TUN-ANAN 18

Mapuslanong Impormasyon Para sa Mamiminaw

1 Corinto 9:19-23

SUMARYO: Palihoka ang hunahuna sa mamiminaw aron mobati sila nga mapuslanon ang ilang nakat-onan.

Konsideraha kon unsa nay nahibaloan sa imong mamiminaw. Imbes balikon ang ila nang nadunggan sa una, tabangi sila nga makita ang laing anggulo sa topiko.

Paspasig hisgot ang pamilyar nga mga punto, apan hinayhinayig hisgot ang bag-ong mga ideya.
Pag-research ug pamalandong. Kon posible, ilakip ang dili kaayo pamilyar nga mga impormasyon o bag-ong panghitabo sa pag-ilustrar sa pangunang mga ideya. Hunahunaa pag-ayo ang imong materyal ug ang koneksiyon niini sa impormasyon nga gusto nimong hisgotan.

Samtang tun-an nimo ang materyal, palihoka ang imong hunahuna pinaagi sa pagsuknag mga pangutana sama sa ‘unsa, ngano, kanus-a, asa, kinsa, ug sa unsang paagi.’ Himoang buhi ang imong pagpanudlo pinaagig pagsukna ug pagtubag sa pipila nianang mga pangutanaha sa tibuok nimong bahin.
Ipakita kon unsa ka mapuslanon ang imong mensahe. Ipatin-aw kon sa unsang paagi ang mga punto sa Kasulatan makatabang sa imong mamiminaw sa ilang adlaw-adlawng pagkinabuhi. Paghisgot ug espesipikong mga kahimtang, panglantaw, ug mga buhat nga importante sa imong mamiminaw.