

Pagkuhag balsamo alang sa iyang kasakit; basin maayo pa siya.”

 9 “Gisulayan natog ayo ang Babilonya, apan dili na siya maayo.

Biyai siya, ug mangadto ta sa atong tagsatagsa ka yuta.+

10 Si Jehova nagpahamtang ug hustisya alang kanato.+

Dali, isugilon nato sa Zion ang buhat ni Jehova nga atong Diyos.”+

11 “Pasinawa ang mga udyong;+ andama ang lingin nga mga taming.*

Kay kini ang panimalos ni Jehova, ang panimalos alang sa iyang templo.

12 Pag-isa ug ilhanan*+ batok sa mga paril sa Babilonya.

Palig-ona ang depensa, papuwestoha ang mga tigbantay.

Paandama kadtong mga mangatang aron patyon ang kaaway.

17 Ang matag tawo molihok nga walay salabotan ug walay kahibalo.

18 Panglimbong*+ kini ug butang nga kayagayagaan.

Dihang moabot ang ilang adlaw sa paghukom, sila malaglag.

Jehova sa mga panon ang iyang ngalan.”+

Pinaagi kanimo akong gun-obon ang mga gingharian.

21 Pinaagi kanimo akong dugmokon ang kabayo ug ang nagsakay niini.

Pinaagi kanimo akong dugmokon ang karong panggubat ug ang nagsakay niini.

22 Pinaagi kanimo akong dugmokon ang lalaki ug babaye.

Pinaagi kanimo akong dugmokon ang tigulang ug bata.

Pinaagi kanimo akong dugmokon ang batan-ong lalaki ug babaye.

23 Pinaagi kanimo akong dugmokon ang magbalantay ug ang iyang panon sa kahayopan.

Pinaagi kanimo akong dugmokon ang mag-uuma ug ang iyang parisan sa mga hayop.

Pinaagi kanimo akong dugmokon ang mga gobernador ug ang mga opisyal.

27 “Pag-isa mo ug ilhanan* diha sa yuta.+

Paghuyop ug budyong taliwala sa kanasoran.

Pagtudlo* ug mga nasod batok kaniya.

Ipatawag batok kaniya ang mga gingharian sa Ararat,+ Mini, ug Askenaz.+

Pagtudlo ug sundalo batok kaniya.

Pasulonga ang mga kabayo samag nagpanon nga nagkamang nga mga dulon.

30 Ang mga manggugubat sa Babilonya mihunong na sa pagpakig-away.

Sila nanglingkod sa ilang mga kuta.

Ang ilang kusog nahurot.+

Sila nahisamag mga babaye.+

Ang iyang mga balay gisunog.

Ang iyang mga trangka nangabali.+

33 Kay kini ang giingon ni Jehova sa mga panon, ang Diyos sa Israel:

“Ang anak nga babaye sa Babilonya samag giokanan.

Kini ang panahon nga siya tamaktamakan hangtod nga mabantok.

Hapit na gayong moabot ang ting-ani alang kaniya.”

Iya kong gipahimutang ingong sudlanan nga walay sulod.

Iya kong gibanlas.

35 ‘Mahitabo unta sa Babilonya ang kapintasan nga iyang gibuhat kanako ug sa akong lawas!’ miingon ang molupyo sa Zion.+

‘Ug manubag unta ang mga molupyo sa Caldea sa akong dugo!’ miingon ang Jerusalem.”

36 Busa kini ang giingon ni Jehova:

Akong pahubson ang iyang dagat ug pamalhon ang iyang mga atabay.+

38 Silang tanan mongulob samag mga batang leyon.*

Sila mongulob samag mga nating leyon.”

Nahimo gayong kahadlokan ang Babilonya taliwala sa kanasoran!

42 Ang dagat misanap sa Babilonya.

Siya natabonan sa daghang balod niini.

43 Ang iyang mga siyudad nahimong kahadlokan, usa ka yuta nga walay tubig ug usa ka desyerto.

Yuta nga walay tawong mopuyo ug moagi.+

45 Gula mo gikan sa iyang taliwala, akong katawhan!+

Luwasa ang inyong kinabuhi+ gikan sa nagsilaob nga kasuko ni Jehova!+

46 Ayaw mog kakulba ug kahadlok bahin sa balita nga madungog sa yuta.

50 Kamong nakaikyas sa espada, padayon lang mog ikyas, ayawg hunong!+

51 “Kami naulawan, kay nakadungog mig mga pagtamay.

Ang ilang tingog madunggan.

