GITTITH

Usa ka musikal nga termino nga dili matino ang kahulogan, nga makita diha sa mga superskripsiyon sa Salmo 8, 81, ug 84. Kini nga termino mopatim-awng naggikan sa Hebreohanong pulong nga gath, nga maoy ngalan usab sa usa ka lungsod nga nahimutang sa utlanan sa Juda ug Filistia. Gituohan sa pipila nga ang “Gittith” nagtumong sa usa ka tono nga nalangkit sa mga awit panahon sa pag-ani sa ubas, sanglit ang gath nagtumong sa pug-anan sa bino. Busa, ang Gregong Septuagint ug ang Latin nga Vulgate naghubad sa “Gittith” ingong “mga pug-anan sa bino.”