Nasayod Ka Ba?

(Ang mga tubag niini nga pasulit makaplagan diha sa gitaganang mga teksto sa Bibliya, ug ang bug-os nga listahan sa mga tubag gipatik sa panid 27. Alang sa dugang impormasyon, tan-awa ang “Insight on the Scriptures,” nga gipatik sa Watchtower Bible and Tract Society of New York, Inc.)

1. Unsang trabahoa nga nalangkit si Jesus didto sa iyang pinuy-anan? (Marcos 6:3)

2. Kinsa ang Kristohanon sa Roma kansang inahan gihigugma pag-ayo ni Pablo nga si Pablo nagtawag kaniya nga iya mismong inahan? (Roma 16:13)

3. Ang mga tiktik nga gipadala ni Moises sa Hebron nakakitag unsang matanga sa mga lalaki kansang talagsaong gidak-on nakapalisang pag-ayo sa napulo kanila nga sila nahadlok sa pagsulod sa Yutang Saad? (Numeros 13:22, 32, 33)

4. Sumala sa karaang mga sukdanan, unsa ka daghang lana sa olibo ang gigamit sa paghimo sa balaang lana nga igdidihog? (Exodo 30:24)

5. Unsay mahitabo sa “ngalan mismo sa mga daotan”? (Proverbio 10:7)

6. Unsang dapita ang gihunongan sa prosesyon sa paglubong ni Jacob sulod sa pito ka adlaw nga pagbangotan una pa ang paglubong kaniya sa langob sa Makpela? (Genesis 50:10)

7. Nganong ang Persianong Haring Ahasuero nagmando sa iyang mga opisyal sa palasyo sa pagdala kang Rayna Vasti sa iyang atubangan? (Ester 1:10, 11)

8. Unsang hitaboa ang mitultol sa kamatayon ni Absalom? (2 Samuel 18:9)

9. Unsay gitanyag ni Caleb nga ganti ngadto ni bisan kinsang makabihag sa kuta sa Debir? (Josue 15:16)

10. Aron ipakita ang iyang pagkawalay-kataposan, sa unsang mga termino nga gihubit ni Jehova ang iyang kaugalingon diha sa basahon sa Pinadayag? (Pinadayag 1:8; 21:6)

11. Unsay naandang besti sa pagbangotan sa mga panahon sa Bibliya? (Genesis 37:34)

12. Sa pagdumili sa imbitasyon ni David, kinsay girekomendar ni Barzillai nga mopuli sa iyang dapit diha sa harianong palasyo? (2 Samuel 19:37)

13. Pinaagig pagbutyag sa unsa nga nalikayan ni Pablo nga malatigo samtang didto sa Jerusalem? (Buhat 22:24-​29)

14. Diin man si Haring Saul mikonsulta ug espiritista? (1 Samuel 28:7)

15. Unsay gibutang sa mga Romano, isip pagyagayaga, diha sa tuong kamot ni Jesus nga sa ulahi gigamit sa pagbunal kaniya sa ulo? (Mateo 27:29, 30)

16. Kinsa ang kanhing pampam nga nahimong katigulangan ni Jesus? (Mateo 1:5)

17. Pinaagi sa unsang mahait nga bato nga si Zipora, nga asawa ni Moises, nagtuli sa iyang anak nga lalaki ug busa nagpalikay sa katalagman? (Exodo 4:25)

18. Pinaagi sa unsa nga ang nabanhawng katawhan pagahukman? (Pinadayag 20:12)

19. Kansang ngalan ang nagkahulogang “Magsusupak”? (Zacarias 3:1)

20. Ang sumbong batok sa usa ka “ansiyano” kinahanglang dili dawaton gawas lamang kon gipamatud-an sa unsa? (1 Timoteo 5:19)

21. Kinsay midakop kang Jeremias tungod sa sayop nga sumbong sa pagtinguhang mobiya ngadto sa mga Babilonyanhon? (Jeremias 37:13, 14)

22. Tungod sa sala ni Acan, ang mga Israelinhon nakaagom ug kapildihan sa mga sundalo sa unsang siyudad? (Josue 7:4, 5)

23. Ang tawong makahimo apan dili gustong motrabaho angayng dili tugotan sa pagbuhat sa unsa? (2 Tesalonica 3:10)

24. Tungod sa pagkadaotan, kinsa ang duha ka anak nga lalaki ni Juda nga gipamatay ni Jehova? (Genesis 38:7-​10)

25. Sa karaang Israel takos sa silot sa kamatayon ang kapakyasan sa pagbuhat sa unsa? (Exodo 31:14, 15)

Mga Tubag Sa Pasulit

1. Pamanday

2. Rufo

3. Ang Anakim, o mga anak nga lalaki ni Anak, nga ilang nasaypan nga mga kaliwat sa Nepilim

4. Usa ka hin

5. Kini madunot

6. Atad

7. Aron ipasundayag ang iyang kaanyag

8. Samtang siya nagkabayo sa mula, ang iyang ulo nasangit sa mga sanga sa dakong kahoy, nga nagbitay kaniya

9. Kaminyoon ngadto sa iyang anak nga babayeng si Acsa

10. “Ang Alfa ug ang Omega, ang sinugdan ug ang kataposan”

11. Sako

12. Chimham

13. Nga siya usa ka Romano

14. En-dor

15. Usa ka tangbo

16. Rahab

17. Santik

18. Pinaagi sa “mga butang nga nahisulat sa mga basahong-linukot sumala sa ilang mga buhat”

19. Kang Satanas

20. Duha o tulo ka mga saksi

21. Irias

22. Ai

23. Pagkaon

24. Er ug Onan

25. Ang Igpapahulay