Nahibalo Ka Ba?

(Ang mga tubag niining maong pasulit makaplagan sa mga teksto sa Bibliya nga gihatag, ug ang kompletong listahan sa mga tubag gipatik sa panid 25. Alang sa dugang impormasyon, susiha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)

1. Unsang mga kolor sa mga tina ang kaylap nga gigamit diha sa mga kasangkapan sa templo ug sa mga besti nga gisul-ob sa hataas nga saserdote? (Exodo 36:35)

2. Pila ka Persianong mga prinsipe ang nag-alagad ingong kinasuorang mga magtatambag ni Haring Assuero ug nagkauyon sa paghukom batok kang Rayna Vasti? (Ester 1:13-15)

3. Sa unsang karaang siyudad nga si Melquisedek nag-alagad ingong hari ug saserdote? (Genesis 14:18)

4. Usa ka porma sa unsang pulong ang gigamit sa Latin nga mga hubad sa Bibliya nga nagpakita sa kahoy nga gibitayan ni Jesus? (Tan-awa ang Mateo 10:38, potnot)

5. Kinsa ang ugangang-lalaki ni Moises? (Numeros 10:29)

6. Gipahayag ni Jesus nga walay Hudiyo nga makapangangkon sa unsa bahin sa Balaod ni Moises? (Juan 7:19)

7. Unsa ang tawo, sa masambingayong pagkasulti, diha sa mga kamot sa Dakong Magkukulon? (Isaias 64:8)

8. Unsa ka subsob nga ang hataas nga saserdote sa Israel mosulod sa Labing Balaan? (Hebreohanon 9:7)

9. Bisan tuod ang mga tawo tingali ang nagtanom ug nagbisibis, unsa ang ipahinungod sa Diyos? (1 Corinto 3:7)

10. Sumala kang Jesus unsa alang kaniya ang paghimo sa kabubut-on sa iyang Amahan? (Juan 4:32, 34)

11. Kay naghunahuna nga kadto may relihiyosong bili, hangtod sa unsang bahin nga ang mga Pariseo naghugas sa ilang mga kamot sa dili pa mokaon? (Marcos 7:3)

12. Si Jesus miingon nga ang usa “kinahanglang maulipon sa tanan” aron makadawat sa unsang posisyon? (Marcos 10:44)

13. Unsay giingon ni Pablo nga dili tinuod kon kini makita? (Roma 8:24)

14. Unsay tawag sa grupo sa mga hayop nga naglihok ingong usa ka pundok? (Genesis 32:16)

15. Kinsang tinun-ana ang nangutana kang Jesus: “Ikaw ba nagapuyo ingong usa ka langyaw nga nag-inusara sa Jerusalem?” (Lucas 24:18)

16. Sa unsa nga gitambagan kita ni Pablo nga “magpakahingkod” samtang “magpakabata sa pagkadaotan”? (1 Corinto 14:20)

17. Sa unsang Hudiyonhong bulan nga si Nehemias nagkompleto sa pagtukod pag-usab sa mga paril sa Jerusalem? (Nehemias 6:15)

18. Unsang siyudara ang nagsilbing kaulohan sa amihanang gingharian sa Israel sulod sa mga 200 ka tuig? (2 Hari 3:1)

19. Kinsa ang amahan ni propetang Joel? (Joel 1:1)

20. Unsang matanga sa kahoy ang giingon ni Isaias nga itanom sa usa ka tawo ug sa ulahi gamiton sa pagluto sa iyang pagkaon, sa pagpainit sa iyang kaugalingon, ug sa paghimog usa ka diyos? (Isaias 44:14-17)

21. Unsang talaan ang nagsunod sa asoy sa Bibliya bahin sa torre sa Babel? (Genesis 11:10)

22. Unsang matagnaong yugto sa panahon ang una gayod nga mahitabo sa dili pa motungha ang Mesiyas? (Daniel 9:25)

23. Kinsa ang inahan sa maayong Haring Hezekias? (2 Hari 18:2; 2 Cronicas 29:1)

24. Kon ang usa ka tawo mopahayag ug “kasilag sa mga idolo,” dili siya dahomon nga mobuhat ug unsa sa mga templo? (Roma 2:22)

25. Pinasikad sa unsa nga pagahukman ang matag usa nga binanhaw? (Pinadayag 20:12, 13)

26. Sumala kang Santiago, ang konsiderasyon alang kang kinsa maoy ilhanan sa matuod nga pagsimba? (Santiago 1:27)

Mga Tubag sa Pasulit

1. Pulahong purpura ug coccus nga eskarlata

2. Pito

3. Salem

4. Crux

5. Reuel

6. Nga iyang tumanon kana

7. Ang yutang kulonon

8. Kas-a sa usa ka tuig

9. Pagpatubo niana

10. Pagkaon

11. Sa siko

12. Una taliwala sa mga tinun-an ni Jesus

13. Paglaom

14. Usa ka panon

15. Cleopas

16. “Mga gahom sa pagsabot”

17. Elul

18. Samaria

19. Pethuel

20. Kahoy nga haya

21. “Ang kasaysayan ni Sem”

22. Ang “kan-umag-duha ka semana”

23. Abi o Abija

24. Tulison kini

25. Ilang mga binuhatan

26. Mga ilo ug mga balo