GITIHANON

[Taga- (Iya sa) Gat].

Usa ka termino nga sagad gigamit alang sa usa ka molupyo o lumad sa Filistehanong siyudad sa Gat. (Jos 13:​2, 3) Ang higanteng si Goliat maoy usa ka Gitihanon. (2Sa 21:19; 1Cr 20:5) Ang mga Gitihanon, lakip kang Itai (gitawag nga “usa ka langyaw” ug “usa ka destiyero” gikan sa iyang pinuy-anan), matinumanong miunong kang David sa panahon sa iyang pagkalagiw sa dihang mirebelde si Absalom.​—2Sa 15:​13, 18-22; 18:2; tan-awa ang GAT; ITAI Num. 1.

Apan ang termino nga “Gitihanon” gigamit usab kang Obed-edom, diin sa iyang balay temporaryong gibutang ang arka sa pakigsaad. (2Sa 6:​10, 11; 1Cr 13:13) Ang pipila ka eskolar nagtuo nga siya usab gikan sa Gat sa Filistia. Apan, lagmit gayod nga si Obed-edom maoy usa ka Levihanon ug tingali gitawag nga Gitihanon tungod kay siya gikan sa Levihanong siyudad sa Gat-rimon.​—Jos 21:​20, 23, 24; tan-awa ang OBED-EDOM Num. 1.