Nahibalo Ka Ba?

(Ang mga tubag niining maong pasulit hikaplagan diha sa mga teksto sa Bibliya nga gisitar, ug ang tibuok nga listahan sa mga tubag gipatik sa panid 27. Alang sa dugang impormasyon, konsultaha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)

1. Sa dihang nagsaway sa mga eskriba ug mga Pariseo, kinsay giingon ni Jesus nga “gibuno taliwala sa santuwaryo ug sa halaran”? (Mateo 23:35)

2. Kinsa ang panganayng anak nga lalaki ni Benjamin? (Genesis 46:21)

3. Kinsa ang saserdote sa banay ni Aaron nga usa ka iladong tigkopya ug magtutudlo sa Kasugoan? (Nehemias 8:1, 2)

4. Ang usa ka tawo kinahanglang mahimong unsa sa mga mata sa kalibotan aron mahimong tinuod nga maalamon? (1 Corinto 3:18, 19)

5. Unsay ngalan sa nagbitay nga bahin sa dalunggan? (Levitico 14:14)

6. Sumala ni Pablo unsay moresulta sa paghigugma sa salapi? (1 Timoteo 6:10)

7. Sama sa unsa ang “salog” sa langitnong karo sa panan-awon ni Ezequiel? (Ezequiel 1:22)

8. Unsa ang ngalan sa luok diin ang mga maglalawig nahadlok nga masangyad ang ilang sakayan samtang nagdala kang Pablo ngadto sa Roma isip usa ka binilanggo? (Buhat 27:17)

9. Gikan sa unsang kahoy ang sungkod ni Aaron? (Numeros 17:8)

10. Kutob sa unsang punto gipanalipdan ni Lot ang iyang mga bisita gikan sa mga manggugubot? (Genesis 19:6-8)

11. Unsa ang ngalan sa Bibliya alang sa Ehiptohanong siyudad sa Mempis? (Isaias 19:13)

12. Unsay pagtawag sa usa ka bayeng pulahong osa? (Proverbio 5:19)

13. Unsang mga insekto ang gitawag nga “usa ka katawhan” tungod sa ilang makutihong sosyal nga kahugpongan? (Proverbio 30:25)

14. Kinsa ang Canaanhong amahan sa asawa ni Juda? (Genesis 38:2)

15. Unsay tawag sa mestisong liwat sa laking-asno ug sa bayeng kabayo? (2 Samuel 13:29)

16. Unsay giingon nga “mga dulumtanan kang Jehova”? (Proverbio 12:22)

17. Giingnan si Elias nga 7,000 sa Israel ang wala moyukbo ngadto sa unsang bakak nga diyos? (1 Hari 19:18)

18. Unsang pulong ang gigamit sa paghubad sa Hebreohanon ug Gregong mga pulong alang sa Sheol ug Hades, nga misangpot sa kalibog kon unsay mahitabo sa mga patay? (Buhat 2:31, King James Version)

19. Kinsay nasayop paghukom nga ang matarong nga Ana maoy hubog? (1 Samuel 1:13)

20. Kinsa sa kongregasyon sa Roma ang gitawag ni Pablo ug “ang usang inuyonan diha kang Kristo”? (Roma 16:10)

21. Kinsa ang apostol nga dunay mas daghang pahayag nga natala sa Mga Ebanghelyo kay sa ubang 11? (Mateo 15:15)

22. Pinaagi sa pagpahayag sa unsa nga nakalingkawas si Pablo sa paglapdos? (Buhat 22:25-29)

23. Unsang duha ka pahumot ang gigamit ni Nicodemo sa pag-andam sa lawas ni Jesus alang sa paglubong? (Juan 19:39)

24. Pila ka sanlahong lalaki ang giayo ni Jesus sa higayon nga usa lamang ang mibalik sa pagpasalamat kaniya? (Lucas 17:12-19)

25. Ang Kasugoan nagdili sa pagpanghimaraot sa usang dunay unsang sakit, sanglit siya dili makadepensa sa iyang kaugalingon? (Levitico 19:14)

Mga Tubag sa Pasulit

1. Si “Zacarias nga anak ni Baraquias”

2. Bela

3. Esdras

4. Usa ka buangbuang

5. Langodngod

6. “Makadaot nga mga butang,” lakip ang ‘pagkahisalaag gikan sa pagtuo’

7. “Kasidlak sa dako kaayong yelo”

8. Sirtis

9. Almendras

10. Iyang gitanyag ang iyang mga anak babaye kanila

11. Nop

12. Usa ka bayeng lagsaw

13. Mga olmigas

14. Sua

15. Usa ka mula

16. Bakakong mga ngabil

17. Baal

18. Impiyerno

19. Hataas nga saserdoteng si Eli

20. Apeles

21. Pedro

22. Nga siya usa ka Romano

23. Mirra ug aloe

24. Napulo

25. Pagkabungol