BAAL-TAMAR

[Tag-iya sa Kahoyng Palma].

Usa ka dapit nga duol sa Gibea diin ang Israelinhong kasundalohan mihan-ay aron sa pagpakig-away sa tribo ni Benjamin sa usa ka makatalagmanong gubat nga gisugniban sa usa ka mangilngig nga seksuwal nga krimen. Ang uban sa kasundalohan sa Israel gitapok didto sa Baal-tamar, samtang ang uban gipahiluna ingong magbabanhig batok sa mga Benjaminhon. (Huk 19:25-28; 20:33) Ang nahimutangan sa Baal-tamar dili matino.