Dili Mag-usik, Dili Manginahanglan

SA ATONG modernong katilingban sa mga konsumedor, ang luwas nga paglabay sa basura ug sa peligrosong mga hugaw gikan sa mga pabrika nahimong usa ka makalilisang nga kasinatian. Sa kaatbang, ang linalang sa Diyos maoy kahibulongan kon bahin sa pagdaginot ug paggamit pag-usab. Tagda, pananglitan, ang balay sa putyukan. Ang talo, ang materyal nga igtutukod sa udlan, maoy mahalon nga manggad​—ang putyukan nagkinahanglan ug 16 gramos nga dugos ug wala-matinong gidaghanon sa malo aron sa paghimog usa lamang ka gramong talo. Sa unsang paagi gibadyet sa mga putyukan ang ilang talo? “Ang taloon nga mga bungbong sa mga lawak sa udlan mag-abot nga tinaggutlo sa 120-gradong mga anggulo, nga magporma ug usa ka regular nga han-ay sa unom-ug-kantong mga lawak,” misaysay ang librong By Nature’s Design. “Kining maong desinyo makapaarang sa mga putyukan sa pagpamenos sa gidaghanon sa talo nga ilang gamiton, samtang nagtagana ug lig-ong tinukod nga pondohan sa dugos.” Busa ang maalamong-pagkahimo nga tinukod nagkombinar sa katahom sa porma uban sa pagpamenos sa trabaho, ug kana mahimong gamiton pag-usab!

Kon nahimuot kang magbasa sa mga artikulo bahin sa siyensiya ug kinaiyanhong mga kahibulongan ug buot nga makadawat nga regular sa Pagmata!, pakigkita sa mga Saksi ni Jehova diha sa inyong silinganan o pagsulat sa kinadul-ang direksiyon nga napatik sa panid 5.