‘Panghupay sa Iyang Kamingaw’

Usa ka tawo nga diha sa iyang asaynment sa trabaho sa Sultanate sa Oman misulat sa sangang buhatan sa Watch Tower Society sa India. “Sa pipila ka adlawng milabay,” siya miingon, “Nakita ko ang librong Kalipay​—Kon Unsaon Pagkaplag Niini diha sa balay sa usa sa akong mga higala dinhi. Dili na kinahanglang isulti pa, ang libro sa katibuk-an, bililhon kaayo. Sa prangkang pagkasulti, kining gamayng libro nakaimpluwensiya ug dako kanako, ug buot kong hatagan niining mahigugmaong libro ang akong asawa ingong gasa sa among anibersaryo sa kasal aron sa paghupay sa iyang kamingaw. Palihog padad-i ang akong asawa niining libroha sa pinakasayo nga panahon. Ang iyang direksiyon makita sa ibabaw.”

Kining 192-panid nga libro dili lamang nagahatag ug makapadasig nga tabang sa pagsagubang sa malisod nga mga kahimtang apan nagpunting sa paagi sa pagbaton sa dumalayong mga solusyon sa problema sa kinabuhi. Kon buot mo nga makadawat ug kopya, palihog sulati ug ipadala ang kupon sa ubos.

Buot ko nga makadawat sa gahig-hapin nga librong Kalipay​—Kon Unsaon Pagkaplag Niini. (Pagsulat sa direksiyon sa ubos alang sa impormasyon. Sa gawas sa Pilipinas, pagsulat sa lokal nga sangang-buhatan sa Watch Tower alang sa impormasyon. Tan-awa ang panid 5.)