‘Ginapadapat Ninyo ang Inyong Ginawali’

Ang mga Saksi ni Jehova nagapalakaw ug mga sangang opisina diha sa halos usa ka gatos ka nasod sa tibuok yuta. Sa miaging tuig sa Habagatang Aprika, usa ka tawo gikan sa Beacon Bay misulat ug usa ka sulat sa apresasyon ngadto sa sangang opisina sa Watch Tower Society sa maong nasod. Siya miingon:

“Ako dili usa ka Saksi apan regular nga nagabasa sa Bantayanang Torre ug Pagmata! nga mga magasin. Sa pagkatinuod nakaplagan ko nga makapadasig gayod ang pagbasa niini. Nagahisgot kamo ug daghan nagkalainlaing mga ulohan niining magasina ug nagapresentar sa inyong materyal nga tin-aw kaayo ug sa propesyonal nga paagi.

“Hataas kaayo ang akong pagtamod sa moral ug sa batasan sa mga Saksi. Kamo lamang ang matang sa Kristiyanidad nga akong nahibalag kansang mga membro nagapadapat kanunay sa ilang ginaangkon. Hinaot magmauswagon ang inyong buluhaton.”

Sa dili pa dugayng katuigan ang buluhaton sa mga Saksi ni Jehova miuswag ngadto sa gidak-on nga kapin sa 30 sa ilang mga sanga sa tibuok yuta karon nagapatik sa Ang Bantayanang Torre ug Pagmata! Sa katibuk-an, halos 700 ka milyong kopya niining magasina ang gipatik sa miaging tuig, duolan sa 16 ka milyong kopya sa matag isyu sa Ang Bantayanang Torre ug kapin sa 13 ka milyong kopya sa matag isyu sa Pagmata!

Kon buot mo ang dugang impormasyon o usa ka libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o ngadto sa nahiangay nga direksiyon nga gilista sa panid 5.