Siya manimalos gayod.+

58 Kini ang giingon ni Jehova sa mga panon:

59 Kini ang gisugo ni propetang Jeremias kang Seraias nga anak ni Nerias+ nga anak ni Maseias dihang miadto siya sa Babilonya uban kang Haring Zedekias sa Juda sa ikaupat nga tuig sa iyang pagmando; si Seraias mao ang tigdumala sa mga lawak. 60 Gisulat ni Jeremias sa usa ka basahon ang tanang katalagman nga moabot sa Babilonya, nga ang tanan gisulat batok sa Babilonya. 61 Dugang pa, si Jeremias miingon kang Seraias: “Inig-abot nimo sa Babilonya ug makita nimo ang siyudad, angay nimong basahog kusog kining tanan. 62 Unya sulti, ‘Oh Jehova, misulti ka batok niining dapita nga kini malaglag ug dili na puy-an, tawo man o mananap, ug kini maawaaw hangtod sa hangtod.’+ 63 Ug pagkahuman nimog basa niining basahona, hikti kinig bato ug ilabog sa tunga sa Euprates. 64 Unya sulti, ‘Sa ingon niini nga paagi maunlod ang Babilonya ug dili na gyod kini motunga+ tungod sa katalagman nga akong ipahinabo kaniya; ug mahago gyod sila.’”+

Hangtod dinhi ang mga pulong ni Jeremias.

52 Si Zedekias+ 21 anyos dihang nahimo siyang hari, ug siya nagmando sa Jerusalem sulod sa 11 ka tuig. Ang iyang inahan mao si Hamutal+ nga anak ni Jeremias nga taga-Libna. 2 Siya nagpadayon sa pagbuhat kon unsay daotan sa mga mata ni Jehova, sumala sa tanang gibuhat ni Jehoiakim.+ 3 Nahitabo kini tungod sa kasuko ni Jehova sa Jerusalem ug Juda, hangtod nga iyang giwagtang sila sa iyang panan-aw.+ Ug si Zedekias mirebelde sa hari sa Babilonya.+ 4 Sa ikasiyam nga tuig sa pagmando ni Zedekias, sa ika-10 nga adlaw sa ika-10 nga bulan, si Haring Nabucodonosor* sa Babilonya misulong sa Jerusalem uban ang tibuok niyang kasundalohan. Sila nagkampo batok niini ug nagtukod ug paril libot niini.+ 5 Ug ang siyudad gilikosan hangtod sa ika-11 nga tuig sa pagmando ni Haring Zedekias.

6 Sa ikasiyam nga adlaw sa ikaupat nga bulan,+ grabe ang gutom sa siyudad ug walay pagkaon alang sa katawhan sa yuta.+ 7 Giguba ang usa ka bahin sa paril sa siyudad, ug pagkagabii ang tanang sundalo mikalagiw gikan sa siyudad agi sa ganghaan taliwala sa duha ka paril duol sa tanaman sa hari, samtang ang mga Caldeanhon naglibot sa siyudad; ug sila miagi sa dalan paingon sa Araba.+ 8 Apan ang hari gigukod sa kasundalohan sa mga Caldeanhon, ug ilang naapsan si Zedekias+ didto sa desyertong kapatagan sa Jerico, ug ang tanan niyang kasundalohan nagkatibulaag. 9 Unya ilang gidakop ang hari ug gidala siya ngadto sa hari sa Babilonya didto sa Ribla sa yuta sa Hamat, ug iyang gisentensiyahan siya. 10 Ug gipatay sa hari sa Babilonya ang mga anak nga lalaki ni Zedekias sa iyang atubangan, ug gipatay usab niya sa Ribla ang tanang prinsipe sa Juda. 11 Unya gibutaan sa hari sa Babilonya si Zedekias,+ gigapos siyag tumbaga nga kadena, gidala siya sa Babilonya, ug gibilanggo siya hangtod sa adlaw sa iyang kamatayon.

12 Sa ika-10 nga adlaw sa ikalimang bulan sa ika-19 nga tuig sa pagmando ni Haring Nabucodonosor* sa Babilonya, si Nebuzaradan nga pangulo sa mga bantay, nga tig-alagad sa hari sa Babilonya, miabot sa Jerusalem.+ 13 Iyang gisunog ang balay ni Jehova,+ ang balay* sa hari, ug ang tanang balay sa Jerusalem; gisunog usab niya ang matag dakong balay. 14 Ug ang mga paril palibot sa Jerusalem gitumpag sa tibuok Caldeanhong kasundalohan nga kauban sa pangulo sa mga bantay.+

