Nahibalo Ka Ba?
(Ang mga tubag niini nga pasulit makaplagan diha sa gihatag nga mga pangutlo sa Bibliya, ug ang bug-os nga listahan sa mga tubag gipatik sa panid 14. Alang sa dugang impormasyon, tan-awa ang publikasyon nga “Insight on the Scriptures,” gipatik sa Watchtower Bible and Tract Society of New York, Inc.)
1. Unsang triboha sa Israel ang nakaagom ug labing dakong pagkunhod sa gidaghanon niadtong takos nga magsundalo—kapin sa 60 porsiyento—sa dihang gikuha ang ikaduhang pagsenso didto sa kamingawan? (Numeros 1:23; 26:14)
2. Unsay gisulti ni Jesus nga dili himoon sa mga binanhaw? (Lucas 20:35)
3. Ngadto kang kinsa nakigsulti si Agur sa mga pulong nga makaplagan sa Proverbio kapitulo 30? (Proverbio 30:1)
4. Unsay giingon ni Pablo nga kinahanglang bag-ohon aron sa pagtuman sa kabubut-on sa Diyos? (Roma 12:2)
5. Kinsay gigamit ni Gamaliel ingong sumbanan aron sa pagdani sa Sanhedrin nga dili samokon ang mga Kristohanon? (Buhat 5:34-40)
6. Unsay gihunahunang buhaton ni Jose aron malikayan nga si Maria mahimong “usa ka talan-awon sa publiko”? (Mateo 1:19)
7. Nganong ang mga tawo “nga nagpuyo sa Lida ug sa patag sa Saron . . . miliso ngadto sa Ginoo”? (Buhat 9:35)
8. Sa unsang paagi ang mga Fariseo ug ang mga Saduseo misulay sa pagtental kang Jesus? (Mateo 16:1)
9. Unsay gihimo ni Jehova sa daotang mga manulonda nga mibiya sa ilang angay nga dapit puy-anan? (Judas 6)
10. Unsay kahulogan nga ang tawo gilalang sumala sa dagway sa Diyos? (Genesis 1:27)
11. Unsay gipasabot sa Diyos sa pag-ingon nga ang yuta mao ang tungtonganan sa iyang tiil? (Isaias 66:1)
12. Asa padulong si Cleopas ug ang iyang isigkatinun-an sa dihang si Jesus nagmateryalisar ug mikuyog kanila? (Lucas 24:13)
13. Kon kita magalakaw sa “pagkawalay-ikasaway,” kita gipasaligan sa unsa? (Salmo 84:11)
14. Unsay gikausahan ni Pablo ug Aquila? (Buhat 18:3)
15. Pila ka anak nga lalaki ang gitagna sa Diyos nga mabatonan sa anak ni Abraham nga si Ismael? (Genesis 17:20; 25:16)
16. Pila ka “kalag sa balay ni Jacob” ang misulod sa Ehipto sumala sa sugo ni Paraon? (Genesis 46:27)
17. Ngadto sa unsa gitandi ni Jesus kadtong nagabuhat ug maayo ngadto sa kinagamyan sa iyang mga igsoon? (Mateo 25:31-45)
18. Unsang tituloha, nga gikuha gikan sa una ug kataposang mga letra sa Gregong alpabeto, ang gipasidungog ngadto sa Diyos? (Pinadayag 1:8)
Mga Tubag sa Pasulit
1. Ang tribo ni Simeon
2. Pagminyo
3. Itiel ug Ucal
4. Hunahuna sa tawo
5. Teudas ug Judas nga Galileanhon
6. Bulagan siya
7. Ilang nakita nga si Eneas giayo ni Pedro pinaagi sa ngalan ni Jesus
8. “Ilang gipangayo kaniya nga magpadayag kanila ug ilhanan gikan sa langit”
9. Sila gipugngan “uban ang dayon nga mga gapos diha sa naglugitom nga kangitngit alang sa paghukom sa dakong adlaw”
10. Aduna siyay mga hiyas nga susama nianang sa iyang Maglalalang ug nagpalahi kaniya sa mga mana- nap
11. Sa mahulagwayong pagkasulti, ang iyang trono sa mga langit mas hataas kaayo kay sa yuta
12. Emmaus
13. Nga “walay bisan unsang butang nga maayo nga idumili” ni Jehova kanato
14. Sila parehong “tighimog mga tolda”
15. Napulog-duha
16. Kapitoan
17. Mga karnero
18. “Ang Alfa ug ang Omega”