Nahibalo Ka Ba?
(Ang mga tubag niini nga pasulit makaplagan sa mga teksto sa Bibliya nga gihatag, ug ang kompletong lista sa mga tubag gipatik sa panid 19. Alang sa dugang impormasyon, susiha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)
1. Kinsa ang gipugos sa pagtabang sa pagpas-an sa sakitanang estaka ni Jesus? (Mateo 27:32)
2. Unsang ekspresyon ang gigamit sa Diyos kapin sa 90 ka beses sa pagtumong kang manalagnang Ezequiel aron ipasiugda nga siya yutan-on lamang? (Ezequiel 2:1)
3. Sumala sa gipaila sa Balaod, gilantaw nang daan ni Jehova ang posibilidad nga unsang himan sa panguma ang lagmit gamiton ingong hinagiban? (Exodo 21:18)
4. Diha sa unsa giingon ni Pablo nga ang mga buhat sa kaluoy kinahanglang ipasukad aron makabenepisyo ang maghahatag? (1 Corinto 13:3)
5. Unsay gitagna ni Jesus nga buhaton ni Pedro makatulo ka beses nianang adlawa sa dili pa motuktugaok ang sunoy? (Lucas 22:34)
6. Unsang triboha sa Israel ang nakadawat sa ilang yutang panulondon sa sidlakan ug sa kasadpan sa Jordan? (Josue 13:29; 17:5)
7. Aron ang usa ka tawo mahimong tinuod nga dako, sa unsang paagi angay siyang maggawi sa iyang kaugalingon sumala sa gisulti ni Jesus? (Lucas 9:48)
8. Nganong gipili ni Samson nga asawa ang usa ka Filistehanong babaye? (Maghuhukom 13:25–14:4)
9. Bisan pag patay na ang napulo ka anak ni Haman, unsay gihangyo ni Ester? (Ester 9:13)
10. Unsay pagtawag sa punoang mga magmamando sa hurisdiksiyonal nga mga distrito sa mga imperyo sa Babilonya ug Persia? (Daniel 6:1)
11. Aron maluwas ang unod, unsay gisulti ni Jesus nga pagabuhaton sa mga adlaw sa “dakong kasakitan”? (Mateo 24:21, 22)
12. Sa dihang nagakaduol na sa iyang kamatayon, unsay gipasalig ni Jose sa mga anak sa Israel? (Genesis 50:24; Hebreohanon 11:22)
13. Kinsa ang magtutukod ug hari sa unang imperyo human sa Lunop? (Genesis 10:8-12)
14. Kang kinsa gipalit ni Haring Omri ang bukid sa Samaria sa duha ka talanton nga pilak sa wala pa himoa kana nga iyang kaulohan? (1 Hari 16:24)
15. Sa unsang siyudad nga si Pablo ug Bernabe nasaypan nga mga diyos nga si Hermes ug Zeus? (Buhat 14:8-12)
16. Samtang si David ug ang iyang mga tawo mikalagiw gikan sa Jerusalem human sa pagrebelde ni Absalom, kinsa kadtong naglakaw ubay sa kilid sa bukid nga naglabay ug mga bato ug abog kanila? (2 Samuel 16:13)
17. Diha sa unsang mga tampi sa suba nga si Daniel midawat sa panan-awon sa pakigbisog tali sa mga hari sa amihanan ug habagatan? (Daniel 10:4)
18. Sa unsang dapit gitukod ang torre sa Babel? (Genesis 11:2)
Mga Tubag sa Pasulit
1. Simon sa Cirene
2. “Anak sa tawo”
3. Ang sarol
4. Gugma
5. Molimod siya nga nakaila kang Jesus
6. Manases
7. “Ingong mas ubos”
8. Milihok siya ka harmonya sa pagtultol sa espiritu sa Diyos; ang maong kaminyoon magtagana kaniyag kahigayonan sa pagpakig-away batok sa mga Filistehanon
9. Nga, sama sa ilang amahan, sila pagabitayon atubangan sa mga tawo ingong kaulawan
10. Mga satrap
11. Ang mga adlaw pamub-on
12. Sa ilang pagpanghawa sa Ehipto ngadto sa Yutang Saad
13. Nimrod
14. Semer
15. Listra
16. Ang Benjaminhong si Simei
17. Tigris (Hidekel)
18. Sinar