15 Gidestiyero ni Nebuzaradan nga pangulo sa mga bantay ang pipila sa ubos nga mga tawo ug ang katawhan nga nahibilin sa siyudad. Gidestiyero usab niya ang mga mibiya aron modapig sa hari sa Babilonya ingon man ang uban pa sa mga batid nga artesano.*+ 16 Apan gibilin ni Nebuzaradan nga pangulo sa mga bantay ang pipila sa kinapobrehan sa yuta ingong tig-atiman sa mga ubasan ug ingong mag-uuma nga gipugos sa pagtrabaho.+

17 Ug gidugmok sa mga Caldeanhon ang mga haligi+ nga tumbaga sa balay ni Jehova ug ang mga kareton+ ug ang Dagatdagat nga tumbaga+ nga didto sa balay ni Jehova, ug ilang gidala ang tanang tumbaga ngadto sa Babilonya.+ 18 Gipanguha usab nila ang mga sudlanag abo, pala, pangpalong, panaksan,+ kopa,+ ug ang tanang galamiton nga tumbaga nga gigamit sa pag-alagad sa templo. 19 Gikuha sa pangulo sa mga bantay ang mga kawakawa,+ insensaryo, panaksan, sudlanag abo, tangkawan,*+ kopa, ug mga panaksan nga gama sa lunsayng bulawan ug plata.+ 20 Kon bahin sa duha ka haligi, sa Dagatdagat, sa 12 ka torong baka+ nga tumbaga ilalom sa Dagatdagat, ug sa mga kareton nga gihimo ni Haring Solomon alang sa balay ni Jehova, ang tumbaga niini daghan kaayo nga kini dili na matimbang.

21 Kon bahin sa mga haligi, ang matag usa 18 ka maniko* ang gihabogon ug malibot sa usa ka pisi nga 12 ka maniko;+ ang gibag-on niini upat ka tudlo,* ug haw-ang ang sulod niini. 22 Ug ang uloulo niini maoy tumbaga; ug ang gihabogon sa usa ka uloulo lima ka maniko;+ ug ang ginambat ug ang mga disenyo nga pormag prutas nga granada sa palibot sa uloulo gama sa tumbaga. Ingon usab niana ang ikaduhang haligi ug ang mga granada. 23 Dihay 96 ka granada sa palibot niini; tanantanan, dihay 100 ka granada sa palibot sa ginambat.+

24 Gidala usab sa pangulo sa mga bantay si Seraias+ nga pangulong saserdote, si Sofonias+ nga ikaduhang saserdote, ug ang tulo ka magbalantay sa pultahan.+ 25 Ug iyang gikuha gikan sa siyudad ang usa ka opisyal sa palasyo nga nangulo sa mga sundalo, ang pito ka suod nga kauban sa hari nga didto sa siyudad, ingon man ang sekretaryo sa pangulo sa kasundalohan nga nagtigom sa katawhan sa yuta ug ang 60 ka lalaki gikan sa katawhan sa yuta nga didto sa siyudad. 26 Gidala sila ni Nebuzaradan nga pangulo sa mga bantay ngadto sa hari sa Babilonya didto sa Ribla. 27 Sila gipamatay sa hari sa Babilonya didto sa Ribla+ sa yuta sa Hamat. Busa ang Juda gidestiyero gikan sa yuta niini.+

28 Kini ang katawhan nga gidestiyero ni Nabucodonosor:* sa ikapitong tuig sa iyang pagmando, 3,023 ka Hudiyo.+

29 Sa ika-18 nga tuig sa pagmando ni Nabucodonosor,*+ 832 ka tawo ang gidestiyero gikan sa Jerusalem.

30 Sa ika-23 nga tuig sa pagmando ni Nabucodonosor,* gidestiyero ni Nebuzaradan nga pangulo sa mga bantay ang mga Hudiyo, 745 ka tawo.+

Tanantanan, 4,600 ka tawo ang gidestiyero.

31 Unya sa ika-37 nga tuig sa pagkadestiyero ni Haring Jehoiakin+ sa Juda, si Evil-merodak nahimong hari sa Babilonya. Sa ika-25 nga adlaw sa ika-12 nga bulan sa maong tuig, iyang gipagula si* Haring Jehoiakin sa Juda sa bilanggoan.+ 32 Maayo ang iyang pagtratar kaniya ug iyang gihatagan siyag posisyon* nga labaw pa sa ubang mga hari nga kauban niya sa Babilonya. 33 Busa gihukas ni Jehoiakin ang iyang mga besti sa pagkabinilanggo, ug siya magkan-anan na uban sa hari sa tanang adlaw sa iyang kinabuhi. 34 Adlaw-adlaw siyang ginahatagan sa hari sa Babilonya ug pagkaon hangtod sa adlaw sa iyang kamatayon, sa tanang adlaw sa iyang kinabuhi.