Kini Bang Kalibotana Molungtad?

Ang maong makaikag nga pangutana maoy ulohan sa usa ka tract nga giapod-apod sa mga Saksi ni Jehova. Sa miaging tuig usa ka molupyo sa Washington, D.C., nakadawat niini nga tract ug miingon nga siya naikag. Siya misulat:

“Dayag alang sa usa nga nagpuyo sa kaulohan sa atong nasod nga ang kalibotan sa pagkatinuod nagsingabot sa usa ka kataposan. Ang amihanang Irlandia, kanhing Yugoslavia, kanhing mga republika sa Unyong Sobyet, tanan nagpamatuod sa kangitngit ug panag-away nga mihampak niining kalibotana karong adlawa. Ang naghuot nga mga prisohan, ang bag-ong mga epidemya sa tesis ug black plague, tanan nagpamatuod sa punto nga gipasiugda sa inyong tract.”

Ang tawo mihangyo: “Palihog padad-i ako ug dugang impormasyon bahin sa inyong talagsaong hunahuna, ug sa libreng pagtuon sa Bibliya sa balay nga inyong gitanyag.”

Ang mga Saksi ni Jehova nagatudlo sa katawhan sa ginaingon sa Bibliya mahitungod sa kaugmaon sa katawhan. Kon buot kag kopya sa gihisgotan sa itaas nga tract o buot ug usa ka libreng pagtuon sa Bibliya sa balay, palihog pagsulat sa Watch Tower, P. O. Box 2044, 1099 Manila, o sa nahiangay nga direksiyon nga gilista sa panid 5.