Kana Nagkunhod Pag-ayo sa Mahilayong Pakigsekso

Usa ka magtatambag sa usa ka unibersidad sa Oklahoma, T.B.A., mitaho nga ang librong Mga Pangutanang Gisukna sa mga Batan-on​—Mga Tubag nga Mosaler nakahimo sa ibabaw. Ang magtatambag sa Langston University misulat:

“Akong itambag sa kang bisan kinsang tawo nga nagdumala sa mga batan-on tali sa mga panuigong 13-18 sa paggamit niining linaing libro. Kini nagsaysay sa sekso sa paagi nga angayng mahibaloan sa atong mga estudyante aron makasagubang sa mga suliran sa makuti nga katilingban karong adlawa. Gikan sa akong kasinatian, akong nakaplagan nga nakatabang kanila nga mahibalo kon unsay mahitabo kon sila mahilayon. Kini nagpasinati kanila sa lainlaing mga sakit nga napasa pinaagi sa sekso sama sa AIDS, sakit nga beneryal, herpes ug gonorya.

“Kon ikaw mohukom nga makigsekso, kini magpunting kon unsaon nimo pagpili ug usa lamang ka kapikas sa kinabuhi, ug magbayaw sa pagkabalaan sa kaminyoon. Ako nalipay gayod sa paggamit niining libroha. Kini adunay epekto diha sa mga kinabuhi niadtong naggamit niana. Ako nakamatikod nga ang gidaghanon sa batan-ong mga babaye sa among programa nga namabdos mikunhod pag-ayo human kana gipailaila.”

Kon buot kang makadawat ug kopya sa Mga Pangutanang Gisukna sa mga Batan-on​—Mga Tubag nga Mosaler o makabaton ug usa ka libreng pagtuon sa Bibliya, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon sa panid 5.