Masabtan sa Uban

1 Corinto 14:9

SUMARYO: Tabangi ang imong mamiminaw nga masabtan ang kahulogan sa imong mensahe.

KON UNSAON PAGHIMO:

• Tun-i pag-ayo ang materyal. Sabta pag-ayo ang topiko aron sayon nimo kining mapatin-aw ug masulti sa kaugalingong mga pulong.

• Paggamit ug mugbong sentence ug simpleng mga prase. Bisag puwede rang mogamit ug tag-as nga sentence, isulti ang pangunang mga punto gamit ang mugbo nga prase ug sentence.

• Ipatin-aw ang dili pamilyar nga mga termino. Kon posible, ayawg gamit ug mga ekspresyon nga dili pamilyar sa imong mamiminaw. Kon kinahanglan kang maghisgot ug dili pamilyar nga termino, karakter sa Bibliya, o karaang sukod o kostumbre, ipatin-aw kini.