Tukmang Pagbasa

1 Timoteo 4:13

SUMARYO: Basahag kusog kon unsa gyoy nasulat.

KON UNSAON PAGHIMO:

• Pangandam pag-ayo. Hunahunaa kon nganong gisulat ang materyal. Pagpraktis nga basahon ang matag grupo sa mga pulong, dili ang matag pulong lang. Seguroa nga wala kay madugang, malaktawan, o mapulihan. Bantayi ang tanang punctuation mark.

• Seguroa nga sakto ang imong paglitok sa matag pulong. Kon wala ka mahibalo kon unsaon paglitok ang usa ka pulong, tan-awg diksiyonaryo, paminawg audio recording sa publikasyon, o pangayog tabang sa maayong mobasa.

• Klaroha ang imong pagsulti. Tarongag litok ang mga pulong. Ayaw pagduko, ug bukha pag-ayo ang imong baba. Paningkamoting klaro ang imong paglitok sa matag syllable.